Cadasia 3:29 - El Nuevo Testamento en matsés

²⁹ Adembidi Esus tantiasho ambi Abadauan bëdambuen isampicpadombuen Esuquidistu tantiasho Nuquin Papan nuqui bëdambuen isquin bëdambo icmec ambi Abadauan chiampicpadombuen. Adec Abadauanën tsiuecquido nuqui nec.

Cadasia 3:29 ပူးပေါင်းရင်းမြစ်များ

Mateo 3:9

Ubipadquid Abadauanën tsiuecquidouidtsëqui icsho Nuquin Papan ubi bëdambuen isec, quequin tantienda. Abadauanën nampicpaden abi tantiaquidien Nuquin Papan bëdambuen isec. Mimbi bëdambuen tantiatiapimbo icsho issun nëid cuënotebi matses uashun Nuquin Papan Abadauampadquid icmetsiashe. Nuquin Papambo tantiata, quepanëdash Uan.

Doma 8:17

Cun mado nec. Cun champi nec, queshun nëbi Nuquin Papan ambi chiampicpadombuen bëdambuen isquin uënësacsho abëdi tabadmequin nuqui bëdamboshë icmendac. Adoaid yec Esuquidistubëd nuqui tabadendac. Esuquidistu mëyanquin natiamequin mëyadmequiopanëdash. Adembidi chieshënquin natiamequin nuqui mëyadmendac. Adoaid yec iuecpactsëc yash Esuquidistubëd bëdamboshë yacno tabadsho: Mibi bëdambo iquec, quequin Nuquin Papan chiendac.

Codinto 1 15:23

Ambi tantiacpadombuen Nuquin Papan Esuquidistuba uincuenmepanëdash. Adoshombic Esuquidistu padpidec chonoc abi tantiaquido uënësaido uincuenmendac.

Codinto 2 10:7

Ambi isaiduidi tantiec utsi utsiec onquec: Esuquidistu tantiaquid nebi, quequi aido: Pabado icsambocquid nec, quepec. Adec onquequidobi: Pabadotsen Esuquidistu tantiaquid nec, ma quenu, quequin chiec nebi.

Cadasia 3:16

Nuquin Papan: Nadombuen naindambi, quequin Abadauan chuishumbic: Mibi nibëdanan iuecquimbo ictanneshun min tsiuecquid abentsëcshun matses bëdambo icmendac, quepampic. Min tsiuecquido, quenquio yec: Min tsiuecquid abentsëc, quequin Esuquidistu chiec nepampic.

Cadasia 3:18

Nuquin Papan ambi: Naden nata, quequin Moises dada uamiampiduidi nasho issun matses bëdambuen isendambi, quequin tantiaquin Abadauan muaquin chuitsempampic. Iuecshun min tsiuecquidën matses bëdambo icmendac, quepampic. Aden ambi ëndenquimboshë chiampicpadombuen: Ubi piucquid mene, quenquio icquin matsesën Esus tantiasho Nuquin Papan matses bëdambuen isec.

Cadasia 3:28

Isadaidbo yec isadaidpembo yec matses iuaido yec matses iuapenquio yec dada yec chido yec quequin Esus tantiaquid icsho bëdambuen isec. Nëbi mibëtan Esuquidistu tantiaquid utsibobëd abentsëc yacbimbuecquido nec.

Cadasia 3:7

Adquid icnuc Nuquin Papa tantiaquidotedi Abadauanën tsiuecquido nec, quequin mibitedishun tantiata.

Cadasia 4:1

Tantia. Padpiden chuinu. Atona dadpen dayun uaquidën nadoquid. Ubi uënësan cun madon cuna abitedi bedendac. Bacuë icquimbi cun madon cuna bedtiapimbo iquec. Canishumbien cuna abitedi bedendac, quequin aton papan chuiquid. Adashic aton papa uënësan caniabi yec utsibon iuabimbuec aton mado iquec.

Cadasia 4:7

Esus tantiabi yec iuabimbuec icbuedi nëbi Esus tantiasho Nuquin Papan: Cun bacuëbo nec, nuquitedi capec. Aden ambi tantiampicpadombuen Nuquin Papan abi yacno tabadmequin ambi: Cun bacuëbo nec, caidotedi bëdamboshëcquid aton natedi menendac.

Cadasia 5:24

Esuquidistun iuabo icquin nuqui icsambuen naidbëta nuqui icsate bunaidtedi bedshun cueste napotiaidën dectanquin cuessunniacbimbuen nuquitedi ënondac.

Cadasia 6:16

Umbi aden chuisho tantiash: Abimbo mimbi caic, quiash bëdambuec tabadsho Nuquin Papan: Cun matsesquio nec, caindac. Aido Nuquin Papan bëdambuen isquin cuidenquio iquendac. Isadaidbobëta isadaidpembo adotsiash.

Epeso 3:6

Ambi matses tantiamenquio icpampid nad iquec: Esusën naid ambi Chiaid Bëda chuibansho Nuquin Papan matses utsi utsien Esus tantiaquido icmec. Adoac aidobëd isadaidbo dada abentsëc yacbimbuec tabadsho issun ambi chiampicpadombuen bëdambuen isquin uënësacsho abëdi tabadmendac.

Tito 3:7

Adec aton Mayan Bëda nuquibëd icsho issun: Cuidenquio icquin bëdambuen isquin bëdambocquid icmeshun aidtedi ubëdi tabadmendambi, quequin Nuquin Papan tantiec, quequin ënëdenquio yec abëd tabadte nuqui cainec.

Ebedeo 1:14

Padnuen abëd icquido Nuquin Papa nashunquido nec. Adembidi Nuquin Papan: Esus tantiaquido ubëd tabadtequido neque. Nashuntan, quequin chometequido nec.

Ebedeo 11:7

Adembidi abi tantiaquidquio icsho Nuquin Papan Noe naden chuipampic: Mimbi isacmaidquio naimbique. Cano dapa nacnenta, capampic. Adoac: Adquid isambo iquembi. Nibëdtsiash, quenquio icquin: Nuquin Papan chiacpadombuen aton shubun icquido: Acte nëuebudnushe, queshun buannuen cano dapa nacnempampic. Adembidi Abi tantiaquin: Cun matses Ambi Chiaid tantiesa icsho Nuquin Papan: Cuidac uënëstequid iquec, quequin Noen tantiapampic. Aden tantiaquidquio icsho Nuquin Papan bëdambuen isquin nashunaidquio Noe icpampic.

Ebedeo 6:17

Adembidi Nuquin Papa ambi chiacpadombuen naquidquio nec, quequin ma tantianu, queshun Nuquin Papan: Muatiapimbocquid icquin utsi uainquio icquin nashunendambi, quequin Abadauambëta aton tsiuecquido chuipampic.

Santiaco 2:5

Tantia, cun utsibo. Umbi tantiaido icsho mibitedi chuinu. Atona nibëdquido icsho Nuquin Papan abi tantiaquido icmequin ambi namiaidquio icmiac. Nuquin Papa bëdambocquid icquin ma ubi nashunnu, quequin ma tantianu. Adoac aid tantiaquido yec: Nuquin Papan ambi chiampicpadombuen bëdambuen isquin uënësacsho abi yacno abëdi tabadmequin abi tantiaquido icsho ubi bëdamboshë icmendac, ma quenu, quequin ambi namiaidquio nendac.

Esusën Uan ismiaid 21:7

Mayan Icsa Satanasën: Icsambuen namenu, caqui chieshtoenquio icquin ubi tantiaquido icsho Aton Icbo icquin: Cun mado nec. Cun champi nec, queshun bëdamboshë yacno ënëdenquio yec ubëdi tabadmendambi.