Codinto 2 5:15 - El Nuevo Testamento en matsés

¹⁵ Adec matses abitedi cuidmenquio icnuec Esuquidistu uënëspanëdash. Adashic uincuempanëdash, queshun aid tantiaquin uënësacbimbuen nuqui icsambuen nabambued ënshun nuqui tantiacpadombuen nainquiocquin Esusën chiacpadombuen nanuna.

Codinto 2 5:15 ပူးပေါင်းရင်းမြစ်များ

Ducas 1:74

Abi chieshënquidon chieshënsho min tsiuecquido mënchiquendambi. Adoac dacuëdenquio yec umbi namiaido yanendac, quepampic.

Uanën dada uaid 5:24

Tantia. Mibi chuinu. Umbi chiaid tantiaquidën ubi chomiondaid cun Pa tantiaquid icsho cuidenquio icquin ubëdi tabadmendambi. Cuidtequid icbuedi ubi tantiabenash ubëdi tabadtequid yanendac, quepondash Esus.

Uanën dada uaid 6:57

Cun Papa ubi chomequid uënëstiapimbo icquid yec matses uincuenmequidquio nec. Aidën chomiaid icsho cun nami piacbimbuec ubi tantiec tabadquid uënësacsho uincuenmequin uënëstiapimbo icquid icmendambi.

Doma 12:1

Tantia, cun utsibo, Nuquin Papan cuidte bunenquio icquin bëdambuen isaido icsho mibitedi chuinu. Abi bunaidquio obeca bëdambocquid pichicaquin ismiacbimbuen: Umbi nate bunaid nainquiocquin mimbi nate bunaid bunebi, Icbo, quequin Nuquin Papa chianneta. Aden chiannec Esus tantiec iccuededtequid nendac.

Doma 4:25

Nuquin Papan tantiacpadec nuquitedi cuidmenquio icnuec nuqui icsambuen naid bedshunec abided cuidadec Esus uënëspanëdash. Adec uënësash uincueniaid tantiasho Nuquin Papan icsambuen naisabimbuecnuc nuqui bëdambuen isendac.

Doma 6:2

Padenquio. Nuquitedi uënësacbimbuen padpiden icsambuen nate bunenquio iquec. Adquid icquin ¿icsambuen naiduidi naicta nuqui tabadpe?

Doma 6:6

Ënden icsambuen naquido nuquitedi iccondac. Adquid icsho Esuquidistubëta cueste napotiaidën dectanacbimbuecquido nebi, quequin nuquitedi tantiec. Aden dectanquin nuquitedi icsambuen naidbëta icsambuen tantiaidtedi nibëdanmepanëdash. Adquid yec nëbi nuquitedi icsambo icmianquidën iua ictiapimpo iquec.

Doma 8:10

Esuquidistu mibëd iquec. Adquid icsho Nuquin Papan Mayan Bëdan tantiamiacpadec tabadsho Nuquin Papan bëdambuen isaido mibi nec. Icsambuen nabanquido yec min dada uënëstequid nendac.

Doma 8:2

Nuquin Papan aton Mayan meniac nuqui Esuquidistubëd abentsëc yacbimbuec tabadquido nec. Adquido yec nëbi mëtaniacbimbuec icsambuec tabadbuedi mënchicacbimbuec bëdambuec tabadquid yanash nuqui uënësacsho cuidenquio iquendac.

Doma 8:6

Aden abi bunaiduidi tantiaquin naic icsambuec tabadquid uënësacsho ënenquio icquin cuidacno nësecaindac. Nuquin Papan Mayan Bëdan tantiamiacpadec tabadquidien dacuëdenquio icnuc abëdi tabadmendac padpidec uënëstiapimbo icnuc.

Codinto 1 10:33

Umbi nabanaidtedi isash ma utsibo abitedi bëdambuen tantiec cuishonquenu, queshun nabanembi. Umbibi tantiacpaden nabanec bëdambo iquebi, quenquio icquin utsibo tantiaquin bëdambuen nashunembi: Ma aido Nuquin Papa yacno puduedtequid icpanu, queshun.

Codinto 2 12:10

Aden tantiec cun dada icsambo icnubi bëdambo icquin abi Esuquidistu chuibennec capuebi. Icsambuen chuiquin mamënshunaqui abi Esuquidistu chuibennec capuebi. Bunequi adecbidi capuebi. Utsin: Mibi natiamequin ënmembi, caqui adquiecbidi abi Esuquidistu chuibennec capuebi. Utsin natiamequin mëyanaqui adquiecbidi capuebi. Adquid icnuc umbibi natiapimbo icsho issun Nuquin Icbon nadatiambocquin namiac ëntiapimbocquin chuibennec capuebi.

Codinto 2 3:6

Umbi tantiaid chienquio icquin Nuquin Papan abimbo chuiquin ambi bëdambuen ismete chuca chiaid chiec nebi. Nuquin Papa matses bëdambuen ismequid Esuquidistu umbibi chuibennetiapimbo icsho Nuquin Papan Mayan Bëdan tantiamiac Esuquidistu chuibennequidquio nebi. Ambi: Naden nata, quequin chuiquin dada uamiampicpadombuen chuibanta, caidpenquio nebi. Ambi: Naden nata, quequin dada uampidtedi nabanenquio yec Nuquin Papa yacno matses tabadtiapimbo iquec. Padnuen Esus tantiasho aton Mayan meniaido yec Nuquin Papabëd tabadtequido nendac.

Codinto 2 5:16

Aden Esus tantiabenash tantiesabo onquiacpadec onquenquio nuqui iquec. Ënden Esus caic: Matsesi nec, quequin icsambuen chiec onquiondaidi nëbi: Nuquin Papan Madombo nec, quequin nuqui tantiec.

Cadasia 5:25

Aden Nuquin Papan Mayanën bëdambuen tabadmiaid icquin nëbi aidën tantiamiacpadombuen nabannuna.

Epeso 4:17

Nëbi Nuquin Icbo Esuquidistun namiaid icquin aidën tantiamiacpadombuen mibitedi chuinu: Nuquin Papa tantiesabo yec icsambuec tabadacpadec tabadenda. Aidon ambi icsambuen tantiacpadombuenuidi tantiaquin nabanec.

Epeso 5:14

Bëdambuec tabadquin ismedenniac icsambuen nabuedëmbi bëdambuen tantiendac. Adquid chuiquin naden dada uanëdaid iquec: Mibi usheque. Isucun. Uënësaidotedi nidtome. Adquid icsho Esuquidistun mibi bëdambuen tantiamendac, quequin chuipanëdash.

Codosas 2:12

Adembidi uënësacsho Esuquidistubëta chococacbimbuen mibitedi acten mentopanëdash. Adembidi nadatiambocquid icquin Nuquin Papan Esuquidistu uincuenmepanëdash, quequin tantiasho aidbëta uincuenmiacbimbuen acten mentotanquin mibitedi cadopanëdash.

Codosas 3:1

Esus tantiaquid icquin naden tantiata. Nuquin Papan Esuquidistubëta uincuenmiacbimbuen chuca uaid nebi. Adquid yanshun abuc Esuquidistu Nuquin Papan dayunquio abiuc tsadquin ambi namiacno ubitsen tabadtequid nebi, quequin aidquio tantiec bëdambuec tabadta.

Codosas 3:17

Aden nabanec tabadquin: Cun Icbo Esus nec, quequin tantiaquin aidën chiacpadombuen nabanta. Adec tabadquin: Mimbi tantiampicpadombuen Esuquidistun tantiamiaid yec bëdambo iquebi, Papa, quequin Nuquin Papa chianneta.

Codosas 3:23

Esuquidistu nidaidën icsho nashunacbimbuen mibi iuaquid tantiaquin aidën chiacpadombuen chieshenquio icquin bëdambuen nabanta.

Tesadonica 1 5:10

Aidi nuquitedi cuidmenquio icnuec abided cuidadec uënëspanëdash. Aidëmbidi abi tantiaquidotedi beduanshun abëdi tabadmendac. Uënësaid uincuenmiaidobëta uënësabi icquidotedi adoendac.

Tito 2:14

Nuqui cainaid nuqui icsambuen naidtedi bedshunec abided cuidadec Esus uënëspanëdash. Adec uënësaid tantiaquid yansho: Cun matses caido yec bëdambuec tabadquid nendac, quequin chiaid tantiameta, Tito.

Petedo 1 4:6

Aden abëd tabadtequid tantiaquin Nuquin Papan matses uënësaid tabadacno nidmiac Chiaid Bëda Esusën naid Nuquin Papan bëdambuen iste chuibampanëdash. Aden chuisho tantiec uënësaidën mayan tabadpanëdash.

Uan 1 4:9

Aden: Matses tantiaquidquio nec, quequin nuquitedi tantiamenuen Nuquin Papan aton Mado abentsëcquiobi nidaidën chomepanëdash. Aden chomiaid tantiaquido yec Nuquin Papabëd ënëdenquio yec tabadtequido iquendac.

Esusën Uan ismiaid 1:18

Nëbi adquid iquec abi iquebi. Adquid iquequi uënëspobi. Adbuedi nëbi uincuenash uënëstiapimbo icquid nebi. Adquid yec uënëstequidën Icbombo nebi, queposh.