Cadasia 3:16 - El Nuevo Testamento en matsés

¹⁶ Nuquin Papan: Nadombuen naindambi, quequin Abadauan chuishumbic: Mibi nibëdanan iuecquimbo ictanneshun min tsiuecquid abentsëcshun matses bëdambo icmendac, quepampic. Min tsiuecquido, quenquio yec: Min tsiuecquid abentsëc, quequin Esuquidistu chiec nepampic.

Cadasia 3:16 ပူးပေါင်းရင်းမြစ်များ

Mateo 1:1

Esuquidistu chuiquin dada uanu. Aidën tsusedpa Abadauan nepampic. Aidën tsusedpabidi Abadauanën tsiuecquid Dabid nepampic. Abadauanën tsiuecquidobëta Dabidën tsiuecquido chuiquin Esusën tsusedpabotedi chuinu. Tantia.

Ducas 1:55

Aden tantiaquin Nuquin Papan ambi nuquin tsusedpa Abadauambëta aton tsiuecquidtedi chiacpadombuen bëdambuen isquin nuqui tantiendac, quequin tantiec Madia cuëdëmpanëdash.

Hechos 3:25

Nuquin Papan oncamiaidon tsiuecquido yec aidën madobimbuecquido mibitedi nec. Tsusedpa Abadauanën tsiuecquidobidi mibitedi neuaic. Aidon tsiuecquido nidaid abitedi yacnocquido icsho Nuquin Papan Abadauan chiampicpaden bëdambuen isaido mibitedi nec. Naden Abadauan Nuquin Papan chuipampic: Mibi ënden uënësampid icnuc iuecquimbocshon aton matsesbëta matses utsi utsien min tsiuecquidën bëdambuen isquin bëdambo icmendac, quepampic,

Doma 12:5

Adecbidi nuquitedi dadpenquio icquid iquequi Esuquidistun dada yacbimbuec abi tantiaquidtedi iquec. Adash abentsëc yacbimbuec utsibobëd tsidadash tabadec dada abentsëcbimbuec iquec.

Doma 4:13

Ëndenquimbo Nuquin Papan Abadauan chuiquin: Min tsiuecquido nidaid abitedi menendambi, quequin chuipampic. Nuquin Papan Moises: Naden nata, ¿quequin chiampicpadombuenuidi nashoda Nuquin Papan aden Abadauan chuipampic? Padenquio. Aden aidën chiacpadombuen nainquiocquin abi tantiasho Nuquin Papan bëdambuen isquin Abadauan chiec: Aden menendambi, quepampic.

Doma 4:16

Nuquin Papan naden Abadauan chuipampic: Abadauan, umbi chuisho tantiash: Abimbo mimbi caic, quesho mibi bëdambuen isquin: Min tsiuecquido: Ubi piucquid mene, cainquiocquin aid nidaid abitedi menendambi, quequin chuipampic. Aden chuiquin ambi cuidenquio icquin bëdambuen iste Abadauanën tsiuecquidotedi tantiametiadquio icpampic. Nuquin Papan: Naden nata, quequin chuiquin Moises meniaid bedshun isadaidbouidtsëqui chienquio icquin adopampic. Abadauambimbuen abi tantiaquido icsho bëdambuen isendac. Aden ambia Nuquin Papa tantiaquid yec Abadauan nuquitedishun papabimbuecquid nec.

Doma 9:4

Cun tsusedpa Acobo Nuquin Papan Isadaid cuënaidën tsiuecquidotedi isadaidbo tantiaquin Nuquin Papan nadopampic: Cun matses mibi icsho isash mibëd tabadebique. Mibi ismenu, quequin cun matses tabadacno abu ushu bëchamauanquiecquid chomequin ismepampic. Adashic nadpampic: Umbi chiacpadec bëdambuec tabadsho mibi bëdambuen isquin bëdambo icmendambi, queshun ambi: Naden nata, quequin chiaid Moises dada uamepampic. Adoac abi tantianuen tabadte shubumpi uashunac Nuquin Papan abi bëdambuen tantiec tabadte isadaidbo chuipampic. Adshumbic: Bëdambuen isendambi, quequin Nuquin Papan cun tsusedpabo chuipampic.

Codinto 1 12:12

Matsesën dadan icquid uidënuaid dadpen icnubi dada abentsëcquiobi iquec. Adquiobidi Esus tantiaquido dadpen icnubi ambi tantiaid abentsëcquiobi Esuquidistu iquec.

Codinto 1 12:27

Mibitedi Esus tantiaquin utsi utsien nabanquido yec Esuquidistun dadabimbuecquido nec.

Codinto 2 11:22

¿Mimbi: Bëdambuen chuiquid nec, caid: Ebedeo cashumbic isadaidbo nebi, quepecta iquec? Aidbidi nebi, caimbi. ¿Abadauanën tsiuecquid nebi, quepecta aido iquec? Adembidi: Aidbidi nebi, cauaimbi.

Cadasia 3:19

¿Atotsi camenuen Nuquin Papan ambi: Naden nata, quequin Moises dada uamepampic? Umbi chiaid isash: Nuquin Papan Chiaid niacniaquec icsambuequien nuqui tabadchitec, quequin ma matsesën tantianu, queshun Moises dada uamepampic. Nuquin Papan Abadauan chiampid Esuquidistu choabi icnuc isadaidbo: Nuquin Papan Chiaid nanu, quebuedi icsambuec tabadpampic. Adsho issun Nuquin Papabëd icquidon Moises chuiuampampic. Adoac Moisesën aton matses Nuquin Papan Chiaid chuibampampic.

Cadasia 3:8

Isadaidpembotsen Nuquin Papa tantiaquido yanendac, quequin naden ëndenquimbo Nuquin Papan Abadauan chuipampic: Nidaid utsi utsiec yacno tabadquidontsen min tsiuecquid abentsëc tantiasho icsaisabimbuecnuc bëdambuen isendambi, quequin chiampid cun tsusedpan dada uapampic.

Epeso 5:32

Aden abi bunacpadombuen ambi matses tantiamenquio icpampidi mimbi tantiacmaid Nuquin Papan mibi Esus tantiamendac. Adoac Esuquidistu abi tantiaquidobëd tabadendac, quequin chiec nebi.

Codosas 2:19

Aido Esusbëd abentsëc yacbimbuec tabadquidpenquio nec. Adquid icquin: Esuquidistu abi tantiaquidon Icbombo nec, quequin tantienquio iquec. Adecbidi Nuquin Papan tantiacpadquiec Esuquidistu tantiaquid dadpen yanash aton utsibobëd tantiananec nashunnanec aton Icbo padquid yanec, quequin tantiesa adquido nendac.

Codosas 3:11

Adquid icmiac Esuquidistu tantiaquid utsibotedi Nuquin Papan bëdambuen tantiaquiec. Nëid isadaidbo nec. Nëid isadaidpembo nec. Nëid shui dëbid dëtemequid nec. Nëid shui dëbid dëtemesa nec. Nëid matses utsin dada uaid isec onquequin dadpen tantiaquido nec. Nëid matses utsin dada uaid isec onquequin daëdpactsëc tantiaquido nec. Nëid iua nec. Nëid iuapenquio nec, quenquio icquin aidtedishun Esuquidistu tantiasho Nuquin Papan bëdambuen isendac. Adecbidi abitedishun Icbombo abentsëcquiobi Esuquidistu nec. Aidi abi tantiaquidotedibëd icquidquio nec.