Cadasia 4:8 - El Nuevo Testamento en matsés

⁸ Ënden mibitedi Nuquin Papa tantiesa icquin utsi mimbi: Papa, quequin tantiapanëdac. Aidën iuabo yec mëtaniacbimbuec mibi icpanëdac.

Cadasia 4:8 ပူးပေါင်းရင်းမြစ်များ

Uanën dada uaid 1:10

Adec Nuquin Papa tantiamianquid choash aidobëd tabadsho ambi uaidombi matsesën aid tantienquio icpondash.

Hechos 14:12

Adtanequi Bednabe otacquio tsadquid icsho issun ambi papa cain tantiaid Seus cain Bednabe cuënquimbi Pabado chuibanec onquequid icsho issun ambi tantiaid utsi Edmes cain Pabado cuëmpanëdash Disteda yacnocquidon.

Hechos 17:23

Capucuennequin mimbi tantianuen nacnenaid aid ismenuen mananquin tabëcaid dadpen isombi. Mimbi papa cain cuënaid dadpen tabëcaid icnubi mimbi cuënacmaid abentsëc iccosh. Aid mimbi cuënacmaid icnuc abibimbuecnuc nacnenaid nibëdosh. Aid ismenuen mananteuidtsëqui iccosh. Anoshon: Nuqui tantiacmaid icnushe, queshun aid manante iquec, quequin mimbi dada uaid dectanaid iccosh. Aden mimbi cuënacmaid mimbi tantiacmaid mibi chuibannuec nebique. Tantiata.

Doma 1:23

Aden nadatiambocquin naquid yec uënëstiapimbo icquid Nuquin Papambo tantiatiapimbo icquimbi uënësquiduidquio tantiaquin matsesbimbuecnuc nacnenshun: Papa, quequin chiannec. Adembidi nëishbimbuecnuc nacnenquinc uicchumbimbuecnuc nacnenquinc tacbidën siuidquid nisibimbuecnuc nacnenquinc caquin ambibi nacnenshun: Ubi nashunta papa, quequin chiannec.

Doma 1:28

Adec abi tantiate bunenquio icsho isash Nuquin Papa: Ma ambi icsambuen nate bunacpadequi icsambuec ma adequi tabadpanu, quiampampic. Adnëdambi ambi natemaidi naic tabadec.

Codinto 1 1:21

Aden tantiesa icquin cumapenen tantiaquidon ambi tantiaiduidi chiaid tantiash: Nuquin Papa cumapenen tantiaquid nec, quetiapimbo matses iquec. Adecbidi: Esusën naidquio chuibanac tantiadenquio icnuc ambembi chiec nec, quepec. Adquidon tantiatiapimbo icnubi ubipadquidon Esuquidistu chuibanac abi tantiaquid yansho Nuquin Papan bëdambuen isaido yec abi yacno puduedtequido nendac.

Codinto 1 12:2

Ënden Esus tantiesabo icquin matsesën ambibi nacnenshun papa caid onquetiapimbo icquidi tantiaquin nabanec mibitedi tabadpondac.

Codinto 1 8:4

Umbi chuibocpadembidi ambi papa canun nacnenaid ismequin nëish iua pichicaquin dasambued pambidtambi pepe, quequin chuiquin mimbi dada uacbued issun chuinu. Ambi papa canun nacnenshun tabëcaid tiboquenquio yec tabadnubi: Nuquin Papa abentsëcquiobi iquec, quequin nuquitedi tantiec.

Cadasia 4:3

Adec iuabimbuec nuquitedi iccondac. Esuquidistu tantiabenabi icsho abi bunacpadombuen podobitsi icsabon namiaid nuquitedi icpondac.

Epeso 4:18

Adquido yec pashuacbimbuecquido nec. Adquid icquin: Nuquin Papabëd tabadte iquec, utsibo quesho tantiesa yec aid tantiate bunenquio iquec tabadec.

Tesadonica 1 1:9

Ambocquidombien ambo nidacsho ubitedi mimbi naid chioshi naden: Ambi papa canun ambi nacnenaidtedi aidon tantienquio yanac caosh. Adshumbic: Matses uaquid Nuquin Papambo uënëstiapimbocquid neque. Aidën chiacpadombuen nanuen aid tantiembi, quequin mimbi naidtedi tantiashun aidon chioshi.

Tesadonica 1 4:5

Nuquin Papa tantiesabimbuec tabadenda. Esus tantiesambien abi bunacpaden nabanec tabadquin dadan chido utsi bunquin aton chidopenquio chudendac. Adembidi chidon dada utsi bunquin aton bënëpenquio chudmendac. Aden nabanec tabadenda.

Tesadonica 2 1:8

Icsambuen naisambo yec matses cuidquidquio nebi, quec choshon Nuquin Papa tantiesabo cuidendac. Nuquin Icbo Esus tantiasho Nuquin Papan mibi bëdambuen istsiash, quequin chuibanac aid tantiesabotsen Esusën cuidendac.

Petedo 1 4:3

Ënden Nuquin Papa tantiesabon nacpaden Nuquin Papan Chiaid niacniaquec mibitedi icsambuen naic iuec tabadpanëdac. Adec icsateuidi bunec mëmuntiapimbo mibitedi icpanëdac. Adquid icquin utsin chido chudquid dada icnubi chido aton bënëpenquio chudmequid icpanëdash. Badiadquidën badiadquidënquien nua peshun tantiadennuen acte paë uaid acquid mibi icpanëdac. Nëid papa canu, quequin matsesbimbuecnuc nacnenshun mimbi tantiapanëdac.

Uan 1 3:1

Tantia. Chuinu. Abi tantiaquido icsho nuqui tantiaquioquin Nuquin Papan: Cun bacuëbo nec, caidombo nuqui nendac. Adoaido icquin: Adquid nebi, quequin nuqui tantiec. Adquid icsho Nuquin Papa tantiesabon nuqui tantienquio iquendac.