Doma 10:8 - El Nuevo Testamento en matsés

⁸ ¿Mitsipaden chuiquin dada uaid Nuquin Papan Chiaid icpe? Naden chuiquin dada uamiampid iquec: Ambi Chiaid mibi yacnobi iquec. Min tantiate yacno ambi chiaid iquec. Aidquiobi Nuquin Papa bëdambuen tantiamete nec, quequin tantiaquin chuibanec nebi.

Doma 10:8 ပူးပေါင်းရင်းမြစ်များ

Hechos 10:43

Adembidi Nuquin Papan oncamiaidon Esus tantiaquin: Nuquin Papan Chomiaid Quidistu Mesias iquendac, quequin chuiquin dada uapampic. Aden chiampid icnuc aid tantiashouidtsëqui ambi icsambuen naid tantienquio yec Nuquin Papa bëshunendac, quequin chiampid iquec, quepanëdash Petedo Codnedion shubun iccuededquido tantiamequin chiec.

Hechos 16:31

Adoaquien Pabadon: Esuquidistu min Icbombo neque. Min shubun icquidobëtambi aidquio tantiata. Adash aidobëdi Nuquin Papa yacno mibi tabadendac, capanëdash.

Doma 10:17

Aden Esuquidistun naid chuibansho tantiashun: Abimbo caic, quequin Esuquidistu tantiabenec.

Cadasia 3:2

Mimbi tantiaid ubi chui. Tantianu: ¿Atotsi quiash Nuquin Papan Mayan Bëda mibëdi tabadanondash? ¿Nuquin Papan: Naden nata, quequin ambi Moises chuiquin dada uamiampidtedi mimbi nabansho isashta mibëd tabadanondash? ¿Umbi chuibanac: Abimbo caic, queshoda mibëd aton Mayan tabadanmiondash? Ai, umbi chuibanac Esusquio tantiabensho issun Nuquin Papan aton Mayan meniac mibëd tabadanondash.

Cadasia 3:5

Nuquin Papan aton Mayan meniaid icquin nadatiambocquin naquin mibitedi ismiondash. ¿Atotsi queshun Nuquin Papan aden namiondash? ¿Moisesën chiampicpadombuenuidi nashoda Nuquin Papan aton Mayan mibitedi meniondash? Padenquio. Umbi chuibanac: Abimbo caic, queshun Esusquio tantiabensho issumbien Nuquin Papan aton Mayan mibitedi meniondash.

Epeso 5:26

Adec abided cuidadec uënëssun: Ubi tantiaquido bëdamboshëcquid icmenu, queshun ambi Chiaid tantiamequin abi tantiaquido acten mentoadmendac.

Timoteo 1 4:6

Umbi chuiboedtedi Esus tantiaquido chuibanquin mimbi bëdambuen naindac, mado. Madompi icsho pete pemiacbimbuen min matsesën Nuquin Papan Chiaidquio mibi chuibampanëdash. Aidën chiaid tantiaquidquio yanquin umbi chiacpadombuen mimbi chuibanendac.

Petedo 1 1:23

Ambi chiaidquio tantiamequin chucauaido mibitedi nec. Dadan chudac bacuë usundoshon tishac chuca uaid ictiapimbo yec uënëstequid icnuc Nuquin Papan chucauaido mibitedi nec. Aden mibi chuca uaquid Nuquin Papa nibëdantiapimbo icquid icnuc ambi Chiaid adecbidi bënnudtiapimbo iquec.

Petedo 1 1:25

Padnuen Nuquin Papan Chiaid nibëdantiapimbo icquid yec ucudtiapimbo icquid nec, quequin abimbo chuipampic. Aidën Chiaid Bëda Esusën naid mibitedi tantiamequin chuibampanëdash.