Codinto 2 9:7 - El Nuevo Testamento en matsés

⁷ Aden chiampid icnuc: Nëidted menembi, quequin ambi tantiactedi menequid. Cudasacbitsëcquien menenquio icquid. Utsin: Nëidted mene, quequin ancac icsambo ictsiash. Menete bunquioquin menesho isash Nuquin Papa: Bëdambo iquec, quendac.

Codinto 2 9:7 ပူးပေါင်းရင်းမြစ်များ

Hechos 20:35

Adecbidi chonoadshun mitsana bedshun mosucshun atona nibëdquido meneta, quequin mibitedi ismebanondambi. Nuquin Icbo Esus nidaidën tabadec nadpanëdash: Atona nibëdquido menequid Nuquin Papan bëdambo icmendac, quequin Esusën chuinëdaid chuiquin Epeso yacnocquid Esus tantiaquidon chuiquido Pabadon chuibampondash.

Doma 12:8

Utsibic: Utsibo chieshtomenquio icquin Esus tantiameta, quequin chuiquid icquin: Bëdambuec tabadnuna, quequin chuibanta. Utsibic atona nibëdquido menequid icta, caid icquin cudasenquio icquin menianneta. Utsibic Esus tantiaquidon chuiquid icta, caid icquin Nuquin Papan namiacpadombuen Esus tantiaquido bëdambuen tantiaquin nabanmeta chieshenquio icquin. Utsibic daicsaido yec isedanquido yec aton shubu nibëdquido yec aton pete nibëdquido yec macho yec tsësio yec quesho bëdambuen nashunquid icta, caid icquin cuishonquequin nashumbanta.

Codinto 2 8:12

Atona daëdpactsëc icquidën menete bunquioquin menesho isash: Bëdambo iquec, caindac Nuquin Papan. Dadpen meneta, quenquio Nuquin Papa iquec.

Pidemon 1:14

Mimbi: Adonona, quequin chiabi icnuc umbi tantiacpaden nate bunenquio iquebi. Ma ubëd tabadnu. Bëdambuen chuita, mibi catiapimbo iquebi. Mimbi tantiacpadombuen aidi chiac bëdambo ictsiash.

Santiaco 5:9

Cun utsibo, Esus tantiaquid yec utsibobëd chushcananec tabadenda. Adec tabadsho Nuquin Papan cuidnushe. Cuidte Chuiquid yec nëbimbobi choeque.

Petedo 1 4:9

Utsibo mibi yacno isedec chosho issun: Mibi iuedtiapimbo iquebi, quenquio icquin bëdambuen isquin min shubun iuedta.