Codinto 2 11:28 - El Nuevo Testamento en matsés

²⁸ Aden mëyanaid icquin umbi chuibenniac Esus tantiabenondaidotedi tantiembi. ¿Ada chieshtoenquio icquin Esus tantiec bëdambuec tabadpec? quequin aido tantiadednembi.

Codinto 2 11:28 ပူးပေါင်းရင်းမြစ်များ

Hechos 15:36

Adashic iuecash Pabado Bednabe caic: Capucuennequin Nuquin Papan Chiaid nuqui chuibenniac Esus tantiaquid yanondaido ¿mitsipadec tabadeque? Isbennenu nid, capanëdash.

Hechos 18:23

Antioquia yacno choash iuec tabadashic padpidec puduanec Esus tantiec iccuededquido yacno yacnombuen isbennequin tantiametannu, quianec nidaid cuëshë Cadasia caid yacno nidash tabadquin: Chieshtoenquiocquin Esus tantiec bëdambuec tabadta, quequin chuibampanëdash. Auëshquio nidequi nidaid Pidiquia caid yacno nidshun adombuembidi Pabadon chuibanuapanëdash.

Hechos 20:2

Auëshquio puduanec nidquimbi nidaid Masedonia caid yacnocquid Esus tantiaquido iccuededacno iccuededacnombuen chiec: Chieshtoenquio icquin Esus tantiata, quequin aden bëdambo icmequin chuibidanec nidaid Quedesia caid yacno nidpanëdash Pabado.

Hechos 9:31

Aden Saudo nidmian Esus tantiaquido nidaid Udea yacnocquido yec nidaid Cadidea caid yacnocquido yec nidaid Samadia caid yacnocquido yec quec dacuëdenquio yec tabadpanëdash. Adec tabadec: Nuquin Papan Chiaid tantiabennu, quesho Nuquin Papan Mayan Bëdan tantiamiac bëdambuec tabadpanëdash. Adec tabadquin Esus chuibansho tantiash tantiesa icbuedi Esus tantiaquid dadpenquio yampanëdash.

Doma 1:14

Esuquidistun chiacpadombuen Ambi naid matses abitedi chuibante bunquiebi. Isadaidbobëta matses utsibo chuibanshumbic cumapenen tantiaquidobëtabi tantienquio icquidotsen chuibannuec nebi.

Doma 11:13

Tantia, matses utsibo. Mibitedi chuinu. Nuquin Papan mibi yacno nidmiac Esusën naid chuibennec bëdambo iquebi. Nëid umbi chuibanaid bëdamboshëcquid nec.

Doma 15:16

Nuquin Papan adquid icmiac Esuquidistun naid chuibennequidquio icquin matses utsibo nashunquin aidën bëdambuen iste chuibenniombi. Adoac Nuquin Papa ismequin nuadte bëda pichicacbimbuecquido icsho Nuquin Papan Mayan Bëdan aido bëdambuen tabadmendac.

Doma 16:4

Esusën naid chuibennesho: Cueschitomane. Esusën naid chienda, chieshëmënquidon ubi casho aidon ubi nashunquin cuenmesho issun aidtsen cuessunetsempaccondash. Adsho issun: Mibitedishun bëdambuen naoc, caondambi. Adembidi aidon chiondaidon isadaidpembo matses utsibon: Mibitedishun bëdambuen naoc, quequin chuiuapondash.

Codinto 1 7:17

Nuquin Icbon ambi tantiamiacpadombuen dadabëta chido: Esus tantiaquid icta, caid icquin bëdambuen nabanec tabadta. Adembidi Esus tantiaquidotedi chiembi.

Codosas 2:1

Aden chuibanshun nadentsen chuinu. Tantia. Mibitedi tantiaquin Mayan Icsa Satanasën icsambuen namenushe, queshun cumapenec chonoadquin Nuquin Papa chiannembi. Adembidi Daudisea yacnocquido tantiaquin Nuquin Papa chiannembi. Adembidi utsi utsiec yacno iccuededquido umbi isacmaidobi tantiaquin Nuquin Papa chiannembi.