Codinto 2 13:5 - El Nuevo Testamento en matsés

⁵ Mibibi datantiadcuededec: ¿Adambi chieshtoenquiocquin Esuquidistu bëdambuen tantiape? quequin mimbibi tantiata. Aden tantiec: ¿Mibibi datantiadec Ambi chiacpadectabi tabadpe? quequin adembidi tantiata. Aden tantiashun: Adec tabadabi iccobi, quequin tantiaquid yec Esus tantiabicquid mibi nec. Adquid icnuc: Esus ubëd ictiapimbo iquec, quequin tantiata.

Codinto 2 13:5 ပူးပေါင်းရင်းမြစ်များ

Uanën dada uaid 14:23

Adoaquien Esusën: Ubi tantiaquid umbi chiacpadombuen naquid nec. Aden nasho aid tantiaquioquin Cun Pabëtan aidbëd icquin bëdambo icmendambi. Adoac ubëd iquec Cun Pabëd yacbimbuec tabadendac.

Uanën dada uaid 15:4

Ubi tantiec ubëd abentsëc yacbimbuec tabadquin umbi chiacpadombuen nata. Adosho isash mibi bëdambuen tabadmec mibëd iquendabi. Uba cuidi padquëdaid bacuëtiapimbo iquendac. Adacbimbuen ubëd tantiananenquio icquin mibitedishun utsibo ubi tantiametiapimbo iquendac.

Uanën dada uaid 17:23

Aidobëd ubi tantiananquiacpadec mibëd tantiananquiebi. Adec mibëd tantiananquiacpadec aido ubi tantiaquido utsibobëd tantiananquiendac. Adsho issun: Abembi adec tantianantiapimbo iquec. Nuquin Papan chomenëdaid Esusën namiaquien nec. Aton Papan Esus tantiacpadombuembidi Esus tantiaquido tantiec, quequin ubi tantiesabon tantiendac, Papa.

Uanën dada uaid 17:26

Aden Mibimbo tantiamenuec iuec ubëd icquidobëd tabadquin mimbi chiaidquio chuibanombi. Adembidi ënenquio icquin ubi tantiaquido tantiamendambi. Ënëdenquio yec aidobëd iquendabi. Adshobi abentsëc yacbimbuec mibëd ubi tantiananquiacpadecbidi aido utsibëd tantiananmeta, Papa, quequin Esusën Nuquin Papa chuipondash.

Uanën dada uaid 6:56

Aden cun nami pequinc cun intac acquinc caquid yec ubëd abentsëc yacbimbuec tabadtequid nendac. Adecbidi aidbëd abentsëc yacbimbuec iquendabi.

Uanën dada uaid 6:6

¿Atotsi quetsiashe? Tantianu, queshun adopondash Esusën. Pete bedabi icsho issun umbibi pete uanu, quequin otacquio tantiequi adpondash.

Doma 1:28

Adec abi tantiate bunenquio icsho isash Nuquin Papa: Ma ambi icsambuen nate bunacpadequi icsambuec ma adequi tabadpanu, quiampampic. Adnëdambi ambi natemaidi naic tabadec.

Doma 8:10

Esuquidistu mibëd iquec. Adquid icsho Nuquin Papan Mayan Bëdan tantiamiacpadec tabadsho Nuquin Papan bëdambuen isaido mibi nec. Icsambuen nabanquido yec min dada uënëstequid nendac.

Codinto 1 11:28

Adquid icnuc pete cuëshëmpi pequin sicaid actequidëmpi acnumbi: ¿Adambi Esus tantiaquin bëdambuen napoba? ¿Adabi Esus tantiec utsibobëd bëdambuec tabadpoba? quec mibibi datantiadcuededta.

Codinto 1 11:31

Adtequid icnuc nuquibi datantiadquin: Icsambuen naombique. Ubi bëdambuen isuata, quequin abi chuishun peshun acsho issun Nuquin Icbon cuidenquio iquendac.

Codinto 1 3:16

Mibitedi Nuquin Papa tabadte shubu nec. Adquid icnuc: Nuquin Papan Mayan ubëd iquec, quequin ¿tantienquioda mimbi icpe?

Codinto 1 6:15

¿Abi tantiaquid yec Esuquidistubëd abentsëc yacbimbuec tabadquid nebi, quequin tantienquioda mimbi icpe? ¿Aidbëd abentsëc yacbimbuec tabadbuedi icsambuen naic piucquid bedec chudadquidbëd daëdash abentsëc yacbimbuecta tabadtiad? Padenquio ictiad, caimbi.

Codinto 1 6:19

Nuquin Papan aton Mayan meniaido mibitedi nec. Adoaido yec Nuquin Papa tabadte shubu mibi nec. Adquid icnuc: Nuquin Papan Mayan Bëda ubëd tabadec, quequin ¿tantienquioda mimbi icpe? Mibibi: Cun dadan icbo nebi, quetiapimbo mibitedi iquec.

Codinto 1 6:2

Iuecshun Ambi tantiacpadombuen Nuquin Papa tantiaquidon Esus tantiesabon naid chuiquin cuidtequid chiendac, quequin ¿tantienquioda mibitedishun ique? Aden Esus tantiesabon naid chuisho tantiashun cuidembi, queshumbi ¿atotsi queshun mibëtan Esus tantiaquidbëd chushcananash Esus tantiesa cuidte chuiquid yacno nidshun mimbi chuibampe?

Codinto 1 9:24

Mibitedishun naden tantiec. Titincametequid icnuc abitedi titinquecuededec abentsëc abia bëyuc choquid icsho issun bëdamboshëcquid menendac. Adquid icnuc nuquitedi titinquequido yacbimbuen: Esuquidistu tantiaquid Nuquin Papan bëdamboshëcquid ubi menetequid iquec, quiash bëdambuec tabadnuna.

Codinto 1 9:27

Adquid icquin ambembi naquin ubi bunacpaden nabanenquio iquembi. Ënapen nidec: Padishmane, quiash uidënquio icnuec capuquidquio nebi. Adacbimbuen umbi tantiacpaden chuibanenquio icquin: Ma utsibon tantianu, queshun Esuquidistu uidtsëqui chuibanembi. Chuibanenquiocsho Nuquin Papan bëdamboshëcquid menenquio icnushe, queshun icsambuen nainquio iquembi.

Codinto 2 6:16

¿Matsesën ambibi nacnenshun papa caid tantiaquidta aton Mayan Nuquin Papan meniaid icpadic? Padenquio. Abi tantiaquid yec abi tabadtequid nuquibi nec. Adec Nuquin Papa uënëstiapimbocquidbëd tabadtequido nuqui nec. Nuquin Papan dada uamiampid nad iquec: Ubi tantiaquidobëd iquendabi. Aidobëd capuendabi. Aidon Papa caid nendabi. Aido cun matses nendac, quepampic Nuquin Papa.

Cadasia 2:20

Esusbëd uënësacbimbuen umbi icsambuen nabanaid ënondambi. Nëbi Esusbëd cuëshëdenquio yec bëdambuec tabadebi. Ubi tantiaquiec ubi cuidmenquio icnuec Nuquin Papan Mado abided cuidadec Esuquidistu uënëspanëdash, quequin tantiashoeni Aidëmbi nëbi bëdambuec tabadquid icmec.

Cadasia 4:19

Cun bacuëbobimbuecquido icsho mibitedi tantiac uënësquio iquec. Anin paëmbo icnuc natiaquimbi aton bacuë tishacbimbuen natiaquin mibitedi tantiaquiembi. Esuquidistubimbuec icpashun, quequin tantiembi.

Cadasia 6:4

Adenquio yec mibibi datantiadta. Adashic: Nuquin Papan chiacpadec tabadquid nebi, quiash adecbidi bëdambo icta. Utsibo icsambo icnubi ubiuidtsëqui bëdambocquid nebi, quenda.

Epeso 3:17

Adembidi Esuquidistu tantiaquidombo icmequin ënëdenquio yec utsibobëd tantiananec tabadquid icmeta, Papa, quequin mibitedi tantiaquin Nuquin Papa chiannembi.

Codosas 1:23

Chieshtoenquio icquin cainquin Esuquidistu tantiaquid icsho abi yacno mibi iuedendac, quequin chuibansho mimbi tantiondac. Adenuidi Chiaid Bëda ënenquio icquin tantiata. Adombuembidi shubu dadpen icquid Doma yacno chuiquid tapan namiacnoshon chuibennesho nidaid utsi utsiec yacno tabadquidon tantiapanëdash. Umbitsen adembidi aid chuibennepondambi.

Codosas 1:27

Aden Nuquin Papan ambi matses tantiamenquio icpampidi bëdamboshëcquid Esuquidistu Isadaidpembo tantiamebempanëdash. Adoac Esuquidistu tantiaquido yansho issun Nuquin Papan cun matses caido yec bëdamboshëcquid yacno aidbëd tabadtequid nebi, quequin tantiaquin cainec tabadendac.

Codosas 2:19

Aido Esusbëd abentsëc yacbimbuec tabadquidpenquio nec. Adquid icquin: Esuquidistu abi tantiaquidon Icbombo nec, quequin tantienquio iquec. Adecbidi Nuquin Papan tantiacpadquiec Esuquidistu tantiaquid dadpen yanash aton utsibobëd tantiananec nashunnanec aton Icbo padquid yanec, quequin tantiesa adquido nendac.

Codosas 2:7

Adec tabadquin cute aton tapun ëquëducquiocquidën uidënash nidacbimbuen Esuquidistu tantiaquid icquin aidquio tantiaquiota. Aden Esuquidistu chuiquin ubipadquidon mibitedi tantiamepanëdash. Aid tantiaquid icquin Nuquin Papa chuiquin: Mimbi nac bëdambo iquebi, Papa, quequin Nuquin Papa chianneta.

Timoteo 1 2:15

Adec abia icsacsho issun Nuquin Papan cuidac paëmbo icnuc bacuë tishquid chido abitedi yampampic. Esus tantiaquid yanash ambi tishaido bëdambuen namequid iquendac. Esusën chiacpadombuen naic matses tantiaquid yanendac. Mabi bëdambocquid nec, canu, quenquio yec Nuquin Papan chiacpadec bëdambuec tabadquid icsho Nuquin Papan abi yacno puduedmendac.

Timoteo 2 3:8

Chidobo chiec muaquid yec nëidon icsambuen nampidpadquid nec. Abentsëc Anes cuëmëdnubi utsi Ambades cuëmëdpampic. Isadaidbo tsusedpa Moisesën Nuquin Papan Chiaidquio chuisho tantiashumbi aidon: Muequi nec. Umbimbo nadatiambocquin nabanquin ismenu, quebuedombi bëdiactsëc tantiaquin nauidpampic. Adsho issun: Muambo nec, capampic matsesën. Adembidi chido chiec muaquido Nuquin Papan Chiaid chiesa nendac. Icsambuen tantiaquin Nuquin Papambo tantiesa nendac. Adembidi aidon muaquin chuisho tantiashun matses dadpenshun: Muequi nec, capendac.

Tito 1:13

Aden abimbo chuipampic, quequin muaquin chuiquid ambi icsambuen tantiaid ënmenu, quequin: Aden chuibanenda, quequin chuita ma Esuquidistumbo tantiaquid yampanu, queshun.

Tito 1:16

Aido: Nuquin Papa tantiaquid nebi, quebuedi utsibo ismec Nuquin Papa tantiesabimbuec tabadec. Nuquin Papan Chiaid niacquid yec chieshëmënquido nec. Bëdambuen tantiatiapimbo icquido icquin bëdambuen natiapimbo icquido nendac, Tito.

Tito 2:2

Tsësiobo naden chuibanta: Mimbi icsambuen nate bunaid nainquio yec tabadta. Mibi bëdambocquid nec, utsibo camenuec bëdambuec tabadta. Aden naquin icsambuen natsiambi. Naden naic bëdambocquid yantsiabi, queshun bëdambuen nata. Adembidi Nuquin Papabëta Esus tantiaquiota. Adecbidi utsibobëd tantiananec tabadquin natiamiantequid icnubi chieshtoenquiocquin Esus tantiaquiota, quequin chuibanta, Tito.

Ebedeo 12:15

Nuquin Papan bëdambuen isaid icquimbi chieshtoshon icsambuen nasho issun: Mibi icsambuec tabadeque. Adec tabadquin ismequin cute podo icsa chodcashun acmiacbimbuen mimbi utsibo icsambuen nametsiaque. Padi. Aden naic tabadenda, quequin chuiban.

Ebedeo 4:1

Adec nuquin tsusedpabo Nuquin Papa tantienquio yec tabadash aidën chiacno tabadambo icpampic. Nëbi Nuquin Papan chiampicpadombuen chiembique. Chuinu. Tantia. Ubi yacno puduedash natienquio yec ubëd tabadtequid mibitedi iquendac, quequin chiampid icnuc aid yacno aidbëd tabadtiapimbo icchitomane, queshun Esuquidistu tantiaquionona.

Santiaco 4:4

Chidon aton bënëpen chudmequidbimbuen Nuquin Papa tantiesabo yec icsambuec tabadquido mibitedi nepayoc. Adec tabadquin abi tantiesabon nacpadombuen nadennequid yec Nuquin Papa chieshënquid nec, ¿quequinda mibitedishun tantienquio icpe?

Petedo 1 5:9

Icsamenda. Chieshtomenda. Icsamenushe, queshun Nuquin Papa tantiaquin aidën chiaid niaquenquio yec bëdambuec tabadta. Ubi chieshënquin natiamiacpadombuembidi Esus tantiaquid utsibo nidaid utsi utsiec yacno tabadquido natiamec, quequin tantiec chieshtoenda.

Esusën Uan ismiaid 2:5

Aden umbi chuibued tantiash: Ai, abimbo caic. Aden icsambuen naiquini icsachitoc, queshun mimbi icsambuen naid ënshun tauambuen mimbi Nuquin Papabëta ubi tantiondacpadombuembidi ubi tantiabenuata. Adoenquio icshoembi mibi cuidquin tabote manitsintequid bedshunendac.