Codinto 2 3:14 - El Nuevo Testamento en matsés

¹⁴ Nuquin Papan dada uaid Moisesën chuibanac tantiate bunesa aton matses isadaidbo icpampic. Adquiobidi pamumëdacbimbuec isadaidbo abi tabadec. Nuquin Papan Chiampid isec onquec nëbi adquiobidi abi bëdambuen ismenuen nate tantiesa nec. Padnuen Esuquidistu uidtsëqui tantiaquidën Nuquin Papa bëdambuen ismete tantiec.

Codinto 2 3:14 ပူးပေါင်းရင်းမြစ်များ

Mateo 13:11

Esus nadpondash: Utsibo tantiamenquio icnëdaidi: Nëbi Nuquin Papan namiacno tabadte iquec, quequin mibitedictsëqui tantiamembi utsibo padenquio icquin.

Mateo 16:17

Adsho tantiashun Esusën: Nuquin Papan bëdambuen tantiamiac aden mimbi bëdambuen chioc, Simon. Onasën mado Simon caid yec matses mibi nec. Adquid icquimbi matsesën tantiaid chienquio icquin abucshun Cun Pan tantiamiaidquio icquin mimbi abimbo chioc.

Mateo 6:23

Pacuënnëdacbimbuen Nuquin Papa tantienquio yec mitsanauidi tantiec ¿bëdambuecta mibi tabadpatsia? Padenquio. Adec mibi icsambuec tabadtsiaque. Adenda, quequin Esusën chuipanëdash.

Uanën dada uaid 12:40

Nuquin Papan namiac min matses pamumëdacbimbuen tantiate bunenquio iquendac. Bëchicqueshun isenquio yacbimbuen isquimbi tantiatiapimbo iquendac. Umbi chiaid tantiaquin umbi nabansho issumbi ubi padpiden tantiauatiapimbo iquendac. Aden ambi icsambuen naid ënsho bëdambuen ismane, quiash Nuquin Papa chushquiaid Isayasën chuipampic.

Uanën dada uaid 12:46

Uëshë chënquequid isquin tantiacbimbuen Nuquin Papan matses bëdambuen iste tantiamequidquio nebi. Ubi tantiaquid yanash bëdambuec tabadec inchëshquio icnuc istiapimbo yacbimbuec icsambuec tabadenquio iquendac.

Uanën dada uaid 8:12

Adshumbic padpidembuen matses tantiamequin Esusën naden chuiuapondash: Nuquin Papan bëdambuen iste matses tantiamequidquio nebi. Umbi tantiamiac ubi tantiabenquido icsambuen nate bunenquio yanendac. Adash ubëd tabadtequid iquendac, quepondash Esus.

Hechos 13:15

Ambo tabadnubien Nuquin Papan Moises dada uamiampidbëta Nuquin Papan oncamiampidën dada uamiampidtsen isec onquequin chuitanquin chuiquidon: Isedquido iqueque. Aid daëdi tabadacno nidshun: Ubitedi bëdambo icmenuen ¿ada chuibante bune? En chuiban. Tantianu, quequin Bednabebëta Pabado chuipanëdash.

Hechos 15:21

Naden tantiaquin aden chiombi: Ënden shubu dadpen icquid yacnoshon yacnoshonquien Nuquin Papan Chiaid chuibante shubunshun Moisesën dada uampid chuibansho isadaidbon tantiadednepampic. Nëbi adombuembidi chonoadtemaid uëshën uëshënquien Moisesën dada uampid chuibansho tantiauapec, quepanëdash Santiaco iccuededquido chiec.

Hechos 16:14

Pabadon chuibanacno chido Didia cuëmëdquid shubu dadpen icquid Tiatida yacnouësh choquid icpondash. Aidi dashcute umu umumbo bëdaidquio cuëshaid menequin piucquid bedquid nepondash. Aidi Nuquin Papa tantiaquid icquin Pabadon chuibansho tantiec tsadsho Nuquin Icbon tantiamiac Esus tantiaquid Didia yampondash.

Hechos 26:18

Aden chuibanac utsin utsinquien pashuacbimbuec icbuedombi tantiendac. Icsambuen naquid nebi, quequin tantienquio icbuedëmbi: Icsambuen naquid nebique. Ubi icsaid tantienquio yec bëshunta, Papa, quendac adquid. Mayan icsa Satanasën iua icbuedi Nuquin Papan bacuëbo yanendac. Adquid yansho ambi icsambuen naid ënmiac Nuquin Papan bëdambo icmiaid ubi tantiaquid utsibobëd iquendac, quequin Esusën chuipondashi.

Doma 11:25

Cun utsibo, tantia. Chuinu. Nuquin Papan ambi matses tantiamenquio icpampidi nëbi tantiamequin mibitedi chuinu. Nuquin Papan isadaidbo pacuënnëdacbimbuecnuc icmiac tantiate bunenquio iquec. Nuquin Papan tantiactedishun matses utsibomba dadpenshun Esus tantiambic isadaidbontsen dadpenshun Esus tantiabenendac.

Codinto 2 3:15

Naden nata, quequin dada uaid Moises meniampid isec onquequid yequi pamumëdacbimbuecquid isadaidbo dadpen abi iquec.

Codinto 2 3:6

Umbi tantiaid chienquio icquin Nuquin Papan abimbo chuiquin ambi bëdambuen ismete chuca chiaid chiec nebi. Nuquin Papa matses bëdambuen ismequid Esuquidistu umbibi chuibennetiapimbo icsho Nuquin Papan Mayan Bëdan tantiamiac Esuquidistu chuibennequidquio nebi. Ambi: Naden nata, quequin chuiquin dada uamiampicpadombuen chuibanta, caidpenquio nebi. Ambi: Naden nata, quequin dada uampidtedi nabanenquio yec Nuquin Papa yacno matses tabadtiapimbo iquec. Padnuen Esus tantiasho aton Mayan meniaido yec Nuquin Papabëd tabadtequido nendac.

Codinto 2 4:6

Taëecquiobi ëndenquimboshë: Inchëshquio icbuedi uëshëmbo yanta, capampic Nuquin Papan. Adombuembidi Nuquin Papan Chiaid pamumëdacbimbuen tantienquiocbuedi Nuquin Papan tantiamiaido nebi. Esuquidistu aton Papapadquidquio bëdamboshëcquid nec, quequin tantiaquin utsibo chuibanquido nebi.

Epeso 4:18

Adquido yec pashuacbimbuecquido nec. Adquid icquin: Nuquin Papabëd tabadte iquec, utsibo quesho tantiesa yec aid tantiate bunenquio iquec tabadec.