Cadasia 3:20 - El Nuevo Testamento en matsés

²⁰ Aden chuinuen Nuquin Papanquio: Abadauan chuitan, quequin utsi nidmenquio icquin Nuquin Papanquiobi Abadauan bëisquin chuipampic. Adquid yec Nuquin Papa abentsëcquiobi iquec.

Cadasia 3:20 ပူးပေါင်းရင်းမြစ်များ

Hechos 12:20

Adec nidash ambo tabadnubi Sesadea caid anoentsëc shubu dadpen icquid Tido caid yacnocquidobëta shubu dadpen icquid utsi Sidon caid yacnocquido Edodesën nëishëmpanëdash. Adash chushcananquido icbuedi padenquio yanec tabadpanëdash. Adec tabadquin: Sesadea yacno Edodes choash tabadosh, quesho tantiash Edodes nashunquid Bedasto cuëmëdquidbëd onquenuec chochopanëdash. Ambo chochoshon: Umbi pete nibëdsho issun Edodesën namiaidon menioshi. Nëbi aid chushcainquio iquembi, quequin chochoquidon chuituidpanëdash. Aden chiac adombuembidi Bedaston Edodes chuiuapanëdash.

Cadasia 3:17

Aid chuinu. Tantia. Ëndenquimboshë Nuquin Papan Abadauan chuiquin: Min tsiuecquidën matses bëdambo icmendac, quequin Esuquidistu caquin abimbo chuipampic. Adshumbic iuecquio icshun seta dadpenquio 430ted matanmeshun utsitsen chuiquin Nuquin Papan Moises dada uamepampic. Aden Moisesën dada uampid icsho utsi uatiapimbo iquec. Adembidi: Iuecshun min tsiuecquid bëdambo icmequid icmendambi, quequin Nuquin Papan Abadauamba chiampid utsi uatiapimbo iquec.

Timoteo 1 2:5

Aden Nuquin Papan Chiaidquio tantiashun nuqui naden tantiec. Nuquin Papa matses uaquid abentsëcquiobi iquec. Matsessun Nuquin Papa matses bëdambuen ismequid aton Mado Esuquidistu abentsëcquiobi iquec.

Ebedeo 12:24

Adecbidi Esus yacno choacbimbuecquido mibitedi nec. Aidi Nuquin Papan Ambi Chiaid chuca namiaid icquin Nuquin Papa matses bëdambuen ismequid nec. Esus abided cuidadec uënësaid intaquën matsesën icsambuen naid ucacbimbuen bëshunmequin Nuquin Papa nuquitedi bëdambuen ismec. Padnuen Abed intac chiquidiquec uënësaidën Nuquin Papa matses bëdambuen ismetiapimbo icpampic. Esus abided cuidadec uënësaidëmbien Nuquin Papa matses bëdambuen ismendac.

Ebedeo 8:6

Padnuen nuqui Nuquin Papa bëdambuen ismequid tapa icquin Esuquidistun bëdambuenshë naic. Utsibic Nuquin Papa matses bëdambuen ismenuen nëish iua cuessunneshun pichicaquidon chuiquid tapa yec matses icquin bëdiactsëc bëdambuen naic. Nuquin Papan: Aden matsesën tantiasho bëdambuen isendambi, quequin chiaid chuca bëdamboshë icsho aid tantiamequid Esus nec.

Ebedeo 9:15

Adquid yec Nuquin Papan Chiaid chuca chuiquin tantiamequidquio Esuquidistu nec. Ënden Nuquin Papan: Naden nata, quequin chiaid niacquin matsesën icsambuen nampidbëtabi nëbi matsesën icsambuen naidtedi bedshunash abided cuidadec uënëspanëdash: Ma ubi tantiaquido Cun Pa uënëstiapimbocquid nashunec tabadnu, quiash.