Doma 10:17 - El Nuevo Testamento en matsés

¹⁷ Aden Esuquidistun naid chuibansho tantiashun: Abimbo caic, quequin Esuquidistu tantiabenec.

Doma 10:17 ပူးပေါင်းရင်းမြစ်များ

Madcos 4:24

Aden chiash Esus: Chiaid Bëda tantiashun bëshunenquio icquin tantiadednequiota. Aden chiaiduidi tantiec utsibobëd tantiananec tabadsho mibitedi bëdambocquid icmequin Nuquin Papan udictsëc mibi bëdambuen tantiamendac.

Ducas 11:28

Adoaquien: Nuquin Papan Chiaid chuibansho tantiashun aidën chiacpadombuen nabanquid Nuquin Papan bëdambo icmiaidquio nendac, quepanëdash Esus aid chido chiec.

Ducas 8:11

Aden chiashic: Umbi utsi chiacbimbuen chuibambued nad iqueque. Tantia. Chuinu. Tied icbon pete ëshë secaidbimbuecquid Nuquin Papan Chiaid nec.

Ducas 8:21

Adoaquien: Nuquin Papan Chiaid tantiashun aidën chiacpaden nabanec tabadquid icsho dada cun utsi catanquimbi chido cun ta caimbi, quepanëdash Esus.

Uanën dada uaid 1:37

Adsho tantiatanec Uambëd icquido Esus chinunec nidpondash.

Doma 1:16

Esusën naid Chiaid Bëda nadatiambocquin Nuquin Papan tantiametequid nec, quequin chuibanac: Abimbo caic, quequin tantiaquido Nuquin Papa yacno tabadendac. Adquid icnuc Esusën naid dacuëdenquio icquin chuibennec nebi. Aden abia chuibanac: Abimbo caic, quequin tantiaquido isadaidbo icnuc adembidi tantiaquido matses utsibo icsho Nuquin Papan abëd tabadmendac.

Doma 10:14

¿Mitsipaden tantiesa icquin Nuquin Papa chiannepatsiash? ¿Mitsipaden Nuquin Papabëta Esus chuisho tantiabi icquin matsesën Esusbëta Nuquin Papa tantiabempatsiash? ¿Mitsi paden Nuquin Papan naidbëta Esusën naid chuibanabi yac matsesën tantiabempec?

Codinto 2 2:17

Utsibombien dadpenshun piucquid bedteuidi bunquin Esus chuibennec. Piucquid bednu, quequin ubi yacpadquidon Esuquidistu chuibanenquio iquec. Padnuembi Nuquin Papan: Esuquidistu chuibenneta, caid icquin piucquid bedte bunenquio icquin Nuquin Papan isquin tantianubi muainquiocquin aidquio chuibennec nebi. Nuquin Papan namiaido yec Esuquidistubëd abentsëc yacbimbuec tabadquido ubitedi nec.

Cadasia 3:2

Mimbi tantiaid ubi chui. Tantianu: ¿Atotsi quiash Nuquin Papan Mayan Bëda mibëdi tabadanondash? ¿Nuquin Papan: Naden nata, quequin ambi Moises chuiquin dada uamiampidtedi mimbi nabansho isashta mibëd tabadanondash? ¿Umbi chuibanac: Abimbo caic, queshoda mibëd aton Mayan tabadanmiondash? Ai, umbi chuibanac Esusquio tantiabensho issun Nuquin Papan aton Mayan meniac mibëd tabadanondash.

Cadasia 3:5

Nuquin Papan aton Mayan meniaid icquin nadatiambocquin naquin mibitedi ismiondash. ¿Atotsi queshun Nuquin Papan aden namiondash? ¿Moisesën chiampicpadombuenuidi nashoda Nuquin Papan aton Mayan mibitedi meniondash? Padenquio. Umbi chuibanac: Abimbo caic, queshun Esusquio tantiabensho issumbien Nuquin Papan aton Mayan mibitedi meniondash.

Codosas 3:16

Esuquidistun naid chuibanaid bëdamboshëcquid tantiaquido mibitedi neque. Aid bëshunenquio icquin tantiec bëdambuec tabadta. Adembidi bëdambuen tantiaquin Esus tantiaquid utsibobëd tantiananec Esuquidistun chiaid chuinanec: Bëdambuec tabadnuna, quec chuinanta. Aden naic chuiquid tapa Dabidën dada uampid cuëdëntebëta cuëdënte utsi Nuquin Papan mibi bëdambo icmiaidbëtabi ambi naid utsi chiec cuëdëndedneta.

Tesadonica 1 2:13

Aden Nuquin Papan Chiaidquio umbi chuibanac: Ambembi chiaidpenquio chuibanosh. Ma Nuquin Papan Chiaidquio Pabadon chuibamboc, mibitedi quianondac. Ai, aden Nuquin Papan Chiaidquio tantiash Esus tantiaquido yanash aidquiobidi chuisho tantiash mibi bëdambo yanec. Adec mibitedi bëdambuec tabadaid tantiaquin Nuquin Papa naden chiannembi: Tesadonica yacnocquido bëdambuec tabadmequid yec mibi bëdamboshë iquec, Papa, quequin Nuquin Papa chiannembi.

Ebedeo 4:2

Aden Equipito yacnoshon buanaido chuiquin: Umbi buanacno mibi tabadte iquendac, quequin ambi nuquin tsusedpabo chiampicpadombuen: Ubi yacno puduedash natienquio yec tabadtequid iquendac, quequin nëbi ambi Chiaid Bëda Esusën naid chuibanuasho nuquitedi tantiauaic. Aden ëndenquimbo chuisho tantiash: Nuquin Papan Chiaid abimbo iquec, quequin tantienquio icquido yec aidën chiampicno tabadtiapimbo icpampic.

Petedo 1 1:23

Ambi chiaidquio tantiamequin chucauaido mibitedi nec. Dadan chudac bacuë usundoshon tishac chuca uaid ictiapimbo yec uënëstequid icnuc Nuquin Papan chucauaido mibitedi nec. Aden mibi chuca uaquid Nuquin Papa nibëdantiapimbo icquid icnuc ambi Chiaid adecbidi bënnudtiapimbo iquec.

Esusën Uan ismiaid 1:9

Esusbëd iccondaidquio Uan nebi. Mibëtan Esus tantiaquid yec min utsi nebi. Esus tantiaquid icsho Nuquin Papan namiaido yec aidbëd tabadtequido nuqui nec. Esus tantiasho mibi natiamequin chieshënacpadembidi Esus tantiesabon chieshëmpondashi. Adoaqui Esusën namiacpadec chieshtoenquio icquin abi Esus chuibenniondambi. Adsho issun Esus chieshënquidon quënën tsadunacbimbuen cuenmenquio icnuen acte dapa mad caid nidaid nacnëdquid tapa Padmos caidën tsadunondac abi tsadec nebi.