Codinto 2 11:25 - El Nuevo Testamento en matsés

²⁵ Adembidi 3teden shocosh nacnenaid cuesten cuesmededniondashi. Adembidi abentsen cuënoten sesiondashi. Adecbidi ubi antsadtoaid cano dapa bincudec 3tedec mentoadondash. Adquid abentsëc mentoadbon abentsec ushec cano cuëshë bedshun sananec: Mentoadmane, quiash nuadpondabi.

Codinto 2 11:25 ပူးပေါင်းရင်းမြစ်များ

Mateo 20:19

matses utsibo isadaidpembo ubi menendac. Aden meniac aidon mamënshunquin ubi cueshcanten cumapenen cacuesendac. Adshumbic ubi uënës uanuen cueste napotiaidën dectanendac. Aden uënës uaqui daëdec ushash uincuenendac, quequin Esusën abi uënës uate padpiden chuiuapondash.

Mateo 21:35

Adec aton icbon tiedno nidanniacshobien neshcashunquidon cudasënquin chieshëmposh. Abentsëc cuestanquimbic utsi cuessunnetanquimbic utsi cuënoten seseposh.

Hechos 14:19

Adnubien isadaidbon chuiquido Antioquia yacnocquidobëd Iconio yacnocquido Disteda yacno chochoshon: Pabado icsambocquid nec, quequin chiac Disteda yacnocquido nëishcuededpanëdash. Adec nëishcuededshun Pabado cuënoten sesetanquin: Uënësosh, queshun nimbanquin buanshun shubu nibëdacno Pabado netampanëdash.

Hechos 14:5

Aden chuisho tantiash: Bednabebëta Pabado bedtanquin mëyanshun cuënoten sesequin cuessunnenuna, quec nëidted onquepanëdash. Nëidic Esus tantiesabo isadaidbon chuiquido. Utsibic isadaidbopembo. Nëidic ambocquidon chuiquido. Aidtedi adec onquecuededpanëdash.

Hechos 16:33

Adoaquien aid inchëshëmbi Pabadobëta Sidas cuesaid chiuë acten bëpanshumpanëdash seshunniadtsembuedën. Adash aton shubun icquidobëd Esus tantiaquido yansho issun aidtedi Pabadobëtan Sidasën acten mentobampanëdash.

Hechos 16:37

Adoaquien Pabado: Umbi naid chuimenquio icquin ubi daëdi Doma yacnoquido icshobi utsibon isnubi cacuesmeposhi. Adshumbic quënën tsadunoshi. Nëbi puduenmenuen ¿utsibon isenquiocnobida ubi daëdi puduenme? Padi. Ubi daëdi puduenmenuec ma chuiquidobi chopanuna, quequin quënën tabadquido ista cabued chuipanëdash.

Hechos 22:24

Adsho issumbien: Cuessunnenushe. Sondado ushte shubu nuntan buanta, quequin sondadon chuiquidën chiac Pabado nuntan sondadon buanacsho issun: ¿Atotsi nasho isash isadaidbo nëid cuessunnete buneque? Ma ambi icsambuen naid chuinu. Cumapenen cueshcanten cacuesta, quequin sondadon chuiquidën chuipanëdash.

Timoteo 1 1:19

Adquid icquin Nuquin Papan Chiaid niaquenquio icquin Esus tantiaquiec bëdambuec tabadta. Utsiboen cano cuëshnudtannuc ampaëdacbimbuec: Adec icsambuec tabadtsiabi, quebuedëmbi Nuquin Papan Chiaid niac niacquin Esus tantienquio yanosh.

Ebedeo 11:37

Adembidi utsi utsien cuënoten sesequin cuessun secapampic. Adembidi utsi utsien tembi daëdquiocnoc sëmpampic. Adembidi utsi utsien chështen seshunnepampic. Utsi utsiec aton shubu nibëdquid yec nëish iua obeca bitsi nacnenaiduidi dasiuidash capucuennepampic. Utsi utsiec atona nibëdquid yec mëyadnubi utsi utsien mëyanaqui Nuquin Papa tantiaquidquio yec aido uënëspampic.