Codinto 2 11:31 - El Nuevo Testamento en matsés

³¹ Nuquin Papa Nuquin Icbo Esuquidistun Papan nabanaid ënenquio icquin chuitequidquio nec. Aidëmbi: Muesambo Pabado nec, quequin tantiec.

Codinto 2 11:31 ပူးပေါင်းရင်းမြစ်များ

Uanën dada uaid 10:30

Cun Pabëd abentsëc yacbimbuecquid yec aid padquidquiobidi nebi, quepondash Esus.

Uanën dada uaid 20:17

Aden abi chuiquin dayunshobien Esusën: Ubi dayunenda. Umbi chuibocpadec Cun Pa yacno nidabi iccobique. Ubëd icbued umbi cun utsi cabuedo umbi chuibuedquio chiec nid. Mibitedishun Nuquin Papa cabued Cun Pabidi nec. Adquid icnuc aid yacno nidendabi, quiosh, quequin chuita, quepanëdash Esus.

Doma 1:25

Abitedi uaquidquio Nuquin Papa nec, quequin aidquio tantiatiadquidombi Nuquin Papapenquio tantiabededec. Adoshombic ambi uaidobi utsi utsien chuiquin papa cabededpec. Nuquin Papa abitedi uaquidquio yec bëdamboshë iquec, quequin ënenquio icquin chuitiadquidi aidon padenquio iquec.

Doma 1:9

Aden abi tantiaquidquio icquin umbi Ambi Chiaid Bëda aton Madon naid chuibennequin mibitedi ënenquio icquin tantiasho isash Nuquin Papa: Abimbo caic, quendac.

Doma 15:6

Mimbi adoac aidtedishun: Nuquin Papa, Nuquin Icbo Esuquidistun Papa mibi nec. Mibi bëdamboshë iquec, quequin mibi chuibededtsiash, quequin Nuquin Papa chiannembi.

Doma 9:1

Cun matses isadaidbo tantiaquid Nuquin Papa nec. Aden abi tantiaquid cun matsesën bëdambuen tantienquio iquec, quiash uënësquio yec shubitiadquio iquebi. Muainquio iquebi. Esuquidistu tantiaquid icsho Nuquin Papan Mayan Bëdan tantiamiaid icquin abimbo chiec nebi.

Doma 9:5

Tsusedpabon tsiuecquido yec Nuquin Papan chiampicpadquiequi isadaidbon chidon tishac Esus matsesac caondash. Aidi Mesias Nuquin Papan Chomiaid abipadquidquiobidi yec abitedishun Icbombo matsesac caondash. Adquid icsho: Mibi bëdamboshë iquec, canuna ënenquio icquin. Amen.

Codinto 2 1:23

Nuquin Papan tantiec, queshun abimbo caondambi. Mibi yacno Codinto yacno nidnu, quiondabi. Adashic: Aido chushcaquin natiamemane, quiash mibi yacno nidenquio iccondabi.

Codinto 2 1:3

Nuquin Papa Nuquin Icbo Esuquidistun Papa bëdambocquid nec. Aidi nuquitedi tantiaquidquio icquin nuqui natiamiac natiambo icsho issun uënësquio icquin bëdambo icmianquidquio nec. Adenuidi Nuquin Papan naindac.

Codinto 2 11:11

¿Atotsi quiashini: Bec cho, quenquio icpe? ¿Mibitedi tantienquio icquindambi mibi: Bec cho, cainquio icpe? Codinto yacnocquido Pabadon tantiaquiec, quequin Nuquin Papan tantiec.

Cadasia 1:20

Umbi aden chuisho tantiash: Abimbo caic, quendac Nuquin Papa.

Epeso 1:3

Nuquin Icbo Esuquidistun Papa Nuquin Papa bëdamboshëcquid nec. Adquid icquin Esus tantiaquid icsho abëd abuc bëdambuec tabadacpadquidquio nuquitedi icmiac, quequin: Nuquin Papa bëdambocquid nec, canuna.

Epeso 3:14

Nuquin Papa abuc icquidobëta nidaidën icquidotedi uaquidquio nec, quequin aid tantiaquin danëshën sebudshun

Codosas 1:3

Nuquin Papa Nuquin Icbo Esuquidistun Papa bëdamboshëcquid nec, quequin mibitedi tantiadednequin naden ënenquio icquin chiannembi. Aido bëdambo icmequin bëdambuec tabadquid icmeta, Papa.

Tesadonica 1 2:5

Umbi tantiacpadombuen mibitedi namenuen: Mibi bëdambo iquec, quequin chienquio iccondambi. Mibi piucquid bedshunnuen muaquin chiambo iccondambi. Nuquin Papan isquin tantianubi abimbo chuibanondambi.

Timoteo 1 1:11

Adombuembidi: Esus bëdamboshëcquid yec abided cuidadec uënësaid tantiasho Nuquin Papan bëdambuen isendac, quequin Nuquin Papa bëdamboshëcquid icquin Esus chuibanquid icmiondashi.

Timoteo 1 1:17

Aden tantiaquin: Nuquin Papauidtsëqui abitedi namequid yec abitedishun Icbombo nec. Uënëstiapimbo icquid nec. Isadesambo nec. Adquid abentsëcquiobi icnuc abipadquid utsi nibëdec. Adquid icsho abitedishunquio: Mibi bëdamboshë iquec, Papa, quequin ënenquio icquin chiac bëdambo ictsiash. Amen.

Timoteo 1 6:16

Aid abentsëqui uënëstiapimbo icquid nec. Bëchamauanquiec isadsho: Isnu, quequimbi anuenadtiapimbo iquec. Aidi matsesën istiapimbo icquid nec. Adquid icsho: Mibiuidtsëqui abitedishun Icbombo yec nadatiambocquid mibi bëdamboshëcquid nec, Papa, amen, quequin Nuquin Papa chiannenuna ënenquio icquin.

Petedo 1 1:3

Nuquin Papa, Nuquin Icbo Esuquidistun Papa, bëdamboshë iquec, canuna naden tantiaquin: Icsambuen naquido cuidte bunenquio icquin uincuenmequin chuca nuqui icmenuen Nuquin Papan abided cuidadec uënësaid Esus nuqui tantiamiondash. Adoac nuqui naden tantiec: Esuquidistu uënësacsho chococac uincuenash padpidec uënëstiapimbo iquendac. Adembidi Esus tantiec uënësacsho uincuenmeshun Nuquin Papan abi yacno nuqui tabadmendac padpidec uënëstiapimbo icnuc.