Codinto 2 6:14 - El Nuevo Testamento en matsés

¹⁴ Esuquidistu tantiesabëtan icsambuen nainda. Uëshëmbocquidbëd inchëshquiocquid bëdambo ictiapimbo iquec. Adacbimbuec bëdambocquidbëd icsambocquid bëdambuec tabadtiapimbo iquec.

Codinto 2 6:14 ပူးပေါင်းရင်းမြစ်များ

Uanën dada uaid 7:7

Mibitedi ubi tantiesabon chieshëntiapimbo iquec. Ubien chieshënondash. Nuquin Papan Chiaid niac niacquin mimbi icsambuen naic, umbi cac chieshënondashi.

Hechos 4:23

Chuiquidon nidmiac nidash Esus tantiaquido iccuededacno choec puduedshun aton matses chuiquidon: Cuessunnenu, quequin abi chuibued Uambëtan Petedon chuipanëdash.

Codinto 1 10:21

Nuquin Icbo abided cuidadec uënësec intac tantiaquin actequid acbededtsëcshumbi Mayan Icsa Satanasën iua podobitsi icsabo tantiaquin acac icsambo iquec. Adembidi Nuquin Icbo abided cuidadec uënësaid tantiaquin pete cuëshëmpi pebededtsëcshumbi Mayan Icsa Satanasën iua podobitsi icsabo tantiaquintsen petempi piac icsamboshë iquec.

Codinto 1 15:33

Mua uadenda. Matsesën chiaid nad iquec: Icsambuen naic tabadquidobëtan nabanquin bëdambuen nabanaid ënendac, quequin chuipanëdash.

Codinto 1 5:9

Ambi natemaidi chudquidobëd iccuededenda, quequin chuiquin ënden dada uaondambi.

Codinto 1 6:6

Mibëtan Esus tantiaquid utsibo yacno nidenquio icquimbi cuidte chuiquid Esus tantiesa yacno nidshun adec utsibëd chushcananquid cuidmenuen chuimenda.

Codinto 1 7:39

Chidon dadan bedaid icquin aton bënë uënësabi icsho nianec cuenesa nec. Bënë uënësambien dada utsin bedadquid. Cun bënë uënësoshe. Dada utsi bedmenu, queshun Esus tantiesa bedmenda.

Pidipos 2:15

Esus tantiaquido icsambo iquec, utsibo quenushe. Adenda. Nuquin Papan: Cun mado nec, cun champi nec, caido yec bëdambuec tabadta. Matses dadpenquio abi icsate bunacpadequi icsamboshëcquido icnubi adequi bëdambuec tabadta. Adec tabadquin icsambo icquido mimbi Esus tantiametsiac paposhquiacbimbuecnuc. Aden nabanec mibitedi bëdambuec tabadendac.

Santiaco 4:4

Chidon aton bënëpen chudmequidbimbuen Nuquin Papa tantiesabo yec icsambuec tabadquido mibitedi nepayoc. Adec tabadquin abi tantiesabon nacpadombuen nadennequid yec Nuquin Papa chieshënquid nec, ¿quequinda mibitedishun tantienquio icpe?