Cadasia 4:4 - El Nuevo Testamento en matsés

⁴ Adnubien ambi ëndenquimboshë tantiampicpadembi Nuquin Papan Aton Mado chomepanëdash. Aidi isadaidbo chidon tishaid icquin Nuquin Papan: Naden nata, quequin Moises chuiquin dada uamiampicpadombuen naquidquio nepanëdash.

Cadasia 4:4 ပူးပေါင်းရင်းမြစ်များ

Mateo 1:23

Dadan inacmaidëmbi bacuë usundoshon dada bacuë tishendac. Aidi Emanued cuënendac. Nuquin Papapadquidquiobidi matsesbëd tabadnuec choaid nec, quequin Emanued cuënendac, quequin Esus tishte chuiquin Nuquin Papan dada uamepampic.

Mateo 3:15

En na. Bëdambo iquec. Ubi mentoquin mimbi Nuquin Papan chiacpadombuen bëdambuen natsiaque. Ubi acten mento, quesho tantiashun Esus mentopanëdash Uanën.

Mateo 5:17

Nadentsen Esusën chuipanëdash: Umbi chuibansho tantiashun: Nuquin Papan Chiaidquio chienquio iquec, quequin tantienda. Nuquin Papan Moises dada uamiampidbëta ambi oncamiaidon dada uamiampid chienquio icquin utsi uapec, mimbi ubi capec. Mambi utsi uainquio icpayoc. Nuquin Papan Chiaid utsi uainquio icquin ambi chiactedimbo nanuec chobique.

Madcos 1:15

Nuquin Papan chiampicpadquid ambi namiacno iuedanquid nëmbobi iqueque. Mimbi icsambuen naid ënshun Chiaid Bëda tantiash bëdambuec tabadta, quequin Esusën chuibampanëdash.

Ducas 1:31

Tantia. Chuinu. Bacuë usundoshon mimbi min mado tishendac. Tishshun Esus cuënta.

Ducas 1:35

Adsho tantiashumbien: Nuquin Papan Mayan Bëda budshun mibi usundomiac mimbi bacuë tishendac. Aden Nadatiambocquidën naidënquio usundomiaid icquin mimbi tishendac. Aden tishaid icsho: Nuquin Papa Nadatiambocquidën Madombo yec bëdamboshëcquidquio nec, utsibon cabededendac.

Ducas 2:7

Ambobidi matses dadpen chochoash ushte shubun puduedash tsucus tsucustsëcquio iquec tabadsho issun nëish iua tabadacno puduedshun Madian dada bacuë tishpanëdash. Tishshun dashcute cuësh cuëshshun dapucshun nëish iuan pete sandote nacnenaidën ambi bëyuc tishaid aton mado Madian nampanëdash.

Ducas 20:44

Cun mado cainquio icquimbi cun Icbo capampic Dabidën. Aden chiampid icnuc ¿atotsi queshun mimbi: Dabidën mado nec, quequin tantiape? quepanëdash Esus abi chieshënquido chiec.

Uanën dada uaid 1:14

Aden abimbo chuiquin Nuquin Papa tantiamianquidquio Esus matsespanëdash. Nuquin Papan Mado abentsëcquiobi yec bëdamboshëcquid nepondash. Aidëmbi ubitedibëd tabadquin nadatiambocquin nabanquin matses tantiaquin nashunquid yec bëchamauanquiecsho ispondambi. Aden Esusën Nuquin Papambo tantiamepondashi.

Uanën dada uaid 10:36

Nuquin Papan tantiacpadec abi yacnouësh chondaid nebi. Adquid yec: Nuquin Papan Madombo nebi, ubi quesho tantiashun ¿atotsi quequin mibitedishun ubi chushcai? ¿Nuquin Papadambi icsambuen chuiquin muauadio?

Uanën dada uaid 3:16

Adashic Esus: Matses abitedimbo tantiaquidquio icquin Nuquin Papan aton Mado abentsëqui abided cuidmequin uënës uasho ubi tantiaquid cuidenquiocquin abi yacno ubëd ënëdenquiocnoc tabadmendac.

Uanën dada uaid 6:38

¿Umbi tantiacpadombuen nanuectabi abucuësh chodionda? Padenquio. Ubi chomequid Cun Pan chiacpadombuen nanuec mabi aid yacnouësh chondac.

Uanën dada uaid 8:42

Adsho tantiashumbien Esusën: Nuquin Papambo tantiaquimbien mimbi ubitsen tantiatsiac. Umbi tantiacpadec choenquio iccondabi. Nuquin Papan: Matsesbëd tabadec nid, caquini chondac. Adoaid icsho Cun Pa tantiaquin ubitsen mimbi tantiatsiac.

Hechos 1:7

Adoaquien Esusën: Aden nuquin matses chuiquid icmete uëshë chote tantiesa mibitedi nec. Nuquin Papanuidtsëqui ambi tantiacpadën adquid icmendac, capanëdash.

Doma 1:3

Aden Nuquin Papan chiampicpadequi chidon tishaid yec isadaidbon chuiquid tapa Dabid yampidën tsiuecquid Esus nepanëdash.

Doma 15:8

Esuquidistu choshon cun tsusedpa Nuquin Papan dada uamequin chiampicpadec isadaidbobëd tabadquin aido nashumbampanëdash. Aden nashunquin: Nuquin Papa ambi chiampicpadombuen naquidquio nec, quequin tantiamenuen adopanëdash.

Doma 5:6

Nuquitedi icsaquido yec Nuquin Papa yacno tabadtapimbo icpondac. Adec matses abitedi icsambuec tabadsho Nuquin Papan uesquin cuidtsennubi abi tantiaquido cuidmenquio icnuec abided cuidadec Esus uënëspanëdash.

Doma 8:3

Moises dada uamiampidën chiacpadec matses bëdambuec tabadtiapimbo yec uidëmpentsëcquio icsho issun Nuquin Papan aton Mado matses uidëmpentsëcquiocquid yacbimbuecquid chomepanëdash. Adshumbic Nuquin Papan icsambuen naquido cuidenquio icnuen aton Madoded cuidmequin uënës uamepanëdash.

Doma 9:5

Tsusedpabon tsiuecquido yec Nuquin Papan chiampicpadquiequi isadaidbon chidon tishac Esus matsesac caondash. Aidi Mesias Nuquin Papan Chomiaid abipadquidquiobidi yec abitedishun Icbombo matsesac caondash. Adquid icsho: Mibi bëdamboshë iquec, canuna ënenquio icquin. Amen.

Epeso 1:10

Aden ambi tantiampicpaden Nuquin Papan abuc icquidobëta nidaidën icquido abitedi tsidadmeshun aidon Icbo Chuiquid Tapa abentsëcquiobi Esuquidistu icmendac.

Codosas 2:14

Naden icsambuen naquid cuidtequid nec, quequin chuiquin dada uaid ucacbimbuen Nuquin Papan namiacpadec nuquitedi bëdambuen ismenuec abitedishun icsambuen naid bedshunash abided cuidadec cueste napotiaidën dectanac Esuquidistu uënëspanëdash.

Timoteo 1 2:6

Aidi abi tantiaquid cuidmenquio icnuec abided cuidadec uënëspanëdash. Aden Nuquin Papan ambi tantiacpadënquio Esus chomepanëdash. Matses abitedi cuidenquio icquin bëdambuen iste bunquin Abëd tabadmequid Nuquin Papa nec, matses camenuen Esus uënësmepanëdash.

Timoteo 1 3:16

Ëndenquimbo abi bëdambuen ismequid ambi matses tantiamenquio icpampidi nëbi Nuquin Papan ismiac abi tantiamequid Esuquidistu bëdamboshë iquec. Aidi Nuquin Papan matsesmepanëdash. Nuquin Papan Mayanën: Nuquin Papapadquidquio yec icsaisambo Esus nec, quequin tantiamec. Matsesën uënës uaqui uincuennëdaid yec Nuquin Papabëd icquidonquio isaidquio Esus nec. Abi chuibennequidon nidaid utsi utsiec yacno nidshun chuibenniac matses utsin utsinquien Esus tantiabempanëdash. Aidquiobi Nuquin Papan abuc indoshon abëdi tabadmeuapanëdash.

Ebedeo 2:14

Matses yec namibëd intacchoquid nuquitedi nec. Adecbidi Esus namibëd intacchoquid matses yanash naden nanuec uënëspanëdash. Mayan Icsa Satanas matses uënës uaquid icsho dëniacshun aden namenquio iquembi, quiash Esuquidistu matsesash uënëspanëdash.

Ebedeo 9:10

Adembidi: Nëid petequid nec. Nëid petemaid nec. Nëid actequid nec. Nëid actemaid nec. Nëid nabannush mëpamëdtequid nec. Nëid Nuquin Papa tabadte shubumpin puduednush dapamëdtequid nec, quequin tantiaquin nabampanëdash. Aden nabanquin bëdambuec tabadquid icmetiapimbo icpampic. Aden Nuquin Papan abi ismequin nabantequid utsi uabi icnuc matsesën nate nepanëdash.

Uan 1 4:14

Nuquin Papan Madombo ubitedishun ispondambi. Aden isondashun: Matses abitedi abëd tabadtequid icmenuen Nuquin Papan chomiac Esus chopanëdash, quequin dacuëdenquiocquin chuibanec nebi.

Uan 1 4:2

Nuquin Papan Mayan Bëdan tantiamiaidënquio naden chiendac: Nidaidënshun chidon tishac matsesaid Nuquin Papan Chomiaid Esuquidistu nec, quequin chuibanendac.