Codinto 2 8:12 - El Nuevo Testamento en matsés

¹² Atona daëdpactsëc icquidën menete bunquioquin menesho isash: Bëdambo iquec, caindac Nuquin Papan. Dadpen meneta, quenquio Nuquin Papa iquec.

Codinto 2 8:12 ပူးပေါင်းရင်းမြစ်များ

Mateo 25:17

Adembidi piucquid 2midted meniondaidën 2midbidi daëd uaposh 4midted icnuc.

Mateo 25:22

Adnubien aton iua ambi piucquid 2midted meniondaid choshon: Is, icbo. Mimbi 2midted meniondaid daëd uaombi. Nëbi mitsana 4midted iquec, caquien

Ducas 16:10

Aden chuishumbic adombuembidi chuiquin Esusën nadopanëdash: Icbona daëdpactsëc icquid bëdambuen isquin bëdambuen dayun uaquin bëdambuen nashunquid nec. Adembidi icbona dadpen icquid bëdambuen isquin dayun uaquin nashunendac. Padnuen aton icbona daëdpactsëc icquid isquin icsambuen naquin ampeshunquidën adombuembidi aton icbona dadpen icquid icsambuen isquin ampeshunendac.

Codinto 2 8:11

Mibitedishun: Aden nanuna, queshun dayacquiocquin tauaondacpadombuembidi mimbi tantiactedi nainquin sambededta.

Codinto 2 8:13

Atona nibëdquid icsho issun: Mitsana uesquin meneta, quecpenquio nebi. Atona nibëdquid icsho atona dadpen icquidën meniac adecbidi ma atona icuapanuna, caimbi.

Codinto 2 8:19

Nidaid Masedonia caid yacnocquid Esus tantiec iccuededquidon: Umbi sambededshun dayun uaid Pabadobëd nidquin buanec nidta, caidbidi Titobëd nidquid nec. Ma Edusaden yacnocquido meniac: Nuquin Papa bëdamboshë iquec, ma quenu, queshun buanendambi. Adecbidi ambocquido: Pabado chedon ubi tantiaquin nashunec, ma quenu, queshun buanendambi.

Codinto 2 9:7

Aden chiampid icnuc: Nëidted menembi, quequin ambi tantiactedi menequid. Cudasacbitsëcquien menenquio icquid. Utsin: Nëidted mene, quequin ancac icsambo ictsiash. Menete bunquioquin menesho isash Nuquin Papa: Bëdambo iquec, quendac.

Petedo 1 4:10

Mibitedi utsi utsien Nuquin Papan ambi tantiamiacpadombuen namiaido icquin mibëtan Esus tantiaquid utsibotsen tantiaquin nashunta.