Codinto 2 5:19 - El Nuevo Testamento en matsés

¹⁹ Naden chiec nebi. Matsesën icsambuen naid bedshunash abided cuidadec Esuquidistu uënëspanëdash, quequin tantiaquin: Ma aidquio utsibon tantiapanu, queshun ambi Nuquin Papa bëdambuen ismete chiaid chuibanquido nebi.

Codinto 2 5:19 ပူးပေါင်းရင်းမြစ်များ

Mateo 1:23

Dadan inacmaidëmbi bacuë usundoshon dada bacuë tishendac. Aidi Emanued cuënendac. Nuquin Papapadquidquiobidi matsesbëd tabadnuec choaid nec, quequin Emanued cuënendac, quequin Esus tishte chuiquin Nuquin Papan dada uamepampic.

Uanën dada uaid 14:20

Ubi uincuenaid uëshëmbi mimbi naden tantiendac: Aton Papabëd abentsëc yacbimbuec tabadec, quequin ubi mimbi tantiendac. Adembidi: Esusbëd abentsëc yacbimbuec tabadebi, quequin mibitedishun tantiendac.

Uanën dada uaid 17:23

Aidobëd ubi tantiananquiacpadec mibëd tantiananquiebi. Adec mibëd tantiananquiacpadec aido ubi tantiaquido utsibobëd tantiananquiendac. Adsho issun: Abembi adec tantianantiapimbo iquec. Nuquin Papan chomenëdaid Esusën namiaquien nec. Aton Papan Esus tantiacpadombuembidi Esus tantiaquido tantiec, quequin ubi tantiesabon tantiendac, Papa.

Doma 11:15

Aden isadaidbon Esus chieshënsho issun Nuquin Papan matses utsibo Esus tantiamequin bëdambuen isbenac. Ambi tantiacpadëmbien isadaidbon uënësacbimbuen tantienquio icbuedombi Esus tantiasho Nuquin Papan bëdambuen isquin abi yacno tabadtequido icmendac.

Codinto 1 13:5

Adecbidi utsi icsambuen tantiec icsambuec onquesa nec. Adecbidi: Umbiuidtsëqui tantiacpadombuen mibitedishun nabanta, quesa nec. Adecbidi badedquio nëishesa nec. Adecbidi: Ubi chieshënquid cuidte bunebi, quequin tantiabudesa nec.

Codosas 2:9

Matsesaid yec Nuquin Papapadquidquiobidi Esuquidistu nec.

Timoteo 1 3:16

Ëndenquimbo abi bëdambuen ismequid ambi matses tantiamenquio icpampidi nëbi Nuquin Papan ismiac abi tantiamequid Esuquidistu bëdamboshë iquec. Aidi Nuquin Papan matsesmepanëdash. Nuquin Papan Mayanën: Nuquin Papapadquidquio yec icsaisambo Esus nec, quequin tantiamec. Matsesën uënës uaqui uincuennëdaid yec Nuquin Papabëd icquidonquio isaidquio Esus nec. Abi chuibennequidon nidaid utsi utsiec yacno nidshun chuibenniac matses utsin utsinquien Esus tantiabempanëdash. Aidquiobi Nuquin Papan abuc indoshon abëdi tabadmeuapanëdash.

Uan 1 4:10

Matses tantianquidquio nadquid nec. Nuquin Papa tantiaquid nebi, quequidpenquio nec. Nuquin Papambien nuqui tantiaquioquin: Matsesën icsambuen naidtedi tantienquio yec bëshunquin cuidenquio icnu, quequin aton Mado chomiac matsesën icsambuen naidtedi bedshunash abided cuidadec Esus uënëspondash.