Codinto 1 15:12 - El Nuevo Testamento en matsés

¹² Esuquidistu uënësash uincuempanëdash, quequin ubitedishun chuibannubi ¿atotsi quiash: Uënësash uincuentequid nibëdec, quequin tantiec mibi utsi utsiec onquepe?

Codinto 1 15:12 ပူးပေါင်းရင်းမြစ်များ

Hechos 17:32

Adec aidi uënës uacsho Nuquin Papan uincuenmepanëdash, quequin Pabadon chuibansho tantiashun utsin utsinquien mamënshunnubi utsi utsiec: Mimbi chuisho padpiden tantiate bunebi, quepanëdash.

Hechos 23:8

Saduseobombidi: Nuquin Papabëd icquid nibëdec. Podobitsi nibëdec. Uënësash uincuentequid nibëdec, quequin tantianubi padiseobon: Uënësash uincuentequid iquec. Nuquin Papabëd icquid iquec. Podobitsi iquec, quequin tantiec.

Hechos 26:8

Cun matses isadaidbon ¿atotsi queshun: Nuquin Papan uënësaido uincuenmendac, quequin chiaid tantienquio mibitedishun icpe?

Codinto 1 15:11

Ubipadquid Esusën: Ubi chuibenneta, caido yec ubitedi bëdambocquido nebi, quenquio icquin utsibobëtan Esuquidistu chuibennesho tantiashun aid tantiaquido mibitedi yampondac.

Tesadonica 2 2:17

Adquid icsho naden chiannembi: Aido chieshtomenquio icquin Esus tantiamequin bëdambuec tabadquid icme. Adembidi bëdambuec chuinanquid icmequin nashunnanquid icmeta, Papa, quequin Nuquin Papa chiannembi mibitedi tantiaquin.

Timoteo 2 2:18

Aidon Nuquin Papan Chiaidquio chienquio icquin muaquin chiec: Uënësabi icquin Esus tantiaquido yequi uincuenaidquio nuqui nec, quequin muaquin chuisho tantiashun utsin utsinquien Nuquin Icbon Chiaidquio tantienquio yanendac.