Doma 11:7 - El Nuevo Testamento en matsés

⁷ ¿Atotsimbi chiec ne? Isadaidbon ambi tantiactedishun abi tantiasho Nuquin Papan bëdambuen isec. Isadaidbo utsiboen bëdambuen istiapimbo iquec. Aido: Nuquin Papa bëdambuen ismembi, quebuedi tantienquio icsho Nuquin Papan pacuënnëdacbimbuecnuc icmepanëdash.

Doma 11:7 ပူးပေါင်းရင်းမြစ်များ

Madcos 6:52

Pete daëdpactsëc icquidi matses dadpen pemebambuedën nac nec, quequin tantienquio yec pamunacbimbuec icpanëdash.

Ducas 13:24

Nuquin Papa yacno puduedtequid shëcuë pistsëcquio iquendac. Aidëmpinquio puduednun Nuquin Papa tantiec bëdambuec tabadta. Utsibo dadpen puduedte bunequi ambi tantiaid utsi icnuc tsucusec puduedtiapimbo iquendac.

Uanën dada uaid 12:40

Nuquin Papan namiac min matses pamumëdacbimbuen tantiate bunenquio iquendac. Bëchicqueshun isenquio yacbimbuen isquimbi tantiatiapimbo iquendac. Umbi chiaid tantiaquin umbi nabansho issumbi ubi padpiden tantiauatiapimbo iquendac. Aden ambi icsambuen naid ënsho bëdambuen ismane, quiash Nuquin Papa chushquiaid Isayasën chuipampic.

Doma 10:3

Nuquin Papa matses bëdambuen iste bunquid nec, quequin tantiatiadquidi isadaidbon tantienquio iquec. Aidon: Ambi chiacpadombuen naquin umbimbo bëdambuen ismembi, quequin tantiaquimbi Nuquin Papan: Umbi chiacpadombuen nasho icsaisabimbuecnuc bëdambuen isendambi, quequin chiaid tantienquio iquec.

Doma 11:25

Cun utsibo, tantia. Chuinu. Nuquin Papan ambi matses tantiamenquio icpampidi nëbi tantiamequin mibitedi chuinu. Nuquin Papan isadaidbo pacuënnëdacbimbuecnuc icmiac tantiate bunenquio iquec. Nuquin Papan tantiactedishun matses utsibomba dadpenshun Esus tantiambic isadaidbontsen dadpenshun Esus tantiabenendac.

Doma 11:5

Adembidi nëbi isadaidbo ambi tantiactedishun Nuquin Papa tantiaquiec.

Doma 3:9

Tantia. Chuinu. ¿Atotsibi quio? Nuquitedi isadaidbo yec bëdambuec tabadnubi matses utsibo icsambuen naquido nec ¿quectabi icpe? Padenquio. Isadaidbo yec Isadaidpembo yec matses utsibo yec quec abitedimbo icsambuen naquido nec, quequin mibitedi chiombi.

Doma 6:15

Nuquin Papan nuquitedi bëdambuen isec, quequin chuisho tantiashun naden icsambuen tantienda: Moises dada uamiampidtedi niacsho bëdambuen isquin cuidtiapimbo iqueque. Ambi chiaid niacquin icsambuen nanu, ¿quequinda tantie? Aden icsambuen tantienda.

Doma 9:18

Aden Nuquin Papan tantiacpadombuen utsi utsien icsambuen naquido pamumëdacbimbuecnuc icmebanec. Adoshombic utsi utsien uënësquio icquin tantiaquin abi tantiaquido icmebanendac.

Doma 9:23

Nuquin Papan matses bëdambuen iste bunquin icsaisambo yec bëdamboshëcquid icquin nuqui tantiamete bunec. Nuquin Papa nuqui tantiec uënësquiocquid icquin ambi ëndenquimbo nacnenampicno bëdamboshë yacno tabadmendac.

Codinto 1 10:19

Aden chuiquin utsibon papa canun nacnenaid ambi tantiaid bëdambo iquec, quequin chiecpenquio nebi. Adembidi: Ambi nacnenaid ismete nëish iua pichicate bëdambo iquec, quequin chiecpenquio nebi.

Codinto 2 3:14

Nuquin Papan dada uaid Moisesën chuibanac tantiate bunesa aton matses isadaidbo icpampic. Adquiobidi pamumëdacbimbuec isadaidbo abi tabadec. Nuquin Papan Chiampid isec onquec nëbi adquiobidi abi bëdambuen ismenuen nate tantiesa nec. Padnuen Esuquidistu uidtsëqui tantiaquidën Nuquin Papa bëdambuen ismete tantiec.

Codinto 2 4:4

Ad icnuc: Nuquin Papapadquidquiobidi bëdamboshëcquid Esuquidistu nec, quequin chuibansho tantiaquido icnushe, queshun icsambuen namianquid icquin Mayan Icsa Satanasën pamunacbimbuen utsi utsien tantiamenquio iquec.

Epeso 1:4

Ëndenquimbo abitedi uabi yequi Nuquin Papa nadpampic nuquitedi caic: Nëidtedquio Esuquidistu tantiaquido icsho Umbi: Cun matses nec, caido icsho icsambuen naisabimbuecnuc bëdambuen isendambi, quequin Nuquin Papan tantiapampic. Aden nuquitedi tantiaquioquin

Epeso 4:18

Adquido yec pashuacbimbuecquido nec. Adquid icquin: Nuquin Papabëd tabadte iquec, utsibo quesho tantiesa yec aid tantiate bunenquio iquec tabadec.

Pidipos 1:18

Ubi chieshënec ¿quiashtabi nëishpe? Padenquio. Ubi chieshënquidobëtan ubi tantiaquidon Esuquidistun naid chuibanec, quiash bëdambo yec cuishonquebi.

Ebedeo 12:17

Aden Esaun nampid mimbi tantiec. Ambi chiacpadombuen abi chuitequidi aton papan Acobo chiacsho tantiashun: Ubitsen mimbi bëdambo icmete chiaid utsi chui, papa, cac: Uesquin min utsi chiombi, quequin aton papan chiac Esau shubiquiopampic.

Petedo 1 1:2

Ëndenquimbo Nuquin Papa: Umbi tantiactedi ubi tantiaquid icmendambi, quepampic. Nëbi ambi tantiampicpadombuen aton Mayanën tantiamiac: Aidën chiacpadombuen nate bunebi, quec mibi bëdambuec tabadte bunendac. Icsambuen naquid icsho cuidmenquio icnuec abided cuidadec intac chididiquec uënësondaid Esuquidistun Nuquin Papa bëdambuen ismequin bëdambuec tabadquid ma mibitedi icmepanuna.