Codinto 2 6:16 - El Nuevo Testamento en matsés

¹⁶ ¿Matsesën ambibi nacnenshun papa caid tantiaquidta aton Mayan Nuquin Papan meniaid icpadic? Padenquio. Abi tantiaquid yec abi tabadtequid nuquibi nec. Adec Nuquin Papa uënëstiapimbocquidbëd tabadtequido nuqui nec. Nuquin Papan dada uamiampid nad iquec: Ubi tantiaquidobëd iquendabi. Aidobëd capuendabi. Aidon Papa caid nendabi. Aido cun matses nendac, quepampic Nuquin Papa.

Codinto 2 6:16 ပူးပေါင်းရင်းမြစ်များ

Mateo 16:16

Simon Petedon: Quidistu Mesias caid Nuquin Papa uënëstiapimbocquidën Chomiaidquio yec Aidën Madombo mibi nec, caombi, capondash.

Mateo 6:24

Adshumbic naden Esusën chuipanëdash: Adecbidi chuiquid daëd icnuc aid daëdshun namiaid mibi ictiapimbo iquec. Abentsëcshun chiaiduidi tantiaquin utsin chiaid nainquiocquin mimbi aid chieshënec. Adquiobidi piucquid bedteuidi tantiaquid icquin Nuquin Papan chiacpadombuen mimbi natiapimbo iquec, quequin Esusën chuipanëdash.

Ducas 5:36

Aden chuibanequi utsi chiacbimbuen chiec Esus: Dashcute shëni canchedaid dashcute chucambocquid cuëshë bëtuscaisa matses nec. Shëni chucambocquid bëtuscatsaid panac shëcuë amëec cancheduaic. Aden dashcute chuca icsa uaic.

Uanën dada uaid 14:23

Adoaquien Esusën: Ubi tantiaquid umbi chiacpadombuen naquid nec. Aden nasho aid tantiaquioquin Cun Pabëtan aidbëd icquin bëdambo icmendambi. Adoac ubëd iquec Cun Pabëd yacbimbuec tabadendac.

Uanën dada uaid 6:56

Aden cun nami pequinc cun intac acquinc caquid yec ubëd abentsëc yacbimbuec tabadtequid nendac. Adecbidi aidbëd abentsëc yacbimbuec iquendabi.

Doma 8:11

Nuquin Papan Esus uincuenmepanëdash. Aidëmbi aton Mayambëd tabadquid yec uënësacsho uincuenmequin mibitedi dada chuca uaindac.

Doma 8:9

Nëbi Nuquin Papan aton Mayan Bëda meniaid icquin mibi bunacpaden icsambuen nainquio yec bëdambuec tabadquido mibitedi nec. Nuquin Papan Mayan Bëda mibëd iquec. Esuquidistun Mayambëd tabadesa yec Esuquidistu tantiaquidpenquio nec.

Doma 9:26

Nadentsen ashunquiobidi Nuquin Papan matses utsibo chiaid Oseasën dada uapampic: Mibitedi umbi: Cun matses, cacmaido nec. Adquid icbuedi Nuquin Papa uënëstiapimbocquidën: Cun mado nec. Cun champi nec, caido iquendac, quequin chuiquin Oseasën dada uapampic.

Codinto 1 10:21

Nuquin Icbo abided cuidadec uënësec intac tantiaquin actequid acbededtsëcshumbi Mayan Icsa Satanasën iua podobitsi icsabo tantiaquin acac icsambo iquec. Adembidi Nuquin Icbo abided cuidadec uënësaid tantiaquin pete cuëshëmpi pebededtsëcshumbi Mayan Icsa Satanasën iua podobitsi icsabo tantiaquintsen petempi piac icsamboshë iquec.

Codinto 1 6:19

Nuquin Papan aton Mayan meniaido mibitedi nec. Adoaido yec Nuquin Papa tabadte shubu mibi nec. Adquid icnuc: Nuquin Papan Mayan Bëda ubëd tabadec, quequin ¿tantienquioda mimbi icpe? Mibibi: Cun dadan icbo nebi, quetiapimbo mibitedi iquec.

Epeso 2:20

Mibitedi Esus tantiaquido yec shububimbuecquido nec. Adquido icsho Esuquidistun: Ubi chuibenneta, caidobëtan Nuquin Papan oncamiampidon chuiquin dada uaid shubu uanun nacnenquin nitsinacbimbuen chuibansho tantiaquido nec. Aid shubun buintad bëdambocquid nitsinaid nidquidbimbuecquid Esuquidistu nec.

Epeso 2:22

Mibitedi Esuquidistu tantiaquid utsibobëd abentsëc yacbimbuecsho Nuquin Papan Aton Mayan meniaid yec Aid tabadte shubu mibitedi nendac.

Epeso 3:17

Adembidi Esuquidistu tantiaquidombo icmequin ënëdenquio yec utsibobëd tantiananec tabadquid icmeta, Papa, quequin mibitedi tantiaquin Nuquin Papa chiannembi.

Timoteo 1 3:15

Esus tantiaquido iccuededquin nadoquid, quequin Pabadon chiacpadombuen nanuna, cata. Nuquin Papambo uënëstiapimbocquidtsen tantiaquido nuqui nec. Aid tantiaquido icquin Nuquin Papan Chiaid utsi uaquin chienquio icquin aid abimbo chuiquid icquin ambi chiacpadombuen naquid nuqui nendac, quequin chuita.

Timoteo 2 1:14

Nuquin Papan Mayan Bëda nuquibëd iqueque. Aidën tantiamiac umbi chiondacpadombuen Nuquin Papan Chiaidquio chuiquin Esusën naid chuibanta, mado.

Ebedeo 3:6

Padnuen Esuquidistu Nuquin Papan Madombo nec. Adquid icquin aton Papan shubun icquido namequid nec. Aden aton shubun icquido dayun uacbimbuen nuqui dayun uaindac. Adoac aidën shubun icquidbimbuecquid nebi, queshun chieshtoenquio icquin Nuquin Papan chiacpadombuen nuqui naindac. Aden naquido icsho abi yacno nuqui tabadmendac, quiash cuishonquequin abi cainquido Esusën dayun uaindac.

Ebedeo 8:10

Nadembidi Nuquin Papan chuipampic: Aden umbi isadaidbo nianondaid tantiaquin naden chiaid chuca aido chiendambi. Umbi: Naden nata, quequin chiaid chuca isadaidbo bëshunenquiocnoc tantiamendambi. Adoac umbi chiacpadombuen nate bunquiendac. Aden tantiamiash aidon: Cun Icbo, quequin cuënaid iquendabi. Adecbidi aido cun matsesquio iquendac.

Santiaco 4:5

Adquid chuiquin naden dada uamiampid iquec. Nuquin Papan nuquitedi tantiaquin aton Mayan meniash nuqui cudasendac, quequin chuipampic.

Petedo 1 2:5

Aden Esus tantiaquido yec buintad tsasimbocquid yacbimbuecquido mibitedi nec. Adquid icsho Nuquin Papan aton shubun tabadtequido mibitedi icmendac. Adoac: Nuquin Papa bëdamboshë iqueque. Aidën chiacpadombuenuidi nate bunebi, queshun Esuquidistu uidtsëqui tantiec bëdambuec tabadquid mibi yanendac. Adsho isash nuadte bëda pichicasho shëdacbimbuec: Bëdambo iquec, quependac Nuquin Papa.

Uan 1 4:12

Nuquin Papa matsesën isambo iquec. Adquid icnuc aid tantiaquid yec utsibobëd tantianansho isash Nuquin Papa nuquibëd tabadquin ambi tantiacpadombuen utsibobëd tantiananquidquio nuquitedi icmendac.

Uan 1 4:15

Esuquidistu Nuquin Papan Madombo nec, quequin tantiaquidbëd abentsëc yacbimbuec Nuquin Papa iquec. Adecbidi aidbëd abentsëc yacbimbuec abi tantiaquid iquec.

Esusën Uan ismiaid 2:1

Naden chuiposhi: Epeso yacnoshon ubi chuibanquidën iste chuinu. Dada uata. Ubi uispa 7ted icquid cun mëdante abiucshun sananec tabote manitsintequid shocosh bëshpiu bëshpiucquid odo caid nacnenaid 7ted tabëcaid nënantanquio capuec nebique. Tantia, Epeso yacnocquido. Mibitedi chuinu.

Esusën Uan ismiaid 21:3

Adnubien aton tsadte dapan tsadacnouëshquio cumapenec naden chiec onquesho tantiapombi: Cun matses nec, quiash nëmbo aidobëd cuëshëdenquio yec Nuquin Papa tabadendac. Adsho issun aton iuabo icquin abitedishun: Nuquin Papauidtsëqui nuqui tantiaidquio icsho aid Nuquin Papa caindac.

Esusën Uan ismiaid 21:7

Mayan Icsa Satanasën: Icsambuen namenu, caqui chieshtoenquio icquin ubi tantiaquido icsho Aton Icbo icquin: Cun mado nec. Cun champi nec, queshun bëdamboshë yacno ënëdenquio yec ubëdi tabadmendambi.