Doma 11:30 - El Nuevo Testamento en matsés

³⁰ Ënden mibitedishun matses utsibo icquin Nuquin Papan Chiaid niacniacquin tantienquio iccondac. Nëbien isadaidbon Ambi Chiaid niacniacsho issun Nuquin Papan uënësquio icquin mibitedi tantiec.

Doma 11:30 ပူးပေါင်းရင်းမြစ်များ

Doma 11:29

Ambi tantiamiaido icsho ambi icsambuen naid bedshunquin cuenmenquio icquin Nuquin Papan tantiaquiendac.

Doma 11:31

Adembidi nëbi isadaidbon Nuquin Papan Chiaid niacniacquec. Adsho issun Nuquin Papan mibitedi uënësquio icquin tantiacpadombuembidi Nuquin Papan uënësquiocquin aidotsen tantiendac.

Doma 15:9

Adecbidi matses utsibo Nuquin Papan cuidte bunenquio icquin bëdambuen isaido yec ma aido tantiec tabadnu, quiash Esus chopanëdash. Nuquin Papan naden chuiquin dada uamepampic: Adquid icsho nidaid utsi utsiec yacno tabadquid matses utsibobëtan: Nuquin Papa bëdambo iquec, quequin mibi chiendambi. Adecbidi mibi tantiec cuëdënendabi, quequin chuipampic.

Codinto 1 7:25

Chidobotedi dadan bedabicquidobëta dada chido bedabi icquido tantiaquin naden chuita. Nuquin Icbon: Adquido aden chuita, quequin chiabi iccoshi. Adquid icshobi Nuquin Papan ubi bëdambuen isquin bëdambuen tantiamiaid icquin umbi tantiacpaden chuisho tantiashun: Abimbo chiec nec, quequin tantiata.

Codinto 2 4:1

Nuquin Papa bëdamboshëcquidën ubitedi bëdambuen isquin: Esuquidistu chuibenneta, caid icquin chieshtoenquio icquin aidi chuibanquido ubitedi nec.

Codosas 3:7

Ënden Esus tantiesa icquin aden icsambuen nabanec mibitedi tabadpanëdac.

Timoteo 1 1:18

Tantia, Timoteo, cun madobimbuecquid icsho mibi chuinu. Umbi chiacpadombuen Nuquin Papan Chiaidquio chuibanta, mado. Ënden mibi Esus chuibanquid yanabi icnuc Nuquin Papan oncamiac ubipadquidobëtan Esus tantiaquidon mimbi Esus chuibante chuipanëdash. Aidon chiondacpadombuen chieshtoenquio icquin Nuquin Papan Chiaidquio chuibanta. Adec sondadobimbuecquid mibi ictsiac.

Ebedeo 3:18

Aidobidi chiec Nuquin Papa: Muatiapimbocquid icquin mibi abimbo naden chiembi: Umbi chiondacno nidaid bëdambocquidën mibi nidmenquio icquin ambo tabadmenquio iquendambi. Ambo tabadec mibitedi utsibobëd cuesnanenquio yec mibi bëdambuec tabadtsenoc, quequin Umbi Chiaid niac niacsho chiondambi, capampic Nuquin Papan.

Petedo 1 2:10

Ënden mibitedi Nuquin Papan: Cun matses nec, cainquio icpondash. Adquid iccondaidi nëbi Nuquin Papan: Cun matses caido mibitedi nec. Ënden Nuquin Papan mibi bëdambuen istiapimbo icpanëdash. Adobuedëmbi nëbi mibitedi tantiaquin Nuquin Papan mibi bëdambuen isec.