Codinto 2 9:13 - El Nuevo Testamento en matsés

¹³ Aden nashunaid issun mibitedi tantiec: Chiaid Bëda Esusën naid chiac: Esuquidistu tantiaquid nebi, quequin abimbo chuiquidquio aido nec, quequin mimbi dadpen meniaid bedshun: Nuquin Papa bëdamboshë iquec, quequin aidon chiendac.

Codinto 2 9:13 ပူးပေါင်းရင်းမြစ်များ

Mateo 5:16

Adacbimbuec ubi tantiesabobëd tabadquin: Ma Nuquin Papa abuc tabadquid tantianu, quequin aido ismec Nuquin Papan chiacpaden nabanec bëdambuec tabadta. Nuquin Papa bëdambo iquec, ma utsibotsen quenu, quiash adta, quequin Esusën chuipanëdash.

Mateo 9:8

Adosho isash dacuëdtanequien: Adquidshenda icpec. Nuquin Papan namiaid icquimbien nachitec. Abi namequid Nuquin Papa bëdambo iquec, quecuededpanëdash isquido.

Ducas 6:46

Adoshombic: ¿Atotsi queshun: Cun Icbo mibi nec, quequimbi umbi chiacpadombuen nainquio mibitedishun icpe?

Uanën dada uaid 15:8

Adoac: Nuquin Papa bëdamboshë iquec, mimbi caindac. Adembidi ubi tantiaquid utsibo dadpen yanmesho: Ai, ubi tantiaquidquio nec, mibitedi caindambi.

Hechos 11:18

Aden Petedon nainquin chuibanac bëdambuen tantiash chushquec ënëdash isadaidbo shui dëbid dëtemequido: Isadaidpembon Esus tantiaquin ambi icsambuen naid ënsho issun Nuquin Papan aidotsen ënëdenquio yec abi yacno tabadtequid icmiac, quepanëdash Nuquin Papan naid chiec.

Hechos 4:21

Adoaquien: Umbi chiacpaden nainquiocsho issun mibi daëdi mëyanmetsiambique. Baded nidec nid, capanëdash chuiquidon. Ambi dada caputiapimbo icbuedi bëdanmiaidën seta 40ted icpanëdash. Aid bëdanmiacsho isash utsibo: Nuquin Papa bëdamboshë iquec, quec cuëdëncuededpanëdash. Adsho tantiash Petedobëta Uan cuesmete bunquimbi adometiapimbo yec tabadpanëdash chuiquido.

Doma 10:16

Adquidën Esusën naid chuibanac abitedishun tantienquio icnubi daëdpactsëcshun tantiec. Naden Isayasën chuipampic: Icbo ¿tsuntsin nuqui chuibansho tantiapec? quequin chuipampic.

Doma 12:8

Utsibic: Utsibo chieshtomenquio icquin Esus tantiameta, quequin chuiquid icquin: Bëdambuec tabadnuna, quequin chuibanta. Utsibic atona nibëdquido menequid icta, caid icquin cudasenquio icquin menianneta. Utsibic Esus tantiaquidon chuiquid icta, caid icquin Nuquin Papan namiacpadombuen Esus tantiaquido bëdambuen tantiaquin nabanmeta chieshenquio icquin. Utsibic daicsaido yec isedanquido yec aton shubu nibëdquido yec aton pete nibëdquido yec macho yec tsësio yec quesho bëdambuen nashunquid icta, caid icquin cuishonquequin nashumbanta.

Doma 15:31

Udea yacno nidsho Esus tantiesabon cuesnushe. Dayun uata, quequin Nuquin Papa chianneta. Adembidi umbi piucquid buanaid Edusaden yacnocquid Esus tantiaquidon bedenquio icnushe. Bëdambuen bedmeta, quequin Nuquin Papa chuita.

Doma 16:26

Aid chuiquin Nuquin Papa uënësesambo icquin ambi oncamiaido utsi utsien Esus chote dada uamepampic. Nëbi Esusën naid chuisho tantiaquin ma nidaid utsi utsiec yacno tabadquidon Esus tantiaquin aidën chiacpadombuen nanu, queshun Nuquin Papan Esusën naid chuibennequido icmiac.

Codinto 2 10:5

Mayan Icsa Satanasën tantiamiaidon Nuquin Papan Chiaid tantiate bunenquio icquin niac niaquec. Utsibo: Nuquin Papa caid nibëdec, quenubi: Umbi tantiacpaden naic bëdambo iquebi, quequin tantiec. Aden tantiaquido icsho issun ambi icsambuen tantiaid ënmenu, quequin Nuquin Papa nadatiambocquidën bëdambuen tantiamiac umbi Esuquidistu chuibansho tantiashun Esus tantiesabon aidën chiacpadombuen natiadquio yanendac.

Codinto 2 2:12

Chiaid Bëda Esusën naid chuibannuec shubu dadpen icquid Todoade yacno ubi choacsho isash: Tantianu, quec chochoquid dadpen icpondash.

Codinto 2 8:4

Esuquidistu tantiaquid utsibo nidaid cuëshë Udea caid yacnocquido atona nibëdnuc natiec, quequin chiac Masedonia yacnocquid Esus tantiaquidon: Umbitsen sambedednu. Aido menenun buanta, quequin chuibededposhi.

Codinto 2 9:14

Adembidi aidon mibitedi tantiaquin Nuquin Papa chiannendac naden: Mimbi tantiamiacpadombuen nabanquidquio Codinto yacnocquido nec. Aido bëdambo icme, Papa, quequin chiannendac.

Cadasia 1:24

Adec ubi icaid tantiash: Nuquin Papa bëdamboshë iquec, quepanëdash Udea yacnocquido.

Timoteo 1 6:12

Utsibon chieshënaqui chieshtoenquio icquin Esus tantiaquiec bëdambo icta. Uënësash Nuquin Papabëd ënëdenquio yec tabadnuec adta. Nuquin Papan: Cun Mado Esus tantiaquiec uënësacsho ubëdi tabadmendambi, queshun Nuquin Papan tantiamiac mimbi Esus tantiabempondac. Adshumbic: Nuquin Papan Mado Esus tantiaquiembi, quequin matses dadpen mimbi tantiamepondac.

Timoteo 1 6:13

Tiboquequidtedi uaquidënquio Nuquin Papan nuqui iseque. Adembidi: Adquid nebi, quequin chuiquid tapa Ponsio Pidato chiec dacuëdenquio icnëdaidën Nuquin Icbo Esuquidistuntsen nuqui iseque. Aid tantiaquin chieshtoenquio icquin Aidën naidquio chuibanta.

Ebedeo 10:23

Nuquin Papa ambi chiampicpadombuen naquidquio nec, quequin tantiaquid yec: Aid yacnombo tabadtequid nebi, quequin cainquin chieshtoenquio icquin tantianuna.

Ebedeo 13:16

Aden bëshunenquio icquin chiannec utsibobëd tantiananec nashunnanquin atona nibëdquid icsho menequid icta. Adsho issun nëish iua cuessunneshun pichicaid isacbimbuecnuc Nuquin Papan: Bëdambo iquec, caindac.

Ebedeo 3:1

Cun utsibo, Nuquin Papan: Cun matses nec, queshun ambi tantiacpadombuen Esus tantiamiaido mibitedi nec. Adoaido icquin Esuquidistu tantiaquionona. Nuquin Papan: Ubi chuibenneta, caid Esus nec. Adecbidi matses Nuquin Papa bëdambuen ismenuen nëish iua cuessunneshun pichicaquidon chuiquid tapabimbuecquid Esus nec, queshun aidquio tantiaquionona.

Ebedeo 4:14

Esus Nuquin Papan Madombo yec nëish iua cuessunneshun pichicaquidon chuiquid tapambobimbuecquin Nuquin Papa matses bëdambuen ismequid nec. Adquid yec abuc nidshun Nuquin Papa chiec: Ubi tantiaquido matses bëdambuen ista, quequin chiannec. Aden chiannequid nec, queshun chieshtoenquio icquin Esus tantiaquionona.

Ebedeo 5:9

Aden tantiabenash matsesën icsambuen naid bedshunash abided cuidadquid icquin matses Nuquin Papan chiacpadombuen naquido Nuquin Papa yacno ënëdenquio icnuc tabadmequid yanquiopanëdash.

Petedo 1 2:9

Padnuen mibitedi Nuquin Papan: Cun matses nec, caido nec. Adquid icquin Nuquin Papa bëdambuen ismenuen nëish iua pichicaquidbimbuecquido mibitedi nec. Nuquin Papan chiacpadombuenuidi nate bunebi, quequin aid nashunquin: Nadquio Nuquin Papa iquec, quequin chuiquido mibi nec. Adquido yec Nuquin Papan iuabo mibitedi nec. Adquid icsho Ambi: Cun matses caido yec bëdamboshëcquido nec. Ënden Nuquin Papa tantiesa yec icsamboshë iccondaidi nëbi: Nuquin Papa bëdamboshë iquec, quequin paposhquiacbimbuecnuc tantiamequin mibitedi abi chuibanquido icmepondash.

Petedo 1 4:11

¿Ada Nuquin Papan ambi Chiaid chuibanquid mibi icmiac? Adquid icmiaid icquin Nuquin Papan Chiaidquio chuibanta. ¿Ada Nuquin Papan mibëtan Esus tantiaquid utsibo nashunquid mibi icmiac? Adquid icmiaid icquin: Nuquin Papan tantiamiacpadombuen utsi nashunquiembi, queshun nashunta. Mimbi adosho isash ma utsibo: Abi namequid Nuquin Papa bëdamboshë iquec. Ambi tantiaid Esuquidistu bëdamboshëcquidbidi yec abitedishun Icbombo nec. Adquid yec nadatiambocquidquio nec, ma quenu, queshun ënenquio icquin tantiata. Amen.