Codinto 1 9:24 - El Nuevo Testamento en matsés

²⁴ Mibitedishun naden tantiec. Titincametequid icnuc abitedi titinquecuededec abentsëc abia bëyuc choquid icsho issun bëdamboshëcquid menendac. Adquid icnuc nuquitedi titinquequido yacbimbuen: Esuquidistu tantiaquid Nuquin Papan bëdamboshëcquid ubi menetequid iquec, quiash bëdambuec tabadnuna.

Codinto 1 9:24 ပူးပေါင်းရင်းမြစ်များ

Doma 6:16

Mibitedishun naden tantiec: Icbon chiacpadombuen iuan nabanquid nec. Adquid icnuc ambi tantiacpadombuen icsambuen nabanec tabadec uënësacsho ënenquio icquin cuidacno nësecaindac. Padnuen ambi chiacpadombuen naic tabadsho Nuquin Papan icsaisabimbuenuc bëdambuen isaid mibi iquendac.

Codinto 1 9:13

Nuquin Papa tabadte shubu dapa yacnoshon nashunquidën ashunquio utsibon bëaid peshun aquec. Adembidi ashunquio matses utsibon bëaid bedshun Nuquin Papa ismequin nëish iua cuessunneshun pichicaquidën ambi pichicatequid tëshë bedshun peshun aquec, quequin mibitedishun tantiec.

Codinto 1 9:23

Adec tabadquin umbi Esuquidistu chuibanac aid tantiaquido yanash ubëdi bëdambuec tabadendac, quequin tantiembi.

Codinto 1 9:26

Utsien: Bedembi, quenquio yec titinquec. Adecbidi bednu, quenquio yec utsibëd mëdanten senannu, quequin matses nibëdacnobi ambembi uiccacbimbuen mëdanten seded sededec. Ubien aden tantiaquin nabanesa nec. Ma ubi bëdambuen isquin bëdamboshëcquid menenu, queshun nabanquid nebi.

Cadasia 2:2

Adec Nuquin Papan tantiamiacpadec ambo nidshun Esus tantiaquido iccuededacno puduedshun umbi isadaidpembo Esusën naid Chiaid Bëda chuibennebued chuibanondambi. Adshumbic aidon chuiquid tapabo caidouidtsëqui umbi nabambuedtedimbo chuibanondambi. Aden chiambo icnuc utsibon: Pabadon icsambuen chieque. Tantienda, cac tantiashun Esus tantienquio yannushe, queshun chuibanondambi.

Cadasia 5:7

Mibitedi: Aid bedembi, quiash aiduidtsëqui tantiec titinquiacbimbuen mimbi Esusquio tantiondac. Adquid icsho ¿tsuntsin: Aid tantienda, cac Esus tantienquio yano?

Pidipos 2:16

Adash chieshtoenquio icquin umbi chuibambued tantiaquin: Esuquidistu nidaidën padpidec choaid uëshëmbi mibitedi isec: Bëdambuen naondambi. Adoac Esus tantiec: Aidbëd iquendabi, quecuededendac. Adecbidi capucuennec chonoadquin ambembi chuibenniambo iccondambi, quequin tantiendambi.

Pidipos 3:12

Tantia, cun utsibo, mibitedi chuinu. Nuquin Papan Chiaid niaquesambo nebi ¿quectabi ique? Abitedimbo tantiabenombi, ¿quectabi ique? Padenquio. Aden tantienquio yec abipadquid bëdamboshë icmenuen abided cuidadquid icquin Esuquidistun tantiamiondashi, quequin aid tantiec bëdamboshë icte bunquiebi.

Pidipos 3:14

Abia choquid bëdamboshëcquid menete iquec, quequin chiac aiduidtsëqui tantiec titinquiacbimbuen Esuquidistu tantiaquin aidën chiacpadec bëdambo icte bunebi. Esuquidistu uidtsëqui tantiec uënësacsho Nuquin Papan bëdamboshëcquid menequin abi yacno ubi tabadmec, quiash bëdambo icte bunquiebi.

Codosas 2:18

Nuquin Papabëd icquido tantiaquid utsibon: Ubien bëdamboshëcquid nec, quesa nebi, quequin muaquin chuisho tantienda. Ushquin isacbimbuen isombi, quequin muaquin chuisho adembidi tantienda. Adembidi: Ubien dadpen tantiaquidquio nec, quequin chuisho tantienda. Aidon: Umbi tantiacpaden nainquio yec mibi icsambo iquec, quequin icsambuen chuisho tantienda.

Ebedeo 12:1

Aden Nuquin Papa tantiaquidombo yec uënësampidën dacuenadec tabadquin isacbimbuec nuqui tabadec. Aidon nampid tantiaquin Nuquin Papa tantiate bunquioquin: Cun dashcute iuëmbocquid chictanec cumapenec titinquetannu, quiacbimbuen nuqui icsambuen nabanaid ënnuna. Adembidi dayacquiocquin Nuquin Papan chiacpaden nabanec tabadnuna.

Santiaco 1:12

Adecbidi natiamiantequid icnuc Nuquin Papan Chiaid niaquenquio yec chieshtoenquio icquin abi tantiaquid icsho Nuquin Papan bëdambo icmendac. Adoshombic ambi chiampicpadombuen: Bëdamboshëcquid menequin Umbi chiaid niaquenquio yec mibi ubi tantiaquiec tabadoque. Ubëd ënëdenquio yec tabadtequid mibi icmenu, caindac Nuquin Papan abi tantiaquido chuiquin.

Esusën Uan ismiaid 3:11

Tantia, nëbimbobi choendabi. Mimbi bëdambuen nabocpadombuen chieshtoenquio icquin ubi tantiata. Utsibon chieshënaqui mibi icbocpadquiec chieshtoenquio yec bëdambuec tabadta. Adquid icsho cuidenquio icquin utsibon mënchictiapimbo icnuc mibi bëdamboshëcquid menequin ubëdi tabadmendambi.