Codinto 2 8:10 - El Nuevo Testamento en matsés

¹⁰ Umbibi tantiacpaden mibitedi chuinu. Tantia. Ënden seta utsi icbuedën mibi bunacpadombuen: Menenun sambededshun dayun uanuna, queshun dayacquiocquin mibitedishun tauapondac.

Codinto 2 8:10 ပူးပေါင်းရင်းမြစ်များ

Mateo 10:42

Adembidi ubi tantiaquid acte bundoacsho acte acmequin nashunsho Nuquin Papan bëdambuen isquin bëdamboshëcquid menetequid iquendac, quequin Esusën chuipondash.

Uanën dada uaid 11:50

Tantia. Mibitedi chuinu. ¿Atotsi quec: Abitedi cuessun secaindac, mibi quepe? Ma nuquin matses abitedi cuessun secainquio icnu, queshun matses abentsëc cuessunnemenuna, quepanëdash Caipas abëtan chuiquid utsibo chiec.

Uanën dada uaid 16:7

Tantia. Mibitedi abimbo chuinu. Ubi nidnuc mibi bëdambo iquendac. Ubi nidenquio icnuc Cun Mayan bëdambo icmianquid mibi dayun uaquid choenquio ictsiash. Nidshumbimbi mibëdi tabadmenuen chomendac.

Uanën dada uaid 18:14

Aid setambi aton matsesën chuiquid tapambo Caipas icpondash. Aidi Esus chieshënec: Nuquin matsestedi cuessunnemenquio icnuen Esusded cuessunnemenuna, quequin iccuededsho chuiquido chuibued Caipas nepanëdash.

Codinto 1 10:23

Mibitedi utsi utsiec: Ubi bunacpadembi nabanembi, quepec. Ai, abimbo mimbi caic. Aden naic abitedi bëdambocquidpenquio nec. Aden mibi bunacpaden naquin Esus tantiaquid utsibo mimbi bëdambuen tantiametiapimbo iquec.

Codinto 1 16:2

Dominco uëshën uëshënquien mimbi bedbanaidtedi tantiaquin abentsëcshun abentsëcshunquien sambededta. Chonoadquin daëdpactsëc bedquidën daëdpactsëc dayun uanubi piucquid dadpen bedquidën dadpen sandoshon dayun uata. Adoshon dayun uaid sambededshun bedbanash ubi chosho isash: Piucquid sambedednuna, quenquio mibitedi iquendac.

Codinto 1 6:12

Mibitedi utsi utsiec: Ubi bunacpadembi nabanembi, mibi quepec. Ai, abimbo mimbi caic. Aden naid abitedi bëdambocquidpenquio nec. Ai, ubi bunacpadembi nabanembi, queshun nabanquin ëntiapimbo icmane, quiash aden nainquio yec tabadta.

Codinto 1 7:25

Chidobotedi dadan bedabicquidobëta dada chido bedabi icquido tantiaquin naden chuita. Nuquin Icbon: Adquido aden chuita, quequin chiabi iccoshi. Adquid icshobi Nuquin Papan ubi bëdambuen isquin bëdambuen tantiamiaid icquin umbi tantiacpaden chuisho tantiashun: Abimbo chiec nec, quequin tantiata.

Codinto 1 7:40

Chido utsibic: Dada utsi bedmenquio iquembi, queshun bedmenquio icac bëdambo iquec, caimbi. Umbi chuibued Nuquin Papan Mayanën tantiamiacpaden chiaid nec, quequin tantiembi.

Codinto 2 12:1

¿Bëdamboshëcquid nebi, umbi cacta mimbi ubi bëdambuen ispatsia? Padenquio mimbi ictsiac. Aden chienquio icquin Nuquin Papan ubi ismiondaidbëta ambi tantiamiondaid chuinu. Tantia.

Codinto 2 8:6

Adombuen Masedonia yacnocquidon meniondash, quequin Tito chiondambi. Mimbi ënden nidaid cuëshë Udea yacnocquido natiaid chuibanac Nuquin Papan tantiamiacpadombuen menenu, queshun Codinto yacnocquidon sambededshun dayun uaccondash. ¿Ambi chiondactedida sambededshun dayun uaque? Bedtanta, quequin Tito chiombi.

Codinto 2 8:8

Umbi chiacpadombuen meneta, quecpenquio nebi. Utsibon menequin nashunaid chuisho tantiashun mimbi atona nibëdquido tantiaquioquin menetiadquio ictsiash, quequin chiec nebi.

Codinto 2 9:2

Umbi chiondaid tantiashun: Aden nanuna, queshun mitsana musucshun sambededshun mimbi tauaquin dayun uaondac. Adsho issun nidaid Masedonia yacnouësh Esuquidistu tantiec iccuededquido mimbi nidaid Acaya yacnocquido icquin: Menenu, quequin chiaid chiombi. Utsin utsinquien sambededshun dayun uanuna, quequin ënden seta icbuedën mimbi naid umbi chiac Masedonia yacnocquido dadpen: Adombuembidi nabanembi, queuaposh.

Pidipos 4:17

Piucquid utsi ubi mene, ¿quequin chiectabi nedi? Padenquio. Ma aden bëdambuen nabansho issun Nuquin Papan: Mibi bëdambo iquec, canu, quequin chiec nebi.

Ebedeo 13:16

Aden bëshunenquio icquin chiannec utsibobëd tantiananec nashunnanquin atona nibëdquid icsho menequid icta. Adsho issun nëish iua cuessunneshun pichicaid isacbimbuecnuc Nuquin Papan: Bëdambo iquec, caindac.