Cadasia 6:6 - El Nuevo Testamento en matsés

⁶ Esus tantiaquido icsho: Nadec tabadquid, quequin chuibanaido icquin Nuquin Papan Chiaid abi chuibanquid nashunquid nendac.

Cadasia 6:6 ပူးပေါင်းရင်းမြစ်များ

Mateo 10:10

Adembidi pete sandoshon buanenda. Dashcute utsibëta tapucudte utsi sandoshon buanenda. Mibi uidënte cueste buanenda. Adec mëdadauidquio chosho issun mimbi chuibanaidon: Mibi bëdambo iqueque. Ubi yacno ushquin pec cho, mibi cac bëdambo ictsiash. Adembidi: Mitsana nibëdsho issun: Mibi menenu, cac bëdambo ictsiash.

Ducas 1:4

Utsibon mibi Esus chuiquin tantiamenëdaid abimbo chiaid nec, quequin ma mimbi tantianu, queshun mibi chuiquin dada uaimbi.

Doma 15:27

Aden ambi tantiacpaden naid bëdambo iquec, caombi. Edusaden yacnoshon isadaidbomba Esus tantiapanëdash. Adshumbic aidon chuibenniac matses utsibontsen tantiabempanëdash. Aden abi nashunquin chuibanquido caic: Piucquid nibëdec, quiac caoshe. Aido ma menenu. Nashunnuna, quesho tantiashun: Bëdambo iquec, caombi.

Timoteo 2 4:2

Aidën chiacpadombuen naquin Nuquin Papan Chiaidquio chuibanta, mado. Matses tantiate bunenquio icnuc chuibanquimbi utsibo tantiate bunquid icnuc adembi chuibanta. Esus tantiaquidon icsambuen nasho issun: Esus tantiaquido adesambo neque. Bëdambuequien tabadtiad, quequin chieshënenquio icquin chuita, mado. Utsibo bëdambuec tabadsho: Mibi bëdambuec tabadoc. Adquiequi tabadta, quequin chieshtoenquio icquin chuibanta. Bëdiactsëc tantiactsëcquido bëdambuen tantiamequin: Esus tantiaquidon nadoquid, quequin chuibanta, mado.