Cadasia 5:18 - El Nuevo Testamento en matsés

¹⁸ Nuquin Papan Mayanën tantiamiacpadombuen nabanquid yec: Moisesën chiactedimbo naquin umbimbo Nuquin Papa bëdambuen ismembi, quenquio mibitedi iquendac.

Cadasia 5:18 ပူးပေါင်းရင်းမြစ်များ

Uanën dada uaid 16:13

Nuquin Papan Mayan Bëda abimbo tantiamequid choshombien mibi abimbo chuiquin tantiamendac. Ambi tantiacpaden chienquio icquin Nuquin Papan Chiaiduidtsëqui chuiquin: Nadquio iquendac. Nadquid choendac, quequin mibi dadpen tantiamendac.

Doma 7:4

Adecbidi mibitedi Esuquidistubëd abentsëc yacbimbuec tabadquid nec. Adquid yec Esuquidistubëd uënësacbimbuen padpiden Nuquin Papan Moises chuiquin dada uamiampidtedi nainquio iquec. Adec uënësacsho Esus uincuenmiaidbëd daëdash aid tantiec utsibobëd tantiananec tabadquin Nuquin Papa bëdambuen ismec.

Doma 8:12

Cun utsibo, adquid icnuc uidëmpentsëcquio icquid icquin nuqui icsambuen nate bunacpadenuidi naic tabadbuedi nëbi adec tabadenquio icnuna.

Doma 8:14

Aden aton Mayan Bëdan tantiamiacpadec bëdambuec tabadquido icsho Nuquin Papan: Cun mado nec. Cun champi nec, caindac.

Cadasia 5:16

Nuquin Papan Mayanën tantiamiacpadombuen naic bëdambuec tabadta. Adec tabadquin mibi icsate bunaid mimbi nainquio ictsiac.

Cadasia 5:23

Ubiuidtsëqui bëdambocquid nebi, quenquio yec tabadquid. Abi icsate bunaid nainquio icquin mëmunec tabadquid. Adec tabadquin Nuquin Papan Chiampid niaquenquiocquid iquendac.

Cadasia 5:25

Aden Nuquin Papan Mayanën bëdambuen tabadmiaid icquin nëbi aidën tantiamiacpadombuen nabannuna.

Timoteo 1 1:9

¿Bëdambuen naquidouidtsëqui chuiquinda Nuquin Papan Moises dada uamepampic? Padenquio. Naden icsambuen naquido chuiquimbien adopampic. Nëidic aton chuiquidën chiaid niac niacquido. Nëidic Nuquin Papan Chiaid niac niacquido. Nëidic Nuquin Papa tantiesabo. Nëidic Nuquin Papabëta abi tantiaquido mamënshunquido. Nëidic amëbi cuessunnequido. Nëidic anibi cuessunnequido. Nëidic utsibo cuessunnequido.

Timoteo 2 1:7

¿Nuquin Papan aton Mayan nuquibëd icmiacta nuqui natia dacuëdpe? Padenquio. Nadatiambocquin nabanquid nuquibëd icquin nuqui cuesambo icmec. Adembidi Nuquin Papan Mayan Bëdan tantiamiac nuqui utsibobëd tantiananec bëdambuec tabadec. Adembidi nuqui icsambuen nate bunaid namenquio icquin nuqui bëdambuec tabadmec.