Cadasia 5:17 - El Nuevo Testamento en matsés

¹⁷ Mibi icsate bunaid naic Nuquin Papan Mayanën tantiamiacpadec bëdambuec tabadtiapimbo mibi ictsiac. Nuquin Papan Mayanën tantiamiacpadombuen naic tabadquin mibi icsate bunaid mimbi nainquio ictsiac. Adquid icquin mibi bunacpadombuen nabantiapimbo mibitedi iquendac.

Cadasia 5:17 ပူးပေါင်းရင်းမြစ်များ

Mateo 12:30

Ubi cun icbo cainquio icquido ubi chieshënquido nec. Adquid icquin ubi tantiactsëcquido chieshënquin cuëshëdmendac, quequin Esusën chuipondash.

Mateo 16:17

Adsho tantiashun Esusën: Nuquin Papan bëdambuen tantiamiac aden mimbi bëdambuen chioc, Simon. Onasën mado Simon caid yec matses mibi nec. Adquid icquimbi matsesën tantiaid chienquio icquin abucshun Cun Pan tantiamiaidquio icquin mimbi abimbo chioc.

Mateo 16:23

Aden chiac bidiadquin Esusën: Mayan Icsa Satanasën oncamiac Petedo nec, queshun Petedo isquin naden chushcapondash: Cuenta, Satanas. Nuquin Papan tantiacpadpenquiocnoc Ambi Chiaid ubi niacmenu, quequin icsambuen chuiquid iquec. Mayan Icsa Satanasën tantiamiac matsesën tantiacpaden tantiaquid mibi nec, capondash Esusën Petedo chuiquin.

Mateo 26:41

Ushenquio icquin Nuquin Papa chuita. Nuquin Papan Chiaid niacmequid Mayan Icsa Satanasën: Icsambuen namequin tannu, cac: Chieshtoenquio iquebi, quebuedi min dada uidëmpentsëcquio icsho badedquio mibi chieshtomendac, quepanëdash Esus.

Mateo 5:6

Petebëta acte bunquiacbimbuec ambi chiacpadec bëdambuec tabadte bunquid Nuquin Papan bëdambuen nashunquin bëdambo icmendac.

Ducas 22:33

Adoaquien: Mibi caic: Quënën tsadunmenu, casho tantiash mibëdi tsadumëdendabi. Adecbidi mibi caic, Uënës uanu, casho tantiash mibëdi Uënës uadendabi, Icbo, quepanëdash Petedo Esus chiec.

Ducas 22:46

¿Atotsi quiash ushec samëde? Isucunshun: Mayan Icsa Satanasën namete bunacpaden ubi namenda, Papa, quequin Nuquin Papa chui, capanëdash Esusën abëd icquido chuiquin.

Uanën dada uaid 3:6

Chidon tishaiduidtsëqui yec matsesën dadauidtsëqui nendac. Nuquin Papan Mayanën chuca uaquin tantiamiaidien Nuquin Papabëd tabadtequid nendac.

Doma 8:13

Aden chiaqui mibitedi icsambuen nabanec tabadec uënësacsho ënenquio icquin cuidacno nësecaindac. Padnuen Nuquin Papan Mayan Bëdan tantiamiacpadec tabadquin mibitedishun icsambuen naid ënendac. Adash uënësacsho Nuquin Papan abëdi abi yacno tabadmendac.

Cadasia 3:21

¿Min tsiuecquid tantiaquido bëdambuen isendambi, quequin Abadauan chiampid niacquinda Nuquin Papan Moises chuipampic? Padenquio. Ambi: Naden nata, quequin chiampidën ënëdenquio yec tabadtequid icnuc Nuquin Papan chiacpadombuen naic tabadenquio ictsempampic.

Santiaco 3:2

Nuquitedi icsa uatanquido nendac. ¿Tsutsi bëdambuecuidi onquequid icpatsiash? Utsi icsambuen chuishunesa icsambuen naisa ictsiash. Adquid abibi datantiadquin icsambuen chiec onquenquiocquid iquendac.