Cadasia 3:5 - El Nuevo Testamento en matsés

⁵ Nuquin Papan aton Mayan meniaid icquin nadatiambocquin naquin mibitedi ismiondash. ¿Atotsi queshun Nuquin Papan aden namiondash? ¿Moisesën chiampicpadombuenuidi nashoda Nuquin Papan aton Mayan mibitedi meniondash? Padenquio. Umbi chuibanac: Abimbo caic, queshun Esusquio tantiabensho issumbien Nuquin Papan aton Mayan mibitedi meniondash.

Cadasia 3:5 ပူးပေါင်းရင်းမြစ်များ

Hechos 14:3

Aido nëishmiambi Iconio yacno iuec tabadquin Pabadobëtan Bednaben: Nuquin Icbon nuqui bëdambuen nametsiash, quiash dacuëdenquio icquin Esus bëdambuen tantiamequin: Nuquin Papan matses tantiaquiec, quequin chuibampanëdash. Aden chuibansho issun Nuquin Papan nadatiambocquin nabanquido Pabadobëta Bednabe icmepanëdash.

Doma 10:17

Aden Esuquidistun naid chuibansho tantiashun: Abimbo caic, quequin Esuquidistu tantiabenec.

Doma 15:19

Nuquin Papan Mayan Bëdan tantiamiacpadombuen nadatiambocquin nabanquin ismiondambi. Adosho issun dadpenshun Esus tantiabenshun Nuquin Papan chiacpadombuen natiadquio yanondash. Shubu dadpen icquid Edusaden yacnouësh nidquin shubu dadpen icquid yacno yacnombuen chuibennequin nidaid cuëshë utsi Ididia caid yacno cuëscaquin Esuquidistun naid Chiaid Bëda chuibanondambi.

Codinto 1 12:10

Adembidi Nuquin Papan Mayanën namiac nadatiambocquin nabanquido utsi utsiec iquendac. Utsibobic Nuquin Papan iuecshun natequid chuimequin oncamiaido iquendac. Utsibobic: Nuquin Papan Mayanën namiaid nec, quequin tantiaquido yec: Mayan Icsa Satanasën iuan namiaid nec, quequin tantiaquid utsi utsiec iquendac. Utsibic abi onquiacmaid onquete utsin onquequido utsi utsiec iquendac. Utsibic abi onquiacmaid onquete utsin onquequin chuibansho tantienquiocsho issun aid onquete tantiaquidën: Ma utsibon tantiaquiono, queshun cuembo chuibanquid utsi utsiec iquendac.

Codinto 2 10:4

Mibi yacno nidshun matsesën tantiacpadempenquio Nuquin Papa nadatiambocquidën tantiamiacpaden umbi Ambi Chiaid chuibannubi Mayan Icsa Satanasën icsambuen tantiamiac ubi chieshënec icsambuec onquequidon icsambuen chuibanaid Nuquin Papan ënmendac.

Codinto 2 12:12

Natiamiaqui chieshtoenquio icquin Esuquidistu umbi chuibansho mibitedishun tantiapondac. Adembidi Nuquin Papan namiac nadatiambocquin umbi nabansho mibitedishun isbededpondac. Adosho issun Esuquidistun: Ubi chuibenneta, caidquio Pabado nec, quequin chuitiadquidëmbi padenquio mimbi icpondac.

Codinto 2 13:3

Esuquidistun tantiamiacpaden Pabadon chuibanquin dada uaid nec, quequin ¿Mitsipadentsimbi abimbo tantiape? quequid icsho chuibanembique. Tantiaquiota. ¿Esuquidistun natiapimbocquidta icpadic? Aidëmbi nadatiambocquin mibitedi tantiamec.

Codinto 2 3:8

Nëbien Nuquin Papa bëdambuen ismete chuca tantiamequid aton Mayan abipadquid meniaid ënëdenquioctequid yec bëdamboshë iquec.

Codinto 2 9:10

Nuquin Papan namiac tiedën caniquid ëshë abentsëc siaid dadpen yanec. Matsesën petequid adquiecbidi dadpen yanuaic. Adecbidi utsi menequid mibi icsho issun Nuquin Papan mibi dadpen icmeshunec: Ma utsibo tantiaquin dadpen menebannu, queshun. Aden mimbi menebanac aidontsen ambi bedaid musucshun utsibotsen tantiaquin meneuaindac.

Cadasia 3:2

Mimbi tantiaid ubi chui. Tantianu: ¿Atotsi quiash Nuquin Papan Mayan Bëda mibëdi tabadanondash? ¿Nuquin Papan: Naden nata, quequin ambi Moises chuiquin dada uamiampidtedi mimbi nabansho isashta mibëd tabadanondash? ¿Umbi chuibanac: Abimbo caic, queshoda mibëd aton Mayan tabadanmiondash? Ai, umbi chuibanac Esusquio tantiabensho issun Nuquin Papan aton Mayan meniac mibëd tabadanondash.

Pidipos 1:19

Mibitedishun ubi tantiaquin Nuquin Papa chuibedednuc mimbi chianniacpadombuen Esuquidistun Mayanën bëdambo icmiac chieshtoenquio iquendabi. Aidën nac quënën tsadenquio yec puduenendabi.