Cadasia 2:21 - El Nuevo Testamento en matsés

²¹ Nuquin Papan: Matses bëdambuen isendambi, quequin Chiaid niactiapimbo iquebi. Moisesën dada uaquin chiampid tantiaquin aidën chiacpadombuenuidi naic Nuquin Papabëd tabadtequid icnuc Esuquidistu abembi uënëstsempanëdash.

Cadasia 2:21 ပူးပေါင်းရင်းမြစ်များ

Madcos 7:9

Aden chuishumbic naden chuiuapanëdash: Nuquin Papan Chiaid niac niacquin tsusedpabon: Nadombuen nata, quequin chiampicpadombuen nabanquidquio mibitedi nec. Aden nabanquin ma mibitedishun Nuquin Papan Chiaidquio niac niacpayoc.

Doma 10:3

Nuquin Papa matses bëdambuen iste bunquid nec, quequin tantiatiadquidi isadaidbon tantienquio iquec. Aidon: Ambi chiacpadombuen naquin umbimbo bëdambuen ismembi, quequin tantiaquimbi Nuquin Papan: Umbi chiacpadombuen nasho icsaisabimbuecnuc bëdambuen isendambi, quequin chiaid tantienquio iquec.

Doma 11:6

Aden tantiec Nuquin Papa bëdambocquid icquin ambi chiacpadombuen naquid nibëdsho bëdambuen istiapimbo icbuedëmbi ambi tantiactedishun icsambuen nabuedombi abi tantiasho Nuquin Papan bëdambuen isendac.

Doma 4:25

Nuquin Papan tantiacpadec nuquitedi cuidmenquio icnuec nuqui icsambuen naid bedshunec abided cuidadec Esus uënëspanëdash. Adec uënësash uincueniaid tantiasho Nuquin Papan icsambuen naisabimbuecnuc nuqui bëdambuen isendac.

Doma 8:31

Aden tantiasho ¿atotsi nuquitedi cape? Nuquin Papa tantiasho utsibon chieshënquin: Icsa uanu, cashobi Nuquin Papan nuqui cudasquin icsa uamenquio iquendac, quequin nuqui tantiec.

Codinto 1 15:14

Esuquidistu uincuenambo icnuc ubitedishun chuibanaid ambembi chuibanaid ictsiandac. Adecbidi: Esus tantiaquid nebi, quequin mimbi tantiaid ambembi chiec onquiaid ictsiandac.

Codinto 1 15:17

Esuquidistu uincuenambo icnuc: Esus tantiaquid nebi, quequin mimbi tantiaid ambembi chiec onquiaid icuatsiandac. Mimbi icsambuen nabanaid tantienquio yec Nuquin Papa bëshunambo ictsiandac.

Codinto 1 15:2

Adembidi umbi: Esuquidistu abided cuidadec uënëspanëdash, quequin Chiaid Bëda chuibambueduidtsëqui chieshtoenquio icquin tantiadonec tabadash abi yacno mibitedi tabadtequid iquendac. Umbi chuibambuedtedi tantienquio iquequi: Esus tantiaquid nebi, quequin ambembi chuiquido mibitedi ictsiac.

Cadasia 2:16

Adquid icnuc Nuquin Papan: Naden nata, quequin chuiquin Moises dada uamiampid tantiaquin nabansho Nuquin Papan icsaisabimbuecnuc nuqui bëdambuen isec, quetiapimbo nuquitedi iquec. Esuquidistu tantiashouidtsëqui Nuquin Papan nuqui bëdambuen isec, queshun nuqui Esuquidistu tantiabenondac. Adshun ambi: Naden nata, quequin chiampiduidi nainquio icsho icsaisabimbuecnuc Nuquin Papan bëdambuen istiapimbo iquec, quequin nuqui tantiec.

Cadasia 2:18

Nuquin Papan: Naden nata, quequin chuiquin Moises dada uamiampicpaden nasho Nuquin Papan bëdambuen isec, quequinuidi chiondaidi Esus tantiabenshun aden chuitiapimbo yanondabi. Adbuedëmbi padpiden cun tsusedpabon chiaiduidi naquin Nuquin Papa bëdambuen ismembi, queshun abi bëdambuen ismequidquio Esus tantienquio yanquimbimbi icsambuen nachitoc, quequin tantiondambi.

Cadasia 3:21

¿Min tsiuecquid tantiaquido bëdambuen isendambi, quequin Abadauan chiampid niacquinda Nuquin Papan Moises chuipampic? Padenquio. Ambi: Naden nata, quequin chiampidën ënëdenquio yec tabadtequid icnuc Nuquin Papan chiacpadombuen naic tabadenquio ictsempampic.

Ebedeo 7:11

Nuquin Papan: Naden nata, quequin chuiquin Moises dada uamiampicpadombuen Adonëmba aton matses Nuquin Papa bëdambuen ismenuen nëish iua cuessunneshun pichicaquid icmeshun aidën matses tsiuecquidon ambi nacpadombuen naquidon aton matses bëdambocquiduidquio icmian Medquisedecbimbuecquid choenquio ictsempampic.