Doma 10:9 - El Nuevo Testamento en matsés

⁹ Nuquin Papan uincuenmenëdaid Esus nec, quequin tantiaquin: Esus Cun Icbo nec, quequin abimbo chuisho Nuquin Papan mibi bëdambuen isquin abi yacno tabadmendac.

Doma 10:9 ပူးပေါင်းရင်းမြစ်များ

Ducas 12:8

Abimbo chiembique: Tantiata. Utsibon tantianubi: Esus tantiaquid nebi, quequin abimbo chuisho issun adombuembidi Matsesën Tishaid icquin: Nëid ubi tantiaquid nec, quequin Nuquin Papabëd icquidonquio tantianuc chiendambi.

Uanën dada uaid 9:22

Nuquin Papan Chomiaid Quidistu caid Mesias Esus nec, quequido icsho Nuquin Papan Chiaid chuibante shubun puduedmenquien ictiad, quequin cun matses isadaidbon chuiquidon chiaid tantiash dacuëdquin:

Hechos 16:31

Adoaquien Pabadon: Esuquidistu min Icbombo neque. Min shubun icquidobëtambi aidquio tantiata. Adash aidobëdi Nuquin Papa yacno mibi tabadendac, capanëdash.

Hechos 2:24

Aden mimbi aton dada paëmbo icmequin uënës uacshobien Nuquin Papan: Matsesën nibëdquiecnuc uënësmetiapimbo iquec, queshun Esus uincuenmepaccondash.

Hechos 2:32

Aden Dabidën chiampicpadembi Nuquin Papan Esus uincuenmepanëdash. Aid uincuenmiacsho isondaido icquin ubitedishun mibitedi chuibanec nebi.

Hechos 8:36

Aden chuibanec podquiedën nidquimbi Etiopia yacnouësh choquid Esus tantiaquid yanshun acte istuidshun: Acte cueneque. Is. ¿Ada ubi acten mentotsia? capanëdash.

Doma 10:10

Nuquin Papa tantiembi, quequin bëdambuen tantiasho icsaisabimbuecnuc bëdambuen isendac. Adembidi: Esus Cun Icbo nec, quequin tantiaquin chuisho abi yacno tabadmendac.

Doma 14:11

Adembidi naden chuiquin Nuquin Papan Ambi Chiaid dada uamiampid nad iquec: Uënëstiapimbocquid icquin abimbo caimbi. Matses abitedishun dannëshën tinquebudcuededshun ubi naden chiendac: Abitedishun Icbombo yec bëdamboshëcquidquio mibi nec, quequin ubi ismequin dannëshën sebudendac, quequin chuipampic.

Doma 14:9

Adquidon Icbo icnuec uënësash Esuquidistu uincuempanëdash. Uënësabi icquidën Icbo icbuedi uënësaidën Icbobidi iquendac.

Doma 4:24

Nuquitsen Nuquin Papan ambi bëdambuen iste tantiamenuen aden dada uamepampic. Nuquin Icbo Esus uënësacsho uincuenmiaid tantiasho Nuquin Papan nuquitsen bëdambuen isec.

Doma 8:34

Adquid icshoda ¿Utsibon: Aido natiamequin cuidquin Nuquin Papa nibëdacno nidmenu, queshunda naic? Padenquio. Esuquidistu abided cuidadec uënësacsho uincuenmepanëdash. Aidëmbi nëbi Nuquin Papan dayun abiucquio tsadquin nuquitedi tantiaquin: Aid bëdambuen ista, quequin Nuquin Papa chiannec.

Codinto 1 12:3

Adquid iccondaidi nëbi Esus tantiaquido mibitedi icsho chuinu. Nuquin Papan Mayanën tantiamiacmaido yec: Esus icsamboshëcquid nec, quendac. Padnuen Nuquin Papan Mayan Bëdan nadatiambocquin tantiamiaido yec: Esus Cun Icbombo nec, quendac.

Pidipos 2:11

Ma abitedishunquio: Esuquidistu Nuquin Icbombo nec, quequin tantiaquin: Nuquin Papatsen bëdamboshë iquec, ma canu, quequin adopanëdash.

Petedo 1 1:21

Aden abi tantiasho Esuquidistunuidtsëqui Nuquin Papa mibitedi tantiamec. Adoac mimbi naden tantiec: Esus uënësacsho uincuenmeshun abëdi tabadmequin abitedishun Icbombo Nuquin Papan icmepanëdash. Ambi tantiacpadombuen naquidquio Nuquin Papa nec, quequin mimbi tantiec.

Uan 1 4:15

Esuquidistu Nuquin Papan Madombo nec, quequin tantiaquidbëd abentsëc yacbimbuec Nuquin Papa iquec. Adecbidi aidbëd abentsëc yacbimbuec abi tantiaquid iquec.

Uan 2 1:7

Muaquin chuibanquido dadpen choac. Aidon: Esuquidistu Nuquin Papan Chomiaid yec matsespenquio nepanëdash, quequin muaquin chuibanendac. Aido Esuquidistu chieshënquidombo nec.