Codosas 1:28 - El Nuevo Testamento en matsés

²⁸ Aden ubi padquidobëtan Esuquidistu chuibenniac aid tantiaquid yansho issun: Esuquidistu tantiec bëdambuec tabadtedneta, quequin Nuquin Papan tantiamiacpadombuen chuibennec nebi. Abi yacno chosho Esuspadquid icmequin ambi bëdambuen isaido ma Nuquin Papan iuednu, queshun chuibennequid nebi.

Codosas 1:28 ပူးပေါင်းရင်းမြစ်များ

Mateo 28:20

Mimbi mentoaido: Nuquin Icbon chiacpadec bëdambuec tabadnuna, quequin umbi chuibuedtedi tantiaquin chuibanta. Mimbi adosho isash nidaid abitedi nibëdanmiambo icnuc mibitedi nianenquio yec mibëd iquendabi, quepondash Esus.

Mateo 3:7

Adnubien padiseobobëd saduseobo Uanën acten mentosho isec chochopanëdash. Aido chochosho issun Uanën: Nisibimbuecquido yec mibitedi icsambocquido nec. Adquid icsho ¿tsuntsin: Nuquin Papan natiamequin cuidte anuenaneque. Tantiatan, quequin chiac chocho?

Mateo 5:48

Abuc tabadquid Nuquin Papabimbuec bëdambocquid icta. Bëdambo icquidobëta icsambo icquidobi Nuquin Papan bëdambuen isquin tantiacpadombuembidi utsibotsen tantiata, quepanëdash Esus.

Madcos 6:34

Adec aidtedi abia chochoambien Esus abëd icquidobëd choquin cano nandopanëdash. Aden nandoash pudundoquimbi matses dadpenquio abi cainec tabadsho isash Esus: Abi dayun uaquid nibëdnuc nëish iua obeca icsambuec tabadacbimbuec icsambuec tabadquido chochoac, quequin aido uënësquiocquin tantiaquin Esusën dadpenquio chuibampanëdash.

Ducas 21:15

Umbi tantiamiacpadombuen mimbi bëdambuen chuibanendac. Adoac: Icsambocquid mibi nec, quetiapimbo yec mibi chieshënquido tabadendac.

Hechos 10:36

Isadaidbon tsiuecquidoba tantiamenuen Nuquin Papan Esus chomepanëdash. Esuquidistunuidtsëqui Abitedishun Icbombo icquin Nuquin Papa matses bëdambuen ismec, quequin tantiembi.

Hechos 11:20

Adnubien Esus tantiaquid utsibo Chipide yacnocquidobëd Sidene yacnocquido shubu dadpen icquid Antioquia yacno chochopanëdash. Aidon isadaidpembotsen Nuquin Papan Chiaid Bëda chuibanquin Nuquin Icbo Esus tantiamenuen chuibampanëdash.

Hechos 13:38

Aidi icsaisa yequi matses icsaid bedshunash abided cuidadec uënëspanëdash, quequin tantiata, quequin chuibanec nebi. Nëbi aid tantiaquidouidtsëqui icsaisabimbuecnuc Nuquin Papan bëdambuen isec. Adquid cuidenquio iquendac. Ënden Nuquin Papan: Naden nata, quequin Moises dada uamiampidtedi matsesën natiapimbo iquec. Aden natiapimbocsho icsaisabimbuecnuc Nuquin Papan bëdambuen istiapimbo ictsiash.

Hechos 17:18

Aden chuibansho tantiash utsi utsiec epicudeobo: ¿Atotsibi cuishoncamepec? quequin chuinëdacpaden tantiaquido Pabadobëd onquepanëdash. Adembidi tantiash estoicobo: Ubi bunactedi dadpen mëmunquin nainquio iquembi, quequido Pabadobëd onqueuapanëdash. Aido Pabadon chuisho tantiate bunenquio yec: Abembi onquecuennequidien nechitec, quenubi utsi utsiec: Matses utsibon papa cain cuënaido chuibanec nepanui, quepanëdash. Pabadon Chiaid Bëda chuibanquin Esus uënësash uincuenaid chuibansho tantiash adpanëdash.

Hechos 20:31

Adquid Esus tantiec iccuededquido cuëshëdmequid neque. Adquid tantienda. Adquid yanendac, quequin seta 3ted matanmec mibëd tabadquin ënenquio icquin shubiquimbi mibitedi chuibanondambi.

Hechos 3:20

Ëndenquimbo Ambi tantiampicpaden Chomiaid Mesias caid Esusën ma mibitedi bëdambo icmepanuna.

Hechos 5:42

Adshumbic badiadquidën badiadquidënquien Nuquin Papa tabadte shubu dapa tsicatiacnoshon puduedshun matses tantiamequin Chiaid Bëda naden chuibampanëdash: Nuquin Papan Chomiaidquio Quidistu quequin Mesias caid Esus nec, quepanëdash. Adec chiannec shubun shubunquiec puduedcuennequin adembidi chuibampanëdash.

Hechos 8:35

Adoaquien Uedipen: Matses abitedi icsaid bedshunash abided cuidadec uënësaid Esus Nuquin Papa yacno puduedmianquid nec, quequin chuiquin Isayasën dada uampid nec, quequin Etiopia yacnouësh choquid tantiamequin chuipanëdash.

Hechos 8:5

Adembidi Esus tantiaquid utsibon: Niante nashunquin menequid icta, cabued Uedipe cuëmëdquidën shubu dadpen icquid Samadia caid yacno nidshun Esuquidistun naid chuibanuapanëdash.

Hechos 9:20

Adec Damasco yacno tabadquin Nuquin Papan Chiaid chuibante shubun shubunquiec puduedcuennequin isadaidbo chiec: Esus Nuquin Papan Madombo nec, quequin chuibennequin Saudon tauapanëdash.

Doma 16:25

Nuquin Papa Bëdamboshë iquec, canuna. Umbi Esuquidistu chuibanac tantiabensho Nuquin Papan mibitedi chieshtoenquio icmiac umbi chuibambued Esus tantiec tabadta. Nuquin Papa ëndenquimboshë abitedi uabi yec: Iuecshun naindambi, quequin ambi matses tantiamenquio icpampidi mibi Esus tantiamiac.

Codinto 1 1:23

Aden tantiec tabadnubi nuquitedi: Nuquin Papan Chomiaid Mesias caid yec Esuquidistu abided cuidadec cueste napotiaidën dectanac uënëspanëdash, quequin chuibanec. Adoaquien: Nuquin Papa icsambuen chuishunec, quequin tantiec isadaidbo tabadec. Adnubi matses utsibo: Ambembi chiec tantiadenash onquequid nec, quequin tantiec tabadec.

Codinto 1 1:30

Adquid icnuc Nuquin Papanuidtsëqui tantiamiac mibitedi Esuquidistubëd abentsëc yacbimbuec tabadquido nec. Adembidi aidëmbi nuquitedi bëdambuenshë tantiaquid icmequin abimbo chuiquid icmec. Adoshon icsambuen naisabimbuecnuc Esusën Nuquin Papa nuqui bëdambuen ismec. Adoaid yec Esuquidistubëd bëdambocquid icsho cuidenquio ictequid Nuquin Papa yacno tabadtequido nuqui nendac. Esus abided cuidadaid icnuc Nuquin Papan nuqui cuidenquio iquendac,

Codinto 1 12:8

Nuquin Papan Mayanën namiac bëdambuen tantiaquin chuibanquid utsi utsiec iquendac. Utsibobic Nuquin Papan Mayanën namiac ambi dadpenquio bëdambuen tantiaid chuibanquido iquendac.

Codinto 1 15:12

Esuquidistu uënësash uincuempanëdash, quequin ubitedishun chuibannubi ¿atotsi quiash: Uënësash uincuentequid nibëdec, quequin tantiec mibi utsi utsiec onquepe?

Codinto 1 2:15

Aton Mayanën tantiamiacpadec tabadquidombien bëdambuen naidbëta icsambuen naid tantiec. Aden tantiaquid icsho utsibon: Icsambuec tabadquido nec, catiapimbo iquendac.

Codinto 1 2:6

Padnuembi Esus tantiaquidquio icsho: Ma udictsëc tantiabennu, quequin bëdambuen tantiaquioquin chuibanendac. Esus tantiesabon: Umbi tantiaid dadpen tantiamenu, quequin chuibanacpadombuen chienquio iquembi. Adembidi chuiquid tapabon chiacpadombuen chienquio iquembi. Aidon chiaid nibëdanendac.

Codinto 1 4:14

Umbi dada uaid isash mibitedi: Ma natiec uënësquio yannu, quenquio icquin: Cun bacuëbobimbuecquido yec umbi tantiaidombo icsho: Ma bëdambuec tabadnu, quequin chuiquin dada uaic nebi.

Codinto 2 10:14

Esus chuibanquid utsi mibi yacno nidambo icnuc: Ambo tabadquin Esuquidistu chuiban, quequin Nuquin Papan tantiamiac mibëd tabadquin umbia mibitedi Esusën naid Chiaid Bëda chuibanondambi.

Codinto 2 11:2

Nuquin Papan tantiamiacpadec mibitedi tantiec cudasquidquio nebi. Naden tantiec: Chido bedabicquidën abi bedquid aton bënëuidtsëqui tantiacbimbuen ma Esusuidtsëqui tantiapanu, quequin mibitedi tantiec nebi.

Codinto 2 4:5

Umbi naid tantiamenuen chuibanesa nebi. Esuquidistu Nuquin Icbo nec, quequin chuibanquidquio nebi. Aid tantiaquid icquin mibitedi tantiamenuen chuiquin mibi nashunquid ubitedi nec.

Epeso 3:8

Nuquin Papa tantiaquido utsibo bëdambocquid icnubi aidopadquidpenquio nebi. Adquid icshobini Nuquin Papan isadaidpembo Esus chuibennequid icmepondash. Esusën matses bëdamboshë icmete matsesën: Nadquio iquec, catiapimbo ictequidbidi chuibennequid icmiondashi.

Epeso 5:27

Esuquidistun abi yacno tabadmenuen abi tantiaquido abibimbuecnuc bëchish nibëdquid ushumbo yacbimbuecnuc icmiac bëdamboshëcquid iquendac. Adshun icsambuen nainquio yec bëdambuec tabadquid iquendac.

Codosas 1:22

Adquid iccondaidi: Nëbi ubi yacno iuednu, quiash abided cuidadec uënëssun Esuquidistun abi tantiaquidotedi ambi icsambuen naid tantienquio yec bëshunquin icsaisabimbuecnuc isquin ambi icsambuen naid nibëdacbimbuecnuc aido Nuquin Papa bëdambuen ismec.

Codosas 2:10

Aidëmbi abitedishun Icbombo icquin Nuquin Papan chiacpaden abi tantiaquido bëdambuen namec. Nuquin Papabëd icquido aton chuiquidobëd yec ambi namiaidobëd Mayan Icsa Satanas yec quec aidtedishun Icbombo Esuquidistu nec.

Codosas 2:3

Adembidi piucquid dadpen meniacbimbuen Esuquidistunuidtsëqui tantiamiac chiaid bëdamboshëcquid tantiabenshun bëdambuec tabadte tantiaquiendac, queshun Nuquin Papa chiannembi.

Codosas 3:16

Esuquidistun naid chuibanaid bëdamboshëcquid tantiaquido mibitedi neque. Aid bëshunenquio icquin tantiec bëdambuec tabadta. Adembidi bëdambuen tantiaquin Esus tantiaquid utsibobëd tantiananec Esuquidistun chiaid chuinanec: Bëdambuec tabadnuna, quec chuinanta. Aden naic chuiquid tapa Dabidën dada uampid cuëdëntebëta cuëdënte utsi Nuquin Papan mibi bëdambo icmiaidbëtabi ambi naid utsi chiec cuëdëndedneta.

Codosas 4:12

Epapadas mibi yacnoshon Esus tantiec mibëd iccuededondaid Esuquidistun namiaid icquin aid chuibanquidquio nec. Aidëmbidi: Aido cun utsibimbuecquido icsho tantiec tsadebique. Chui, quesho tantiashun dada uaimbi. Aidëmbidi ënenquio icquin mibitedi tantiaquin Nuquin Papa naden chiannec: Icsambuen namenuequid icnuc mibi bunacpaden tantiamequin mimbi Codosas yacnocquido chieshtomenquio icquin Esuquidistu tantiec tabadme, Papa, quequin Epapadasën Nuquin Papa chiannec.

Tesadonica 1 4:6

Bëdambuec tabadquid danmianec muaquin mibëtan Esus tantiec iccuededquid chido ompodshon chudenda. Adquid icsho umbi chuibocpaden Nuquin Papan cuidquiendac.

Timoteo 1 3:16

Ëndenquimbo abi bëdambuen ismequid ambi matses tantiamenquio icpampidi nëbi Nuquin Papan ismiac abi tantiamequid Esuquidistu bëdamboshë iquec. Aidi Nuquin Papan matsesmepanëdash. Nuquin Papan Mayanën: Nuquin Papapadquidquio yec icsaisambo Esus nec, quequin tantiamec. Matsesën uënës uaqui uincuennëdaid yec Nuquin Papabëd icquidonquio isaidquio Esus nec. Abi chuibennequidon nidaid utsi utsiec yacno nidshun chuibenniac matses utsin utsinquien Esus tantiabempanëdash. Aidquiobi Nuquin Papan abuc indoshon abëdi tabadmeuapanëdash.

Timoteo 1 3:2

Adshumbic: Nuquin Papan Chiaid chuibanquid nadquid nec, quequin chuita. Icsambuen nainquio yec bëdambuec tabadquid nec, utsibon caidquio Nuquin Papan Chiaid chuibanquid nendac. Adquid chido abentsëc inquid nendac. Ambi icsambuen nate bunaid ënash bëdambuec tabadquid nendac. Bëdambuen tantiaquidquio yec bëdambuec tabadquid nec, utsibon caidquio nendac. Isedanquido bëdambuen isquin iuedshun aton shubun ushmequid nendac. Nuquin Papan Chiaid bëdambuen tantiamequin chuibanquid nendac.

Ebedeo 10:14

Adec abided cuidadec abentsequi uënësquin abi tantiaquido Nuquin Papa bëdambuen ismequin icsaisabimbuecnuc icmequin uënëstiapimbo ictequido icmepanëdash.

Ebedeo 13:21

Aden abi tantiaquido icsho Esusën nëish iua obeca dayun uacbimbuen dayun uaquin Nuquin Papan ambi tantiacpadombuen bëdamboshëcquiduidquio icmendac. Adoac Nuquin Papa bunacpadombuen ma napanuna. Adembidi abi bunacpadombuen ma icmepanuna, queshun Esuquidistunuidtsëqui nac. Esuquidistu bëdamboshëcquidquio yec nibëdantiapimbocquid nec, quequin ënenquio icquin chiannenuna. Amen.

Petedo 2 3:15

Naden mibitedishun tantiata: Ubitedi tantiaquid icquin Nuquin Icbon abi yacno tabadmenuen badedquio ubitedi cuidenquio iquec, quequin tantiec tabadta. Adembidi mibitedi chuiquin nuquin buchi Pabadon Nuquin Papan cumapenen tantiamiac chuiquin dada uapaccondash.