Cadasia 5:2 - El Nuevo Testamento en matsés

² Pabado nebi. Tantia. Chuinu. Moisesën chiactedi naquid Nuquin Papan bëdambuen istsiash, queshun shui dëbid dëtemenda. Aden naquid icsho Esuquidistun mibitedi bëdambuen istiapimbo iqueque. Aden nainda.

Cadasia 5:2 ပူးပေါင်းရင်းမြစ်များ

Hechos 15:1

Adnubien nidaid Udea caid yacnouësh choquido Esus tantiaquid utsibo Antioquia yacno chochoash tabadquin: Nuquin Papan: Naden nata, quequin Moises chuiquin dada uamiampicpaden shui dëbid dëtemesa Nuquin Papa yacno puduedtemaid nendac, quequin chuibampanëdash.

Hechos 15:24

Umbi: Nidtan, cacmaidobi nëuëshquio nidash mibi yacno puduedshun: Isadaidbon: Naden nata, quequin chiaidtedi natiadquidi mibi nec, quequin mibi icsambuen chiac caosh. Adoac mimbi Esusquio tantienquio ictsenash, quequin tantiombi.

Hechos 15:5

Aden chiac utsi utsiec Esus tantiaquid padiseobo: Nuquin Papan: Naden nata, quequin chiampid tantiaquin isadaidpembotsen shui dëbid dëtemetiadquidi nec. Adashic: Nuquin Papan: Naden nata, quequin Moises dada uamiampidtedi nabanmetiadquidi neuaic, quequin chuipanëdash.

Codinto 1 16:21

Nëbi cun mëdanten: Mibitedi tantiembi, quequin umbimbo nëiduidtsëqui dada uaic nebi.

Codinto 2 10:1

Pabado nebi. Tantia. Mibitedi chuinu. Cumapenec chushquenquio icquin matses bëdambuec tabadmenu, quequin chuibanquid Esuquidistu icpanëdash. Mibi yacno nidshun Esuquidistupadquid icnu, quequin ubi chieshënquidi bëdambuen tabadmenu, quequin chuibanondambi. Adoaqui ubi chieshënquido nadec onquec: Nuquibëd tabadquin dacuëdacbimbuen cumapenen Pabadon chushcainquio iccondash. Utsibo yacno nidash tabadquin dada uaquimbi cumapenen chushcaic, quequin icsambuen chuishunoshi.

Cadasia 5:11

Cun utsibo, umbi aidon chiacpaden: Shui dëbid dëtemiaiduidtsëqui Nuquin Papan bëdambuen istsiashe. Dëtemeta, quequin chuiquin Esus chuibanenquio icsho isadaidbon chieshënenquio ictsenoshi. Abi tantiaquid cuidmenquio icnuec cueste napotiaidën diadec Esuquidistu uënëspanëdash, quequin chuibansho mabi chieshëmpaboc.

Cadasia 5:6

Esuquidistunuidtsëqui shui dëbid dëtemiaidobëtambi dëtemiacmaidontsen abi tantiasho bëdambuen isec. Adoac aid tantiaquido yec utsibobëd tantiananquid nuquitedi nendac.

Tesadonica 1 2:18

Adec: Padpiden istannu, quesho Mayan Icsa Satanasën nac padenquio iccondabi. Padpidec: Nidnu, quesho adembidi. Padpidec: Nidnu, quesho Mayan Icsa Satanasën nacbidi padenquio iccondabi. Nëbi adecbidi mibi istantiadquio iquebi.

Pidemon 1:19

Aidtedi meneuaimbi, quequin abimbo chuiquin umbimbo cun mëdanten dada uaimbique. Isec onquequin tantiaquiota. Umbi nashunquin Esuquidistu chuibanac aid tantiaquid yanash Nuquin Papa yacno puduedtequid Pidemon nec, queshun ubi cuidquin mimbibi ubi mene, quetiadquidi mibi chienquio iquembi.

Pidemon 1:9

Mibëd tantiananquid icquimbi naden chiembi: Pabado nebi. Tsësiobudobi. Esuquidistu chuibansho quënën tsadunondac tsadec nebi.

Ebedeo 4:2

Aden Equipito yacnoshon buanaido chuiquin: Umbi buanacno mibi tabadte iquendac, quequin ambi nuquin tsusedpabo chiampicpadombuen: Ubi yacno puduedash natienquio yec tabadtequid iquendac, quequin nëbi ambi Chiaid Bëda Esusën naid chuibanuasho nuquitedi tantiauaic. Aden ëndenquimbo chuisho tantiash: Nuquin Papan Chiaid abimbo iquec, quequin tantienquio icquido yec aidën chiampicno tabadtiapimbo icpampic.