Codinto 2 6:17 - El Nuevo Testamento en matsés

¹⁷ Nadembidi chuiquin Nuquin Icbon dada uamepampic: Ubi tantiesabobëd tabadenquio yec cuenta. Umbi: Mishtemaid nec, caid mishenda. Adec icsambuen nainquio yec tabad. Adquid: Ubëd iquec cho, caindambi.

Codinto 2 6:17 ပူးပေါင်းရင်းမြစ်များ

Hechos 2:40

Aden iuen bëdambuen chuibanequi: Nuquin matses isadaidbo Esus tantiesabo icnubi mimbi icsambuen naid ënash Esus tantiaquidquio icta, quequin chuibudquin Petedon ëmpanëdash.

Doma 15:7

Esuquidistun mibitedi bëdambuen isacpadombuembidi utsibotsen bëdambuen isquin tantiata. Adoac aidon: Nuquin Papa bëdamboshë iquec, caindac.

Codinto 2 7:1

Tantia, cun utsibo. Umbi tantiaido icsho mibi chuinu. Nuquin Papan: Naden naindambi, quequin chuiquin dada uamiampid isash nadnuna. Nuqui icsambuen naidbëtabi nuqui icsambuen tantiaid ënnuna. Icsamane, queshun Nuquin Papa dacuëdampambocquid icsho aid tantiaquin aidën chiacpadombuen nabanec bëdambuec tabadtembo tantianuna.

Esusën Uan ismiaid 18:4

Adnubien abucuësh naden chiec onquesho tantiapombi. Ubi tantiaquido mibitedi neque. Babidonia yacnocquidon nacpadombuen nainquio yec cuenta. Aidobëdi icsasho ubitsen cuidnushe, queshun aidon nacpadombuen nainda. Nëmbo tabadenquio yec niqueta.