Codinto 2 11:23 - El Nuevo Testamento en matsés

²³ ¿Esuquidistu chuibanquid nebi, quepecta aido iquec? Ubien Esuquidistun: Ubi chuibenneta, caidquio nec. Adquid icquin aidquio chuibanquidquio nebi. Aden chiec tantiesabimbuec onquec nebi. Utsi bëdiactsëc chonoadnuc ubien cumapenec chonoadquid nec. Adecbidi quënën tsadunaid utsi icnubi quënë utsin utsinquien tsaduntedniaid nebi. Adecbidi utsi bëdiactsëc cacuesaid icnubi iuen cacuesto cacuestoaid nebi. Mëyanac uënëstsenobi, utsi quenubi iuenquio mëyanac uënëstsen uënëstsenondaid nebi.

Codinto 2 11:23 ပူးပေါင်းရင်းမြစ်များ

Hechos 14:19

Adnubien isadaidbon chuiquido Antioquia yacnocquidobëd Iconio yacnocquido Disteda yacno chochoshon: Pabado icsambocquid nec, quequin chiac Disteda yacnocquido nëishcuededpanëdash. Adec nëishcuededshun Pabado cuënoten sesetanquin: Uënësosh, queshun nimbanquin buanshun shubu nibëdacno Pabado netampanëdash.

Hechos 20:23

Shubu dadpen icquid ubi nidacnoshon nidacnoshonquien Nuquin Papan Mayan Bëdan naden chuided chuidedoshi: Mibi mëyantequid iquendac. Adembidi mibi quënën tsaduntequid iquendac, quequin chioshi.

Hechos 21:11

Adec choshon Pabadon tsipante bedshun Pabado tatanetanquin mëtanetanec Acabo nadpondash: Nuquin Papan Mayan Bëdan naden chioshibique. Tantia. Chuinu. Umbi chuibocpadombuen isadaidbon Edusaden yacno tabadquidon nëid tsipante icbo bedshun tatanetanquin mëtaneshun buanshun isadaidpembo menendac, quepondash Acabo Pabado chiec.

Hechos 25:14

Adec choash dadpen ushec tabadsho isash Pabado quënën tsadunmiaid chiec Uesto nadpanëdash: Uedisën quënën tsadunmeshun niannëdaid Pabado cuëmëdquid nuntan abi iquec.

Hechos 27:1

Aden Uestobëtan Aquidipan: Nidaid Itadia caid yacno buanmenuna, queshun sondadon chuiquid capitan Udio cuëmëdquid naden chuipanëdash: Pabadobëta mëtaniaido utsitedi buanec nidta, cac buanec puduampondash. Aidi aton sondadobëta chuiquid tapambo empedadodën namiaido nec, quequin cuënaid nepondash.

Hechos 28:16

Aden aido bëquedash aucbidi choec Pabadobëd Doma yacno chochopondash. Ambo choacshobien chuiquidon Pabado quënën tsadunmenquio icquin shubu utsin tabadmepondash sondado abentsëcshun abëd tabadquin isnubi.

Hechos 28:30

Adembidi seta daëd matanmec ambi piucquid meniaid shubun tabadquin abi isec chochoquidtedi Pabadon iuedpondash.

Hechos 9:16

Aden ubi chuibennesho: Mibi natiambo icnuc mëyantequid iquendac, quequin Saudo tantiamendambi, quepanëdash Esus.

Doma 8:36

Nuquin Papan naden chuiquin dada uamepampic: Mibi tantiasho chieshëmënquidon: Cuessunnenu, ubitedi cadedcadedec. Ubitedi nëish iua obeca buanshun cuessunniacbimbuen cuessunnenu, cadedcadedec, quequin chuipampic.

Codinto 1 15:10

Adec ubi icshobi Nuquin Papa bëdambocquid icquin Esus tantiaquid yanmeshun abi bunacpadombuen bëdambuen isquin ubi ambembi nabanmenquio iccoshi. Adenquio icquin Esusën: Ubi chuibenneta, caid utsibon abitedi chuibennenquiocnobi umbimbo cumapenec chonoadquin chuibenniombi. Aden umbi tantiacpaden nainquiocquin Nuquin Papa bëdambocquid icquin nashunac dayacquiocquin chuibenniombi.

Codinto 1 3:5

¿Mitsipadquidibi Apodobëd nepe? Nuquin Papa nashunquid icquin Esuquidistu chuibennequid ubi daëdi nebi. Adquid icquin umbi chuibannac Esuquidistu tantiaquid mibitedi yanondac. Nuquin Icbon: Naden chuibanta, cacpadombuen ubi daëdshun chuibanoc.

Codinto 1 4:1

Esuquidistu nashunquin chuibennequido nec, quequin ubitedi tantiata. Adquid icquin Nuquin Papan ambi matses tantiamenquio icpampidi tantiamequin chuibanquid icmiaido nec, quequintsen ubitedi tantiata.

Codinto 1 4:11

Ubitedi Esuquidistun: Chuibenneta, caido yec pete bunec tabadebi. Adecbidi acte bunequi tabadebi. Adecbidi dashcute abentsëqui icnuc natiec tabadebi. Adecbidi chieshëmënquidon natiamiaido nebi. Quenenash icte shubu nibëdquido nebi.

Codinto 1 4:9

Adec mibitedi tabadnubi naden tantiec tsadebi. Esuquidistun: Ubi chuibenneta, caido icsho matses utsibon bedaido cuessunnenun tsiuec chomiaidbimbuecquid nebi. Adec Nuquin Papan namiaido icsho abi yacno abuc abëd icquidobëtan nidaidën icquido matsestedishun mamënshunaidbimbuecquid ubitedi nec, quequin tantiec tsadebi.

Codinto 2 10:7

Ambi isaiduidi tantiec utsi utsiec onquec: Esuquidistu tantiaquid nebi, quequi aido: Pabado icsambocquid nec, quepec. Adec onquequidobi: Pabadotsen Esuquidistu tantiaquid nec, ma quenu, quequin chiec nebi.

Codinto 2 11:5

Esuquidistun: Ubi chuibenneta, cac Nuquin Papan tantiamiacpaden chuibennec nebi. Aden chuibennenubi utsibo tsiuec choshon chuibansho tantiash: Bëdambuen chuibanquidquio nec. Aden Pabadon chuibanenquio iccosh, quesho tantiash: Icsambuen chuibanombi, quetiapimbo iquebi.

Codinto 2 3:6

Umbi tantiaid chienquio icquin Nuquin Papan abimbo chuiquin ambi bëdambuen ismete chuca chiaid chiec nebi. Nuquin Papa matses bëdambuen ismequid Esuquidistu umbibi chuibennetiapimbo icsho Nuquin Papan Mayan Bëdan tantiamiac Esuquidistu chuibennequidquio nebi. Ambi: Naden nata, quequin chuiquin dada uamiampicpadombuen chuibanta, caidpenquio nebi. Ambi: Naden nata, quequin dada uampidtedi nabanenquio yec Nuquin Papa yacno matses tabadtiapimbo iquec. Padnuen Esus tantiasho aton Mayan meniaido yec Nuquin Papabëd tabadtequido nendac.

Codinto 2 4:11

Adembi Esuquidistu chuibansho chieshënquin uënës uatsiashi, quequin tantiaquimbi abi chuibennec nebi. Esusën ubëd icquin chieshtomenquio icquin dayacquio icmiac chuibansho utsibon adembidi tantiabededec.

Codinto 2 6:9

Ubi isquidombi ambi isacmaidbimbuecnuc isaqui bëdambo iquebi. Ubi uënës uate bunquin mëyanaqui abi capucuennebi. Ubi cuidquin mëyanmequimbi cuessunnenquio iquec.

Cadasia 6:17

Nëbi ubi chieshënquin cuesquido nibëdquio icpashun, caimbi. Aidon umbi Esusën chiacpadombuen nasho natiamequin cacuesanniondashi. Cacuesondaid abi cun dadan bish dadpen iquec.

Epeso 3:1

Pabado nebi. Isadaidpembo icsho mibitedi nashunquin Esuquidistun naid chuibennesho bedshun quënën tsadunac tsadebi.

Epeso 4:1

Nuquin Icbo Esuquidistu chuibennesho bedshun quënën tsadunaid icquin naden mibitedi chuinu. Nuquin Papan tantiamiaido yec bëdambuec tabadquid nec, quequin chiacpadquid mibi neque. Bëdambuec tabadta.

Epeso 6:20

Esuquidistun: Ubi chuibenneta, caid icquin aid chuibennesho mëtaneshun quënën tsadunaid nebi. Adoaid ubi icsho: Mimbi tantiacpaden dacuëdenquio icquin Esusën naid Chiaid Bëda chuibanquid Pabado icme, quequin Nuquin Papa chianneta.

Pidipos 1:13

Nëshunquio quënën tsadunaid cuennushe, quequin ubi isquidon chuiquid tapan sondadobëtan utsibon: Esuquidistun naid chuibansho quënën tsadunaid nec, quequin tantiec.

Pidipos 2:17

Bëdambo mibi iquec, Nuquin Papan mabi canu, queshun Esus tantiaquin bëdambuen nabanta. Utsibo nashunquin chieshtoenquio icquin chuibanta. Aden bëdambo nuadtequid Nuquin Papa shëdmiacbimbuen mimbi chuibanaid chuisho tantiec tsadsho ubi caic: Cuessunnenu, cac bëdambo ictsiabi. Aido bëdambo iquec, quiash mibitedi tantiec ubi cuishonquenubi adecbidi cuishonqueta.

Codosas 1:24

Nëbi mibitedi tantiaquin Esus chuibansho natiamequin mëyanondashi, quec cuishonquec bëdambo iquebi. Ambia chuibansho matsesën Esuquidistu mëyampanëdash. Nëbi Esus tantiaquido mëyantebidi iquendac, quequin Nuquin Papan tantiacpadombuen Esus natiamequin mëyannëdacbimbuen mëyanondashi, quec bëdambo iquebi.

Codosas 1:29

Adquid mibitedi icmenuen badiadquidën badiadquidënquien Esuquidistu nadatiambocquidën namiac uidënquio yec chieshtoenquio icquin chuibennec nebi.

Timoteo 1 4:6

Umbi chuiboedtedi Esus tantiaquido chuibanquin mimbi bëdambuen naindac, mado. Madompi icsho pete pemiacbimbuen min matsesën Nuquin Papan Chiaidquio mibi chuibampanëdash. Aidën chiaid tantiaquidquio yanquin umbi chiacpadombuen mimbi chuibanendac.

Timoteo 2 1:16

Onesipodo caidëmbien ubi bëdambuen ispondash. Abëd icquidobëtan ubi quënën tsadunacsho issumbi dacuëdenquio icquin isuan isuanquin bëdambo icmioshi. Adsho issun: Aton shubun icquidobëta aid bëdambuen ista, Papa, quequin Nuquin Papa chiannembi.

Timoteo 2 1:8

Adquid nebi, queshun dacuëdenquio icquin Nuquin Icbo Esuquidistun naid chuibanta. Adembidi dacuëdenquio icquin: Quënën tsadunaidi Pabado tantiaquiembi, cata. Utsibon chieshënquin natiamiaqui Nuquin Papan namiacpadec chieshtoenquio icquin Chiaid Bëda Esusën naid chuibanta.

Timoteo 2 2:9

Aden Chiaid Bëda Esusën naid chuibennequidquio icsho chieshënquin bedshun cuessunnianquid uidën uacbimbuen shocosh bucu nacnenaidën mëtaniac mëyadebi. ¿Ubi aden uidënuaquin mëtaniacpadenda Nuquin Papan Chiaid uidën uapadic? Padenquio.

Timoteo 2 3:11

Aden chuibennesho issun chieshënondashi. Nëidted shubu dadpen icquid yacnoshon ubi chieshënondaid mimbi tantiec. Antioquia yacnoshon. Adembidi Iconio yacnoshon. Adshobini shubu dadpen icquid utsi Disteda yacnoshonquio cuessunneuidquiopondash. Adshobi Nuquin Icbon nac uënësenquio icpondabi.

Pidemon 1:9

Mibëd tantiananquid icquimbi naden chiembi: Pabado nebi. Tsësiobudobi. Esuquidistu chuibansho quënën tsadunondac tsadec nebi.

Ebedeo 10:34

Adecbidi mibitedi Esuquidistu tantiaquid utsi quënën tsadunaid icsho isash uënësquio icquin aid tantiaquin mimbi nashumpondac. Adecbidi mibi chieshënquidën mitsana bedacsho isash cuishonquepanëdac. Nuquin Papan abi yacnoshon cuna bëdamboshëcquid nibëdantiapimbo icquid bedtequid iquec, quequin tantiec: Bëdambo iquebi, quec mibi cuishonquepanëdac.