Cadasia 6:7 - El Nuevo Testamento en matsés

^7-8 Nuquin Papa tantiaquid nebi, quequin ambembi muaquin chienda. Adec mibitedi muainda. Piacbobimbuec matses iquec. Tantienquio icquidën icbompin uestsaidi siac canienquio yec uënësec. Padnuen tantiaquidën ëshë bëdaidquio siac bëdambuec canitsiash. Tantienquio icquidbimbuec matses icsambo icquid iquec. Ambi icsambuen naid icbompin uestsaidbimbuec iquec. Icsauidequi tabadec uënësash Nuquin Papa yacno nidtiapimbo iquendac. Padnuen Esus tantiaquid Nuquin Papan Mayanën tantiamiacpadombuen naic tabadec uënësacsho Nuquin Papan ënenquiocquin abëdi tabadmendac.

Cadasia 6:7 ပူးပေါင်းရင်းမြစ်များ

Ducas 16:25

Adoaquien Abadauanën: Tantia. Chuinu, mado. Ënden nidaidën tabadquin mitsana dadpen bedbanec mibi tabadnubi Dasado cumapenec bunquiec tsadposh. Adbuedi nëbi aidi ubëd bëdambuec tabadnubi anchumbo yec mëyadec mibi tënquebudec.

Ducas 21:8

Adoaquien Esusën: Tantia. Mibi chuinu. Muaquidoba choendac. Aidon chuisho tantiash: Abimbuen cachitec, quec mua uadenda. Adquido choshon: Nuquin Papan Chomiaidquio Quidistu caid nebi, quequin muaquin chiaqui matses dadpenshun: Ai, abimbo mimbi caic, capendac. Aden chuibanquido icsho tsibanenda. Adembidi utsin: Nuquin Papan matses abitedi cuidte uëshë nëbi nec, quequin chuisho tantienda.

Codinto 1 15:33

Mua uadenda. Matsesën chiaid nad iquec: Icsambuen naic tabadquidobëtan nabanquin bëdambuen nabanaid ënendac, quequin chuipanëdash.

Codinto 1 3:18

Adec aid tabadtequid iquequi mibibi mua uadec tabadenda. Matsesën ambibi cumapenen tantiaquin chuibanaid tantiash: Tantiaquidquio nebi, quenda. Matses dadpen tantienquio icquidbimbuecquid icta. Matsesën tantiacpaden nainquiocquin abimbo tantiaquin nabanquid yec tantiaquidquio mibitedi yanendac.

Codinto 1 6:9

¿Icsambuen naic tabadquido Nuquin Papan namiacno tabadtiapimbo iquec, quequin tantienquioda mimbi icpe? Mua uadenda. Nadquidtedi Nuquin Papa yacno tabadtiapimbo iquendac. Nëidic piucquid bedec chudadquido. Utsibic ambibi nacnenshun papa caquin tantiaquido. Utsibic aton bënëpenquio chudmequido. Utsibic aton chidopenquio chudquido. Utsibic chido daëdi dachudnanquido. Utsibic dada daëdi chichudnanquido.

Codinto 2 9:6

Nuquin Papan Chiaid chuinu. Tantiata. Pete ëshë daëdpactsëc sequidën daëdpactsëc bedquid. Dadpen sequidën dadpen bedquid, quequin chuipampic.

Cadasia 6:3

Utsien: Chuiquidquio nebi. Ubiuidtsëqui bëdambocquid nebi, quec adquidpenquio yequi abibi mua uadquid nendac.

Epeso 5:6

Muaquin ambembi chiec onquiaid tantiesa icta. Adquid ambi chiacpadombuen naisa icsho Nuquin Papan cumapenen cuidendac.

Tesadonica 2 2:3

Aden muaquin chiaid tantiash: Abimbuen cachitec, quequin tantienda. ¿Nuquin Icbobada chopadic? Padenquio. Icsamboshëcquidoba choendac. Nuquin Papa caidën chiaid tantiatiapimbo iquebi, quec matses icsambuec tabadnubien Nuquin Papa chieshënquidquio icsamboshë icquidba choash matses abitedishun chuiquid tapa iquendac. Aid Nuquin Papan cuidtequidquio nendac.

Santiaco 1:22

Nuquin Papan Chiaid tantiashun nabanenquio iquequi: Ambi chiaid bëdambo iquec, quec mibibi mua uadenda. Nuquin Papan Chiaid mimbi tantiabocpadombuen nabanta.

Santiaco 1:26

Nuquin Papan Chiaid tantiaquidquio nebi, quebuedi: ¿Adabi bëdambuec onquepeba? quenquiocquin utsibo icsambuen chiannequid abibi muauadquin icsambuen chuiquid icsho Nuquin Papan bëdambuen istiapimbo iquendac.

Uan 1 1:8

Icsambuen naisambo nebi, quec nuquibi mua uadquid icquin abimbo chuibanquidpenquio nuqui nendac.

Uan 1 3:7

Cun bacuëbobimbuecquido icsho umbi tantiaido mibi neque. Utsibon mibitedi muaquin chienquio icpashun. Naden tantiata. Nuquin Papan: Naden nac bëdambo ictsiash, caid tantiaquin nabanec bëdambocquid iquec Esuspadquid mibi iquendac.

Udas 1:18

Aidon naden chuipondash: Esus chote nëbi yannuc matses abi bunacpadombuen naic icsambuec tabadendac. Adquido icquin Esus chieshënquin abi tantiaquido icsambuen chuishunquin mamënshunendac, quepondash aido.