Cadasia 3:28 - El Nuevo Testamento en matsés

²⁸ Isadaidbo yec isadaidpembo yec matses iuaido yec matses iuapenquio yec dada yec chido yec quequin Esus tantiaquid icsho bëdambuen isec. Nëbi mibëtan Esuquidistu tantiaquid utsibobëd abentsëc yacbimbuecquido nec.

Cadasia 3:28 ပူးပေါင်းရင်းမြစ်များ

Uanën dada uaid 10:16

¿Nëid matses isadaidbouidtsëqui tantiectabi adec uënëspadi? Padenquio. Matses utsibontsen adembidi ubi tantiendac. Aidobëta nëid matses cun matses caquin nëish yua obecabimbuecnuc abitedi bëdambuen dayunuaic aidon icbouidtsëqui iquendabi.

Uanën dada uaid 11:52

Aden Caipasën chuinëdaid tantiaquin umbitsen chuinu. Tantia. ¿Isadaidbouidtsëqui cuidmenquio icnuecta Esus abided cuidadec uënëstiondash? Padenquio. Matses utsibontsen abi tantiaquido yansho Nuquin Papan: Cun mado nec. Cun champi nec, caido icsho abëdi tabadmenuec Esus abided cuidadec uënëspondash, quequin tantiembi.

Uanën dada uaid 17:11

Ubi mibi yacno nidan nidaidën ubëd icquido abi tabadsho dayun uata, Papa. Ubi chieshënquidon aido chieshtomenushe. Aido dayun uata. Nadatiambocquin nabanquin aido bëdambuec tabadmeta. Nuqui tantiananquiacpadquiec abentsëc yacbimbuec tabadacpadec ma ubëd icquido tantiananquiec abentsëc yacbimbuec ma tabadnu. Aido bëdambuen dayun uata, Papa.

Doma 1:16

Esusën naid Chiaid Bëda nadatiambocquin Nuquin Papan tantiametequid nec, quequin chuibanac: Abimbo caic, quequin tantiaquido Nuquin Papa yacno tabadendac. Adquid icnuc Esusën naid dacuëdenquio icquin chuibennec nebi. Aden abia chuibanac: Abimbo caic, quequin tantiaquido isadaidbo icnuc adembidi tantiaquido matses utsibo icsho Nuquin Papan abëd tabadmendac.

Doma 3:22

Aden ambi chuiquin dada uamiampicpadombuen nëbi abi tantiamequid Esuquidistu uidtsëqui tantiasho Nuquin Papan matses bëdambuen isec icsambuen naisabimbuecnuc. Isadaidbobëtambi matses utsibontsen Esus tantiasho adoendac.

Doma 8:1

Nëbi Esuquidistubëd abentsëc yacbimbuec tabadquid icsho Nuquin Papan nuqui cuidenquio iquendac.

Doma 9:24

Aden ambi tantiacpadombuen Esus tantiasho Nuquin Papan nuqui bëdambuen isec. Isadaidbon Esus tantiasho bëdambuen isquinc isadaidpembon abi tantiasho bëdambuen isquinc caindac.

Codinto 1 7:14

Aton bënë Esus tantiesa icnubi aton chido Esus tantiaquid icsho issun Nuquin Papan bënë tantiamequin bëdambuen isec. Adecbidi aton chido Esus tantiesa icnubi aton bënë Esus tantiaquid icsho issun Nuquin Papan tantiamequin chido bëdambuen isec. Mibitedi adquidpenquio icnuc min bacuëbotedi icsambocquido ictsiash. Adquid icbuedi Nuquin Papa tantiaquido icnuc min bacuëbo Nuquin Papan bëdambuen isaido nendac.

Codinto 1 7:19

Nëid shui dëbid dëtemequido nec. Nëid shui dëbid dëtemesabo nec, quenquio Nuquin Papa iquec. Adquid nec, quenquio icquin: Ma umbi chiacpadombuen naic tabadpanu, quequin Nuquin Papan tantiec.

Cadasia 3:14

Adec matses abitedimbo abi tantiaquido icmenuec uënëspanëdash. Aden ambi Abadauan chiampicpadombuen napampic. Nëbi Esuquidistu tantiasho isadaidpembo ambi chiampicpadombuen bëdambo icmequin aton Mayan menec.

Cadasia 3:26

Aden Esuquidistu tantiaquido yec mibitedi Nuquin Papan bacuëbo nec.

Cadasia 4:14

Nënec ubi chosho isash cacunmianenquio mibitedi iccondac. Ubi Nuquin Papabëd icquidbimbuec chosho isash mibitedi cuishonquiondac. Adecbidi Esuquidistubimbuec chosho isash mibitedi adondac.

Cadasia 5:24

Esuquidistun iuabo icquin nuqui icsambuen naidbëta nuqui icsate bunaidtedi bedshun cueste napotiaidën dectanquin cuessunniacbimbuen nuquitedi ënondac.

Cadasia 5:6

Esuquidistunuidtsëqui shui dëbid dëtemiaidobëtambi dëtemiacmaidontsen abi tantiasho bëdambuen isec. Adoac aid tantiaquido yec utsibobëd tantiananquid nuquitedi nendac.

Epeso 1:1

Pabado nebi. Nuquin Papa bunacpadombuen Esuquidistun: Ubi chuibenneta, caidquio nebi. Adquid icquin Nuquin Papa tantiaquido icsho: Mibitedi tantiembi, quequin chuiquin dada uaic nebi. Epeso yacnocquido Esus tantiaquido yec mibitedi Esuquidistubëd abentsëc yacbimbuec tabadquido nec.

Epeso 4:4

Esuquidistu tantiaquidtedi abentsëc yacbimbuecquid nec. Abentsëcquiobi aton Mayan iquec. Adquiecbidi Nuquin Papan tantiamiaido icquin ambi matses abi yacno tabadmete nuqui cainaid abentsëcquiobi iquec.

Pidipos 1:1

Esuquidistun iuambo Pabado nebi. Aidën iuabidi Timoteo ubëd iquec. Aidbëtan shubu dadpen icquid Pidipos yacnoshon Esus tantiaquido icsho mibitedi tantiembi, quequin dada uaimbi. Nuquin Papa tantiaquido yec Esuquidistubëd daëdash abentsëc yacbimbuecquido mibitedi nec. Adembidi chuiquid tapabobëta mibi nashunquido tantiembi.

Codosas 1:4

Ambo istanquidon: Esuquidistu tantiaquido yanash Esuquidistu tantiaquido utsibo mimbi: Cun matses nec, caidobëd tantiananquiec tabadosh, quequin chuisho tantiashun: Adequi bëdambuec tantiananmeta Papa, quequin Nuquin Papa chiannembi.

Codosas 3:11

Adquid icmiac Esuquidistu tantiaquid utsibotedi Nuquin Papan bëdambuen tantiaquiec. Nëid isadaidbo nec. Nëid isadaidpembo nec. Nëid shui dëbid dëtemequid nec. Nëid shui dëbid dëtemesa nec. Nëid matses utsin dada uaid isec onquequin dadpen tantiaquido nec. Nëid matses utsin dada uaid isec onquequin daëdpactsëc tantiaquido nec. Nëid iua nec. Nëid iuapenquio nec, quenquio icquin aidtedishun Esuquidistu tantiasho Nuquin Papan bëdambuen isendac. Adecbidi abitedishun Icbombo abentsëcquiobi Esuquidistu nec. Aidi abi tantiaquidotedibëd icquidquio nec.

Timoteo 1 1:12

Tantia, mado. Mibi chuinu. Nuquin Icbo Esuquidistun: Ubi bëdambuen chuibantsiash, queshun: Ubi chuibennequid icta, Pabado, cashun ubi bëdambuen namec. Adoaid icquin: Ubi namequid yec mibi bëdamboshë iquec, Icbo, quequin Nuquin Icbo Esus chiannembi.

Timoteo 2 1:1

Pabado nebi. Nuquin Papan tantiacpadombuen Esuquidistun: Ubi chuibenneta, caidquio nebi. Ambi chiampicpadombuen aton Mado Esuquidistu tantiaquid uënësacsho Nuquin Papan abëdi tabadmendac, quequin Esus chuibennequidquio nebi.