Cadasia 4:15 - El Nuevo Testamento en matsés

¹⁵ ¿Atotsi quiash cumapenec cuishonquiondaidi ënëdo? Min ëshë chicshun ubi mene, cac mimbi ubi menetsenondac. Aden mimbi ubi tantiaquiondac.

Cadasia 4:15 ပူးပေါင်းရင်းမြစ်များ

Ducas 8:13

Pete ëshë utsi cuënote dadpen samëdacno paëdaidbimbuecquid nad iquec. Nuquin Papan Chiaid chuibansho tantiash: Tantiabenombi, quiash cuishonquendac. Adbuedi aton tapun nibëdquio yacbimbuec chieshtomiantequid utsi utsiec icnuc bëdambuen tantienquio icquin Nuquin Papa tantienquio yanendac.

Doma 10:2

Esus tantiabi icquin umbi chuidennecpadombuen chiec: Nuquin Papan chiacpadombuenuidi naquin bëdambuen ismembi, quebuedombi aidon bëdambuen ismete tantienquio iquec.

Doma 15:13

Nuquin Papa tantiaquido icsho mibitedi tantiaquin naden chiannembi: Aido bëdambuec tabadmequin cuishoncameta. Adembidi min Mayan Bëda nadatiambocquidën tantiamiacpadombuen cainec tabadmeta, quequin Nuquin Papa chiannembi.

Doma 5:2

Abi tantiaquido icsho nuquitedi cuidmenquio icnuec abided cuidadec Esuquidistu uënëspanëdash, quequin nuquitedi tantiec. Aid tantiashouidtsëqui Nuquin Papan bëdamboshë yacno abëdi nuqui tabadmendac, quec chieshtoenquio yec nuqui cuishonquec.

Doma 9:3

Cun matses isadaidbo tantiec uënësquio yec tsadebi. Nuquin Papan: Min matses abitedi cuidmenquio icnuen mibiuidtsëqui Esuquidistubëd tabadmenquio icquin mëyadtequid yacno nidmequin cuidnu, capatecnëdani. Adoac: Ai, cun matses isadaidbo cuidenquio icnuen ubided cuid, quetsenondabi.

Codinto 2 8:3

Umbi: Meneta, cainquiocnobi ambi tantiactedi aton piucquid naintsentsëcquien menenu, quequin sambededposh.

Cadasia 3:14

Adec matses abitedimbo abi tantiaquido icmenuec uënëspanëdash. Aden ambi Abadauan chiampicpadombuen napampic. Nëbi Esuquidistu tantiasho isadaidpembo ambi chiampicpadombuen bëdambo icmequin aton Mayan menec.

Cadasia 4:14

Nënec ubi chosho isash cacunmianenquio mibitedi iccondac. Ubi Nuquin Papabëd icquidbimbuec chosho isash mibitedi cuishonquiondac. Adecbidi Esuquidistubimbuec chosho isash mibitedi adondac.

Cadasia 4:16

Adondaidi nëbi ¿abimbo chuiquindambi mibitedi ubi chieshënmepe? Padenquio.

Cadasia 4:19

Cun bacuëbobimbuecquido icsho mibitedi tantiac uënësquio iquec. Anin paëmbo icnuc natiaquimbi aton bacuë tishacbimbuen natiaquin mibitedi tantiaquiembi. Esuquidistubimbuec icpashun, quequin tantiembi.

Cadasia 5:22

Padnuen Nuquin Papan Mayanën tantiamiaid nadec tabadquid. Nuquin Papa tantiec utsibobëd tantiananec bëdambuec tabadquid. Esus tantiec cuishonquec tabadquid. Nuquin Papan ubi bëdambuen isec, quec bëdambuec tabadquid. Utsibon chieshënaqui badedquio chieshtoenquio yec tabadquid. Utsibo tantiaquin nashunec tabadquid. Bëdambuen tantiaquin nabanec tabadquid. Chieshtoenquio icquin Nuquin Papa tantiec tabadquid.

Cadasia 6:4

Adenquio yec mibibi datantiadta. Adashic: Nuquin Papan chiacpadec tabadquid nebi, quiash adecbidi bëdambo icta. Utsibo icsambo icnubi ubiuidtsëqui bëdambocquid nebi, quenda.

Codosas 4:13

Aidëmbi mibitedi tantiabudquiosho isembi. Adembidi Daudisea yacnocquidobëta Iedapodis yacnocquido tantiaquiec.

Tesadonica 1 2:8

Mibitedi tantiaquioquin Nuquin Papan Chiaid Bëda chuibanec iuec mibëd tabadondabi. Aden umbi chuibanaido icsho utsibon mibi chieshënquin: Cuessunnenu: casho tantiash: Ubiquien na, quetsenondabi.

Tesadonica 1 5:13

Aido Nuquin Papan Chiaid bëdambuen tantiamequidombo nec, quequin tantiaquioquin bëdambuen ista. Adec chieshëmënenquio yec utsibobëdtsen bëdambuec tabadta.