Doma 1:21 - El Nuevo Testamento en matsés

²¹ Ambi uaid issumbi Nuquin Papa tantiaquin aidën chiacpadombuen natiapimbo iquec. Nëid uaquid bëdambocquid nec. Aidëmbien ubi nashunchitec, quetiadquidi pamumëdacbimbuecquin Nuquin Papa tantiatiapimbocquin ambembi chiaiduidi tantiaquin nabanquid matses nec.

Doma 1:21 ပူးပေါင်းရင်းမြစ်များ

Uanën dada uaid 3:19

Nuquin Papan matsesmiaid icquin ambi icsambuen naid umbi chuibansho tantiashumbi matses icsambo icquidon ambi icsambuen naid ëntiapimbo icquin ubi tantiatiapimbo iquec.

Hechos 26:18

Aden chuibanac utsin utsinquien pashuacbimbuec icbuedombi tantiendac. Icsambuen naquid nebi, quequin tantienquio icbuedëmbi: Icsambuen naquid nebique. Ubi icsaid tantienquio yec bëshunta, Papa, quendac adquid. Mayan icsa Satanasën iua icbuedi Nuquin Papan bacuëbo yanendac. Adquid yansho ambi icsambuen naid ënmiac Nuquin Papan bëdambo icmiaid ubi tantiaquid utsibobëd iquendac, quequin Esusën chuipondashi.

Doma 1:19

Abi tantiametequid ambi uaidtedi isquimbi tantiatiadquidi Nuquin Papa tantiate bunenquio matses iquec. Adquidshenda Nuquin Papa nepec, matses camenuen abitedimbo uapampic.

Doma 1:28

Adec abi tantiate bunenquio icsho isash Nuquin Papa: Ma ambi icsambuen nate bunacpadequi icsambuec ma adequi tabadpanu, quiampampic. Adnëdambi ambi natemaidi naic tabadec.

Doma 11:10

Aton ëshë icquimbi bëshuacbimbuecquin aidon isenquio icpanuna. Adembidi aton cacho shuebudmequin ënënquiocquin mëyadmepanuna, quequin chuipampic.

Doma 15:9

Adecbidi matses utsibo Nuquin Papan cuidte bunenquio icquin bëdambuen isaido yec ma aido tantiec tabadnu, quiash Esus chopanëdash. Nuquin Papan naden chuiquin dada uamepampic: Adquid icsho nidaid utsi utsiec yacno tabadquid matses utsibobëtan: Nuquin Papa bëdambo iquec, quequin mibi chiendambi. Adecbidi mibi tantiec cuëdënendabi, quequin chuipampic.

Timoteo 2 3:2

Nadquido iquendac. Nëidic utsi tantiatiapimbo yec abiuidtsëqui datantiadquido. Nëidic piucquid bedte cumapenec bunquidombo. Nëidic: Is. Umbimbo naiduidi bëdambo iqueque, quequido. Nëidic: Bëdambuec isadquid nebique. Is, quequido. Nëidic Nuquin Papa chieshënec icsambuen chuishunquido. Nëidic amëbëtan anin chiaid niac niacquido. Nëidic utsibon nashunaqui: Mimbi bëdambuen naoc, quenquiocquido. Nëidic Nuquin Papa tantiesa yec: Nuquin Papa bëdambo iquec, quesabo.

Petedo 1 1:18

Min tsusedpabon chiaiduidi naquin Nuquin Papa tantienquio mibitedi tabadpondac. Aden naquid icsho Nuquin Papan mibitedi bëdambuen istiapimbo icpanëdash. Aden icsambuen naic tabadsho issun mibitedi ¿bedshunnuenda odobëta shocosh ushu Nuquin Papan menepanëdash? Padenquio. Adquid chunidec icsatequid menenquio icquin

Petedo 1 2:9

Padnuen mibitedi Nuquin Papan: Cun matses nec, caido nec. Adquid icquin Nuquin Papa bëdambuen ismenuen nëish iua pichicaquidbimbuecquido mibitedi nec. Nuquin Papan chiacpadombuenuidi nate bunebi, quequin aid nashunquin: Nadquio Nuquin Papa iquec, quequin chuiquido mibi nec. Adquido yec Nuquin Papan iuabo mibitedi nec. Adquid icsho Ambi: Cun matses caido yec bëdamboshëcquido nec. Ënden Nuquin Papa tantiesa yec icsamboshë iccondaidi nëbi: Nuquin Papa bëdamboshë iquec, quequin paposhquiacbimbuecnuc tantiamequin mibitedi abi chuibanquido icmepondash.

Esusën Uan ismiaid 14:7

Adec abuc cuenquimbi cumapenec cuëdquin naden chuibemposh: Nuquin Papauidtsëqui tantiata. Abu yec nidaid yec acte dapa mad caid yec nidaidënuësh acte pududquequid yec quenuc uaquid bëdamboshëcquid nec. Aidpadquid utsi nibëdec, quequin aidquio tantiata. Nëbi Ambi Chiaid niac niacquido cuidquieque, quequin abuc cuenquimbi chuibemposh.

Esusën Uan ismiaid 15:4

Matses abitedishun: Nuquin Icbo dacuëdampambo icquid neque. Aidquio tantiec cuëdënnuna. Adembidi: Mibiuidtsëqui bëdamboshë yec icsaisa nec, quequin mibi tantiendac. Mibiuidtsëqui icsaisambo nec. Adsho issun nidaid utsi utsiec yacno tabadquid matses abitedi chochoshon: Mibi bëdambocquid yec Cun Icbombo mibi nec, caindac. Adquid icquin mimbi chiacpadombuen icsaquido cuidquimbi mibi tantiaquido mimbi bëdambuen isendac, quec cuëdëncuededposh.