Codinto 2 11:32 - El Nuevo Testamento en matsés

³² Utsitsen muainquio icquin mibi chuinu. Tantia. Shubu dadpen icquid Damasco yacnocquidon chuiquid tapa Adetas cuëmëdquidën chuiquid utsi cobednadod caid icmiaidën: Pabado puduensho bedta, quequin shubu dadpen icquid daquënë uaquin tsicatiaid tapa puduedte shëcuëtedi sondado ëctabëdmepaccondash.

Codinto 2 11:32 ပူးပေါင်းရင်းမြစ်များ

Hechos 9:10

Adnubien shubu dadpen icquid Damasco yacno tabadquid Esus tantiaquid Ananias cuëmëdquid icpanëdash. Aidi ushquin isacbimbuen ismequin Esusën: Ananias, caquien: ¿Atoda? Në iquebi, Icbo, capanëdash.

Hechos 9:2

Shubu dadpen icquid Damasco yacno nidshun chiaid chuca tantiamiaido Esus tantiaquido dadabobëtabi chidobo bedmequin tanemeshun Edusaden yacno bëmete bunebique. Aden dada uashun ¿ada dada uaid ubi menetsia? Ai adota, quequin mimbi dada uaid meniac shubu dadpen icquid Damasco yacno nidshun Nuquin Papan Chiaid chuibante shubu utsi utsiec yacno nidshun ambo chuibanquid mimbi dada uaid ismiac: Adota, queuatsiash, quequin chuipanëdash Saudon.

Hechos 9:8

Adec onquec ënëdan nidtoshon isnuequi Saudo istiapimbo yec bëshupanëdash. Adsho issun mëdinanquin Damasco yacno buampanëdash.

Codinto 2 11:26

Adecbidi quenenenquio yec capucuennequin Esuquidistu chuibenniombi. Adec utsi utsiec yacno nëpaëdtiapambocquid acte potec nidtedniondabi. Adecbidi ampeshumënquid icpondash. Adecbidi cun matses isadaidbobi ubi mëyante bunquid icpondash. Adecbidi isadaidpembo adquidbidi icpondash. Shubu dadpen icquid yacno adquidbidi ubi cueste bunquid icpondash. Matses daëdpactsëc yacno adecbidi ubi cueste bunacno capucuenniondabi. Adecbidi acte dapa mad caidën capucuenniondabi. Esuquidistu tantiaquid nebi, quequin muaquin chuiquidën mibi cueste bunec, caqui capucuenniondabi.