Codinto 2 12:4 - El Nuevo Testamento en matsés

⁴ Abuc bëdamboshë yacno indoac utsibon tantiacmaid chuisho tantiapondambi. Umbi tantiondaid matsesën chuitiapimbo ictequid niondash.

Codinto 2 12:4 ပူးပေါင်းရင်းမြစ်များ

Ducas 23:43

Adoaquien: Abimbo chuinu. Tantia. Nëid uëshëmbi abuc ubi bëdambuec tabadacno ubëdi mibi iquendac, quepanëdash Esus abëta dectambued abentsëc chiec.

Hechos 8:39

Adashic acte nantanuësh abidaëdi pudundosho Nuquin Icbon Mayanën Uedipe buampanëdash. Adoacsho padpiden aid isenquio iquequi: Esus tantiec bëdambo iquebi, quec cuishonquec aton nidaid Etiopia yacno nidpanëdash.

Codinto 1 13:1

Matses utsi utsiec onquiacpadquiec onquequid nebi. Adecbidi Nuquin Papabëd icquido onquiacpadquiec onquequid nebi. Adec onquequid nebi, quebuedi utsibobëd tantiananec tabadesa yec tsentsencate icsactsëcquio cuëdmiacbimbuecquid ictsiabi.

Codinto 2 12:2

Ënden seta 14ted matanmiash Nuquin Papan abucquio abi yacno indoac isondambi. Nuquin Papan dadachobi abuc indopondashi, quetiapimbo iquebi. Tantienquio iquembi. Adecbidi cun mayanuidtsëqui indondash, quetiapimbo icuaibi. Tsaun. Tantienquio iquembi. Nuquin Papambien tantiec.

Tesadonica 1 4:17

Adashic Esus tantiaquido uënësabi icquidobëd uincuenmiaido tsidadash aidotedi abuctoendac Nuquin Papabëd tabadec nidec. Abitedi abuctoquimbi abi bëquedec Esus chosho istuidendac. Adash Esusbëd Nuquin Papa yacno nidash anobi nuqui quenenendac.

Esusën Uan ismiaid 12:5

Adnubien chidon dada bacuë tishposh. Aidi nidaid abitedi yacno tabadquidon Icbombo ictequidquio yec aidon chuiquid tapambo icquimbi icsambuen naquido icsho cuidquid ictequidquio neposh. Adquid icsho aton bacuë bedshunshun Nuquin Papa aton tsadte dapan tsadacnombo buamposh nisi dapabimbuecquidën petiapimbo icnuc.

Esusën Uan ismiaid 2:7

Nëbi ubi tantiaquido utsibotsen chuinu. Umbi chuibocpadombuen cun Mayanën mibitsen tantiametsiashe. Bëdambuen tantiate bunquin Umbi Chiaid tantiata. Mayan Icsa Satanasën: Icsamenu, caqui chieshtoenquio icquin ubi tantiasho ubëdi tabadmendambi. Nuquin Papa bëdamboshëcquid yacno nitsinaid cute bacuë uënëstiapimbo icmetequid chemendambi, quequin umbi chuibued dada uata, quequin Esusën chuiposhi.