Codinto 1 7:12 - El Nuevo Testamento en matsés

¹² Nëbi Nuquin Icbon: Naden chuiban, cainquiocnobi Esus tantiaquid utsi umbi tantiacpadembi mibi chuinu. Dada Esus tantiaquid icnubi aton chido Esus tantiesa yec: Cun bënë niannu, quenquio icquid icsho isash: Cun chido icsambocquid neque. Cuenmenu, quenquio yec aidbëd tabadquid dada nec.

Codinto 1 7:12 ပူးပေါင်းရင်းမြစ်များ

Codinto 1 7:11

Min bënë nianec cuenshun dada utsi bedmenda. Adenquio yec aidbëdbidi bëdambuec onqueshun bedme. Adembidi aton bënë icquin min chido: Mibi bunenquio iquebi, quequin chuiquin dada uashun ismequin cuenmenda.

Codinto 1 7:13

Adecbidi chido Esus tantiaquid icnubi aton bënë Esus tantiesa yec: Cun chido niannu, quenquio icquid icsho isash: Cun bënë icsambocquid neque. Niannu, quenquio yec aidbëd tabadquid chido nendac.

Codinto 1 7:25

Chidobotedi dadan bedabicquidobëta dada chido bedabi icquido tantiaquin naden chuita. Nuquin Icbon: Adquido aden chuita, quequin chiabi iccoshi. Adquid icshobi Nuquin Papan ubi bëdambuen isquin bëdambuen tantiamiaid icquin umbi tantiacpaden chuisho tantiashun: Abimbo chiec nec, quequin tantiata.

Codinto 1 7:27

Chido bedshun inquid yec aid nianec cuenenda. Adecbidi chido nibëdquid icquin: Bednu, quequin nibënenda.

Codinto 1 7:6

Aidotedi nabanquin ënta, quenquio icquin umbibi tantiacpaden chuibanec nebi.

Codinto 2 11:17

Tantia. Chuiuanu. Nuquin Icbon: Chuita, quequin chiambocnobi tantiesa onquiacbimbuen umbi nabanaid chuinu.