Doma 10:15 - El Nuevo Testamento en matsés

¹⁵ ¿Mitsipaden: Chuibenneta, cacmaidëmbi Esusën naid chuibennepec? Naden chuiquin Nuquin Papan dada uamepampid iquec: Nuquin Papan matses bëdambuen iste iquec, quequin Chiaid Bëda chuibennequid chosho isash cuishonquendac, quequin chuipampic.

Doma 10:15 ပူးပေါင်းရင်းမြစ်များ

Mateo 9:38

Naden Nuquin Papa chianneta: Matses dadpenshunquio mimbi bëdambuen iste tantiabi iqueque. Ma tantiabennu, Mimbi Chiaid Bëda chuibanquido dadpen icmeta, Papa, quequin chianneta, quequin Esusën chuipondash.

Ducas 10:1

Adshumbic abi tsibanquido dadpen 72ted icquid Esusën chomepanëdash. Aido chiec: Daëd daëdquiec shubu dadpen icquid utsi utsiec yacno nidshun chuibennetan, quequin ambi bëyuc nidmetequid

Ducas 2:10

Adsho issumbien Nuquin Papabëd icquid chobuedën: Dacuëdenda. Chiaid Bëda matses abitedi cuishoncametequid chuinuec chobique. Dacuëdenquio icquin tantiata. Chuinu.

Ducas 2:14

Nuquin Papa abucquio tabadquid yec bëdamboshë iquec. Nuquin Papan bëdambuen isaido matses ma bëdambuec tabadpanuna, quec cuëdëmpanëdash.

Ducas 8:1

Adshumbic Esusën shubu daëdpactsëcquidbëd shubu dadpen icquid yacno yacnombuec capucuennequin: Nuquin Papan namiacno tabadte iquec, quequin Chiaid Bëda chuibennepanëdash. Aden chuibennec capunuc abëd icquido 12ted adecbidi Esusbëd nidpanëdash.

Uanën dada uaid 20:21

Adsho istanequien ambi chuibocpadecbidi: Dacuëdenda, quetanec: Tantia. Mibitedi chuinu. Cun Pan: Matses chiec nid, quequin ubi chomiondacpadombuembidi: Ubi chuibennetan, quequin mibitedi nidmendambi, quepondash Esus.

Hechos 10:36

Isadaidbon tsiuecquidoba tantiamenuen Nuquin Papan Esus chomepanëdash. Esuquidistunuidtsëqui Abitedishun Icbombo icquin Nuquin Papa matses bëdambuen ismec, quequin tantiembi.

Hechos 13:26

Tantia. Cun matses isadaidbo Abadauanën tsiuecquidobëta Nuquin Papa tantiaquido matses utsibo icsho mibitedi chuinu. Nuquitedi icsambuen naid bedshunash abided cuidadec Esuquidistu uënëspanëdash. Aid tantiaquid icsho abi yacno nuquitedi tabadmendac.

Hechos 22:21

Adshobini Nuquin Icbon: Nidec nid. Isadaidpembo yacno ënapen mibi nidmembique. Nidta, capondashi, quepanëdash Pabado ambi nabanaid iccuededquido chiec.

Hechos 9:15

Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Doma 1:15

Aden chuibennequi shubu dadpen icquid Doma yacno nidshun mibitsen Esusën naid Chiaid Bëda chuibante bunquiebi.

Doma 15:20

Esuquidistun naid Chiaid Bëda chuibanacmanombo chuibennetiadquio iquebi. Utsibomba Esusën naid chuibanacno nidte bunenquio iquebi.

Epeso 2:17

Ambi Nuquin Papa bëdambuen ismete Chiaid Bëda matses abitedi chuibennenuec Esuquidistu chopanëdash. Mibitedi Nuquin Papa tantiesabo yec uannombo icpondac. Padnuen ubitedi Nuquin Papa tantiaquido yec aton dayuntsëqui tabadacbimbuec icpondac. Adquido abitedi chuibannuec chopanëdash.

Epeso 3:8

Nuquin Papa tantiaquido utsibo bëdambocquid icnubi aidopadquidpenquio nebi. Adquid icshobini Nuquin Papan isadaidpembo Esus chuibennequid icmepondash. Esusën matses bëdamboshë icmete matsesën: Nadquio iquec, catiapimbo ictequidbidi chuibennequid icmiondashi.

Epeso 6:15

Nuquin Papan: Bëdambuen tabadmete Chiaid Bëda chuibantan, canushe, queshun Aidën chiaid isted istedta.

Petedo 1 1:12

Naden Nuquin Papan tantiamepampic: Mibitedi nibëdanan umbi chuibued umbi cun matses caid icsho utsibon isendac, quequin Esus chote chuipampic. Aden chiampicpadec choshon Esusën chuibampondash. Adembidi nëbi Nuquin Papan abucshun chomiac aton Mayan Bëdan nadatiambocquin tantiamiacpadombuen Esus chuibennequidon aidën naid mibitedi chuibampanëdash. Aden chuibanaid icnuc Nuquin Papabëd icquidotsen Esusën naid tantiate buncuededec.