Doma 1:12 - El Nuevo Testamento en matsés

¹² Chieshtoenquio icquin Esus tantianuna, quec utsibobëd chuinanec bëdambuec tabadec aidobëd bëdambo ictsiabi, quiash mibitedi iste bunebi.

Doma 1:12 ပူးပေါင်းရင်းမြစ်များ

Hechos 11:23

Adoac Antioquia yacno choshon ambocquido Esus tantiaquido Nuquin Papan bëdambo icmiaid icsho isash: Bëdambo iquebi, quec cuishonquequin: Adembi chieshtoenquio icquin Nuquin Icbo Esus tantiata, capanëdash Bednaben.

Doma 1:11

Aden mibitedi iste bunebi. Mibëd tabadquin Nuquin Papan Chiaid chuibantsiambi. Nuquin Papan tantiamiacpadombuen ma chieshtoenquio icquin tantiaquiono, quequin mibitedi chuibantsiambi.

Doma 1:13

Tantia. Chuinu, cun utsibo. Mibi yacno caic: Istannu, queuid queuidobi. Ubi nidtsembued mimbi tantiabien icchitec. Aden umbi tantianubi utsi utsimbuec icnuc nidenquio ictenniobi. Adbuedi nidaid utsi utsiec yacnoshon Esusën naid chuibanac dadpenshun tantiabenondacpadombuen ma mimbitsen Esus tantiabennu, quiash mibitedi yacno chuinuec nidte bunebi.

Doma 15:24

Nidaid utsi Espania caid yacno nidquimbi mibitedi isbidanendambi. Ambo daëdpactsëc ushec tabadash: Nidnu, quesho: Nidec nid, queshun mibitedishun ubi nashunendac, quequin tantiec mibi yacno nidte bunebi.

Doma 15:32

Aden Nuquin Papan tantiamiacpadombuen naquin amboba istanec mibitedi yacnotsen nidendabi. Mibi istuidash cuishonquendabi. Mibëd tabadec bëdambo yanendabi.

Codinto 2 7:13

Aden umbi tantiacpaden naquin mibitedishun bëdambo icmiaid nebi. Adembidi iuedquin mimbi bëdambo icmiaidbidi Tito nec. Ubi iuedenquioctsiash, quebuedi: Iuedoshi, Tito quesho tantiash bëdamboshë yec cuishonquebi.

Epeso 4:5

Abentsëcquiobi Nuquin Icbo iquec. Abentsëcquiobi nuqui tantiaidquio Esuquidistu iquec. Abentsëcquiobi nuqui acten mentote iquec.

Timoteo 2 1:4

Ubi nidnu, quesho tantiash mibi shubiondaid tantiec mibi iste bunquiebi, mado. Mibi isec cuishonquetsiabi.

Tito 1:4

Umbi chuibanac Esuquidistu tantiaquid mibitsen yampondac, Tito. Adquid yec cun madobimbuecquid icsho mibi chuiquin dada uaimbique. Isec onqueta. Mibi tantiaquin mibi Nuquin Papabëd tabadmequid Esuquidistubëta Nuquin Papa naden chuiquin: Tito bëdambuen isquin bëdambuec tabadmeta, quequin chiannembi.

Petedo 2 1:1

Simon Petedo nebi. Abëd icquid yec aton iuambo icsho Esuquidistun: Ubi chuibenneta, caondaidquio nebi. Umbi tantiaidbidi bëdamboshëcquid Esuquidistu tantiaquido icsho mibitedi tantiembi, quequin chuiquin dada uaic nebi. Nuquin Papapadquidquiobidi yec Nuquin Papa matses cuidmenquiocquid Esuquidistu nec. Adquid icquin abimbo chuiquin cuidquidquio nec.

Uan 2 1:4

Mibitedi caic: Utsi utsiec Nuquin Papan chiacpadombuen nabanec tabadosh, quesho tantiash cuishonquec bëdambo iquebi.

Udas 1:3

Tantia, cun utsibo, umbi tantiaido icsho mibitedi chuinu. Abëd tabadmenuen nuqui cuidmenquio icnuec Esus abided cuidadec uënësaid tantiateuidi bunsho mibitedi dadpen chuiquin dadauate bunobi. Adbuedi utsi chuiquin dada uanu. Nëbi mibi yacnoshon ambenquiobi muaquin chuisho tantiashun: Mua. Esusën chiaidpenquio mimbi chiec. Aid tantiatiapimbo iquebi, quequin aidon chiaid tantienda. Nuquin Papan Chiaidquio chuibanac aid tantiondaido mibi neque. Utsi tantienda.