Codinto 2 1:6 - El Nuevo Testamento en matsés

⁶ Mibitedi natiamiaid icsho ma Nuquin Papan bëdambo icmequin abi yacno tabadmenu, quequin Esus chuibanquid icsho ubitedi chieshënquin natiamiaid nebi. Nuquin Papan ubitedi bëdambo icmequin adembidi mibitedi natiamesho bëdambo icmendac. Adoac mibitedi chieshënquin natiamiaqui mëmunec chieshtoenquio yec mibitedi tabadendac. Adombuembidi ubitedi natiamiaqui chieshtoenquio yec tabadebi.

Codinto 2 1:6 ပူးပေါင်းရင်းမြစ်များ

Hechos 21:5

Aden chuiboc 6ted ushtanec: Nidnunid, quepondash Pabado. Adec: Nidnu, quesho tantiash Esus tantiaquido dada yec chido yec bacuëbo yec quec Pabadobëd ubitedi acte cuëman chochoash dannëshën tinquebudcuededshun Nuquin Papa chiec onquecuededpondabi.

Doma 8:28

Nuqui naden tantiec. Ambi tantiampicpadombuen abi tantiaquido bëdambo icmete bunquin Nuquin Papan bëdambuen nashunec. Aido ambi tantiampicpadombuen tantiamebenquin: Nuquibi icnuc cho, caquin cuënaido nec.

Codinto 2 1:4

Nuquitedi natiamiaid icsho issun Nuquin Papan uënësquio icquin bëdambo icmendac. Umbi icmiacpadombuembidi utsibo natiamiaid icsho issun umbi bëdambo icmiaidontsen: Ma aido bëdambo icmenu, queshun Nuquin Papan nuquitedi bëdambo icmendac.

Codinto 2 12:15

Adembidi mibitedi tantiec: Ma Esuquidistu tantiaquidombo yampanu, quec chonoadbudec tsësiobudquimbi chuibanendambi. ¿Umbi tantiaidonquiobida mibitedishun ubi tantienquio icpe?

Codinto 2 5:5

Ubipadquid icmequin uënësesa icmendambi, quequin tantiaquin Nuquin Papan aton Mayan meniaido nuqui nec.

Epeso 3:1

Pabado nebi. Isadaidpembo icsho mibitedi nashunquin Esuquidistun naid chuibennesho bedshun quënën tsadunac tsadebi.

Epeso 3:13

Mibi tantiaquin chuibanquid icsho ubi chieshënquin natiamiaid icnuc chieshtoenquio icquin tantiata, mibitedi caimbi. Aden natiamiac ubi mëyadaid umbi chuisho tantiash: Ubi tantiaquin chiec nec, quec mibitedi bëdambo iquendac.

Pidipos 1:19

Mibitedishun ubi tantiaquin Nuquin Papa chuibedednuc mimbi chianniacpadombuen Esuquidistun Mayanën bëdambo icmiac chieshtoenquio iquendabi. Aidën nac quënën tsadenquio yec puduenendabi.

Timoteo 2 2:10

Aden chuibannubi Nuquin Papan ambi tantiamiaidtedi Esuquidistu tantiamendac. Aid tantiaquido uënësacsho cuidenquio icquin abëdi tabadmendac, quequin tantiec quënën tsadunondaid yequi chieshtoenquio iquebi.