Cadasia 3:18 - El Nuevo Testamento en matsés

¹⁸ Nuquin Papan ambi: Naden nata, quequin Moises dada uamiampiduidi nasho issun matses bëdambuen isendambi, quequin tantiaquin Abadauan muaquin chuitsempampic. Iuecshun min tsiuecquidën matses bëdambo icmendac, quepampic. Aden ambi ëndenquimboshë chiampicpadombuen: Ubi piucquid mene, quenquio icquin matsesën Esus tantiasho Nuquin Papan matses bëdambuen isec.

Cadasia 3:18 ပူးပေါင်းရင်းမြစ်များ

Doma 8:17

Cun mado nec. Cun champi nec, queshun nëbi Nuquin Papan ambi chiampicpadombuen bëdambuen isquin uënësacsho abëdi tabadmequin nuqui bëdamboshë icmendac. Adoaid yec Esuquidistubëd nuqui tabadendac. Esuquidistu mëyanquin natiamequin mëyadmequiopanëdash. Adembidi chieshënquin natiamequin nuqui mëyadmendac. Adoaid yec iuecpactsëc yash Esuquidistubëd bëdamboshë yacno tabadsho: Mibi bëdambo iquec, quequin Nuquin Papan chiendac.

Cadasia 2:21

Nuquin Papan: Matses bëdambuen isendambi, quequin Chiaid niactiapimbo iquebi. Moisesën dada uaquin chiampid tantiaquin aidën chiacpadombuenuidi naic Nuquin Papabëd tabadtequid icnuc Esuquidistu abembi uënëstsempanëdash.

Cadasia 3:10

Utsiboen: Moisesën chiampicpadombuenuidi nasho Nuquin Papan bëdambuen istsiashi, quequidëmbi abitedimbo nainquio icsho Nuquin Papan cuidtequido nendac. Naden Nuquin Papan Chiampid iquec: Umbi: Naden nata, quequin Moises chuiquin dada uamiampidtedi nainquio icsho cuidendambi, quepampic Nuquin Papa.

Cadasia 3:12

Moises chuiquin dada uamiampiduidi tantiaquid icquin Nuquin Papa tantienquio iquec. Naden chuiquin Nuquin Papan dada uamiampid iquec: Moisesën chiampiduidi tantiaquin naquid aidën chiacpadec tabadendac, quequin chuipampic.

Cadasia 3:16

Nuquin Papan: Nadombuen naindambi, quequin Abadauan chuishumbic: Mibi nibëdanan iuecquimbo ictanneshun min tsiuecquid abentsëcshun matses bëdambo icmendac, quepampic. Min tsiuecquido, quenquio yec: Min tsiuecquid abentsëc, quequin Esuquidistu chiec nepampic.

Cadasia 3:26

Aden Esuquidistu tantiaquido yec mibitedi Nuquin Papan bacuëbo nec.

Cadasia 3:29

Adembidi Esus tantiasho ambi Abadauan bëdambuen isampicpadombuen Esuquidistu tantiasho Nuquin Papan nuqui bëdambuen isquin bëdambo icmec ambi Abadauan chiampicpadombuen. Adec Abadauanën tsiuecquido nuqui nec.