Cadasia 2:20 - El Nuevo Testamento en matsés

²⁰ Esusbëd uënësacbimbuen umbi icsambuen nabanaid ënondambi. Nëbi Esusbëd cuëshëdenquio yec bëdambuec tabadebi. Ubi tantiaquiec ubi cuidmenquio icnuec Nuquin Papan Mado abided cuidadec Esuquidistu uënëspanëdash, quequin tantiashoeni Aidëmbi nëbi bëdambuec tabadquid icmec.

Cadasia 2:20 ပူးပေါင်းရင်းမြစ်များ

Mateo 20:28

Adecbidi Matsesën Tishaid icsho mabi matsesën nashunnu, quecpenquio chondabi. Adenquio icquin matses nashunquin Nuquin Papa icsambuen naquidobi cuidmenquio icnuec ubided cuidadec uënësendabi, quequin Esusën ubitedi chuipondash.

Mateo 4:3

Adec bunec tsadshobien Mayan Icsa Satanasën istuidpanëdash. Aden istuidtanquimbien: Nuquin Papan madombo icquin penun nëid cuënotebi: Pete icta, cata, capanëdash.

Uanën dada uaid 1:49

Adsho tantiashumbien: Icbo, Nuquin Papan Madombo mibi nec. Nuquin matses isadaidbon chuiquid tapambo ictequid mibi nec, capondash Natanaedën.

Uanën dada uaid 10:11

Adashic Esus padpidec onqueuapondash: Obeca icbobimbuecquid nebi. Obeca icbo aton iua cudasacbimbuec ubi tantiaquido cudasnuec ubided cuidadec uënësendabi.

Uanën dada uaid 15:13

Nadec tantiananta. Cuesanquidën mibëd icquid: Cuesnu, cashunac: Padi. Ubien natiad, quiacbimbuec tantiananta.

Uanën dada uaid 17:21

Mibëd ubi tëshnanenquio yacpadecbidi nuquibëd tëshnanenquio icquid aido icmeta, Papa. Adoac tantiananec abentsëc yacbimbuec tabadsho issun nuqui tantiesabon: Abimbuen cachitec. Nuquin Papan Chomiaidquien Esus nepanëdash, quequin tantiendac, Papa.

Uanën dada uaid 3:16

Adashic Esus: Matses abitedimbo tantiaquidquio icquin Nuquin Papan aton Mado abentsëqui abided cuidmequin uënës uasho ubi tantiaquid cuidenquiocquin abi yacno ubëd ënëdenquiocnoc tabadmendac.

Uanën dada uaid 3:35

Ambi tantiaidquio icsho Nuquin Papan Aton Mado abentsëcquiobi abitedishun Icbombo icmiac.

Uanën dada uaid 6:57

Cun Papa ubi chomequid uënëstiapimbo icquid yec matses uincuenmequidquio nec. Aidën chomiaid icsho cun nami piacbimbuec ubi tantiec tabadquid uënësacsho uincuenmequin uënëstiapimbo icquid icmendambi.

Uanën dada uaid 6:69

Ubitedishun: Abimbuen caic, quequin mibi tantiembi. Nuquin Papan Chomiaidquio yec bëdamboshëcquidquio nec, quequin mibi tantiembi, quepondash Petedo Esus caic.

Hechos 8:36

Aden chuibanec podquiedën nidquimbi Etiopia yacnouësh choquid Esus tantiaquid yanshun acte istuidshun: Acte cueneque. Is. ¿Ada ubi acten mentotsia? capanëdash.

Hechos 9:20

Adec Damasco yacno tabadquin Nuquin Papan Chiaid chuibante shubun shubunquiec puduedcuennequin isadaidbo chiec: Esus Nuquin Papan Madombo nec, quequin chuibennequin Saudon tauapanëdash.

Doma 1:17

Esusën Chiaid Bëda chuibansho tantiashun Esus tantiaquid icsho Nuquin Papan bëdambuen isec, quequin nuquitedi tantiec. Naden chuiquin Nuquin Papan dada uamiampid iquec: Ambi chiacpadombuen naic tabadquin Abi tantiasho Nuquin Papan abëd tabadtequido icmendac, quequin dada uamepampic.

Doma 14:7

Nuqui tantiacpadec tiboquequidpenquio nuquitedi nec. Adecbidi nuqui tantiacpadec uënësquidpenquio nuquitedi nec.

Doma 3:22

Aden ambi chuiquin dada uamiampicpadombuen nëbi abi tantiamequid Esuquidistu uidtsëqui tantiasho Nuquin Papan matses bëdambuen isec icsambuen naisabimbuecnuc. Isadaidbobëtambi matses utsibontsen Esus tantiasho adoendac.

Doma 4:25

Nuquin Papan tantiacpadec nuquitedi cuidmenquio icnuec nuqui icsambuen naid bedshunec abided cuidadec Esus uënëspanëdash. Adec uënësash uincueniaid tantiasho Nuquin Papan icsambuen naisabimbuecnuc nuqui bëdambuen isendac.

Doma 5:2

Abi tantiaquido icsho nuquitedi cuidmenquio icnuec abided cuidadec Esuquidistu uënëspanëdash, quequin nuquitedi tantiec. Aid tantiashouidtsëqui Nuquin Papan bëdamboshë yacno abëdi nuqui tabadmendac, quec chieshtoenquio yec nuqui cuishonquec.

Doma 5:6

Nuquitedi icsaquido yec Nuquin Papa yacno tabadtapimbo icpondac. Adec matses abitedi icsambuec tabadsho Nuquin Papan uesquin cuidtsennubi abi tantiaquido cuidmenquio icnuec abided cuidadec Esus uënëspanëdash.

Doma 5:8

Padnuen matses abitedimbo icsambuenuidi naic tabadnuc nuquitedi cuidmenquio icnuec Esuquidistu abided cuidadec uënëspanëdash. Nuquin Papan nuquitedi tantiaquiec, matses camenuen aden Esus namepanëdash.

Doma 6:13

Icsambuen nabanec tabadec uënësacbimbuec nuquitedi icpondac. Adquid icbuedëmbi uincuenacbimbuen Nuquin Papa tantiabenshun icsambuen naic tabadenquio icquin aid bunacpadombuen naic bëdambuec tabadnuna.

Doma 6:8

Adec Esuquidistubëd uënësacbimbuecquid nebi, quequin aid tantiaquid yec aidbëd abi yacno tabadendabi, quequin nuquitedi tantiec.

Doma 8:10

Esuquidistu mibëd iquec. Adquid icsho Nuquin Papan Mayan Bëdan tantiamiacpadec tabadsho Nuquin Papan bëdambuen isaido mibi nec. Icsambuen nabanquido yec min dada uënëstequid nendac.

Doma 8:37

Aden natiamiaid icshobi nuqui tantiaquidquio icquin Esuquidistunuidtsëqui chieshtoenquiocquid nuquitedi icmendac chieshëmënquido dëniacquin cuesacbimbuen.

Codinto 1 6:17

Adquid icnuc Nuquin Icbo tantiaquid yec aidbëd daëdash abentsëc yacbimbuen tantiec tabadendac.

Codinto 2 1:24

Naden dadpen tantiata, quequin icbon ancacbimbuen mibitedi chienquio iquembi. Esus tantiaquidombo nec, quequin mibitedi tantiembi. Ma Esus tantiec chieshtoenquio yec cuishonquequiono, quequin mibëd icquin mibitedi chuibante bunebi.

Codinto 2 10:3

Matses yequi Esuquidistu tantiaquid icquin Esus tantiesabon icsambuen naquidon nabanacpaden nabanesa nebi.

Codinto 2 11:10

Esuquidistu abi iquec, quequin abimbo caimbi. Adembidi min nidaid Acaya caidën Esuquidistu chuibanquin: Piucquid bec cho, cainquio iquendambi. Aden abimbo chuibanquid icsho utsin ubi ënmetiapimbo iquec.

Codinto 2 13:3

Esuquidistun tantiamiacpaden Pabadon chuibanquin dada uaid nec, quequin ¿Mitsipadentsimbi abimbo tantiape? quequid icsho chuibanembique. Tantiaquiota. ¿Esuquidistun natiapimbocquidta icpadic? Aidëmbi nadatiambocquin mibitedi tantiamec.

Codinto 2 13:5

Mibibi datantiadcuededec: ¿Adambi chieshtoenquiocquin Esuquidistu bëdambuen tantiape? quequin mimbibi tantiata. Aden tantiec: ¿Mibibi datantiadec Ambi chiacpadectabi tabadpe? quequin adembidi tantiata. Aden tantiashun: Adec tabadabi iccobi, quequin tantiaquid yec Esus tantiabicquid mibi nec. Adquid icnuc: Esus ubëd ictiapimbo iquec, quequin tantiata.

Codinto 2 5:14

Esuquidistun tantiaid icquin ënenquio icquin naden chuibanquid nebi. Matses abitedi tantiec abided cuidadec Esuquidistu abentsëqui uënëspanëdash. Adquid icnuc uënësacbimbuen aid tantiaquid icquin nuqui bunaid nainquio iquendac, quequin nuqui tantiec.

Codinto 2 5:15

Adec matses abitedi cuidmenquio icnuec Esuquidistu uënëspanëdash. Adashic uincuempanëdash, queshun aid tantiaquin uënësacbimbuen nuqui icsambuen nabambued ënshun nuqui tantiacpadombuen nainquiocquin Esusën chiacpadombuen nanuna.

Codinto 2 5:7

Nëbi Nuquin Icbombo isenquio icquimbi ënenquio icquin: Abi iquec, quequin nuqui abimbo tantiec.

Cadasia 1:4

Matses abitedi icsamboec tabadsho isash nuqui icsambuen naid bedshunash Nuquin Papa bunacpadec abi tantiaquido cuidmenquio icnuec abided cuidadec Esuquidistu uënëspanëdash.

Cadasia 2:16

Adquid icnuc Nuquin Papan: Naden nata, quequin chuiquin Moises dada uamiampid tantiaquin nabansho Nuquin Papan icsaisabimbuecnuc nuqui bëdambuen isec, quetiapimbo nuquitedi iquec. Esuquidistu tantiashouidtsëqui Nuquin Papan nuqui bëdambuen isec, queshun nuqui Esuquidistu tantiabenondac. Adshun ambi: Naden nata, quequin chiampiduidi nainquio icsho icsaisabimbuecnuc Nuquin Papan bëdambuen istiapimbo iquec, quequin nuqui tantiec.

Cadasia 3:11

Ambi: Naden nata, quequin Moises chuiquin dada uamiampid nainquio icsho Nuquin Papan bëdambuen istiapimbo iquec. Aden istiapimbo icquin Nuquin Papan naden chuiquin dada uamiampid iquec: Ambi chiacpadombuen naquidquio Nuquin Papa nec, quequin tantiaquioquid Nuquin Papan icsaisabimbuecnuc bëdambuen isquin abëd tabadtequid icmendac, quequin dada uamepampic.

Cadasia 5:24

Esuquidistun iuabo icquin nuqui icsambuen naidbëta nuqui icsate bunaidtedi bedshun cueste napotiaidën dectanquin cuessunniacbimbuen nuquitedi ënondac.

Cadasia 6:14

Ubien tantiesabimbuec: Ubiuidtsëqui bëdambocquid nebi, quetiapimbo iquec. Adenquio yec Nuquin Icbo Esuquidistu cueste napotiaidën dectanaidquio tantiec: Bëdambocquid nebi, caimbi. Adec Esuquidistu tantiec ubi bunaid ënash icsate bunenquio iquebi. Adsho issun utsibon umbi Esus tantiaquin nasho tantienquio iquec. Adec Esuquidistu cueste napotiaidën diadec uënëspanëdash, quequin tantiec Esus tantiesabon nacpadombuen nainquiocquin umbi icsambuen naid ënash icsate bunenquio iquebi.

Epeso 3:17

Adembidi Esuquidistu tantiaquidombo icmequin ënëdenquio yec utsibobëd tantiananec tabadquid icmeta, Papa, quequin mibitedi tantiaquin Nuquin Papa chiannembi.

Epeso 5:2

Nuqui tantiaquidquio Esuquidistu nec. Adquid icnuc utsibobëd tantiananec tabadta. Nuquitedi tantiaquidquio yec abided cuidadec uënëspanëdash. Adec abi uënësaid nuadte bëda shëdtequid pichicacbimbuen nasho isash Nuquin Papa: Bëdambo iquec, quepanëdash.

Epeso 5:25

Aton bënë icquin min chido tantiaquiota. Esuquidistu abi tantiaquido tantiaquiec abided cuidadec uënësacbimbuen tantiaquiota.

Pidipos 1:21

Uënësabi icquin Esuquidistu tantiec bëdambo iquebi. Cuessunniac uënësash abi yacno tabadec bëdamboshë iquendabi.

Pidipos 4:13

¿Ubenquiodabi adquidtedi icnuc uidënquio icti? Padenquio. Esuquidistun namiaquini adquidtedi icnuc chieshtoenquio yec uidënquio iquec.

Codosas 1:27

Aden Nuquin Papan ambi matses tantiamenquio icpampidi bëdamboshëcquid Esuquidistu Isadaidpembo tantiamebempanëdash. Adoac Esuquidistu tantiaquido yansho issun Nuquin Papan cun matses caido yec bëdamboshëcquid yacno aidbëd tabadtequid nebi, quequin tantiaquin cainec tabadendac.

Tesadonica 1 1:10

Adshumbic: Nuquin Papa yacnouësh aton mado Esus nidaidën padpidec chosho istiadquio iquebi. Ubi cuidmenquio icnuec abided cuidadec uënësacsho Nuquin Papan uincuenmiaid Esus choec, queshun aidquio tantiabenac caosh, quequin mibitedishun naid chioshi.

Tesadonica 1 5:10

Aidi nuquitedi cuidmenquio icnuec abided cuidadec uënëspanëdash. Aidëmbidi abi tantiaquidotedi beduanshun abëdi tabadmendac. Uënësaid uincuenmiaidobëta uënësabi icquidotedi adoendac.

Tito 2:14

Nuqui cainaid nuqui icsambuen naidtedi bedshunec abided cuidadec Esus uënëspanëdash. Adec uënësaid tantiaquid yansho: Cun matses caido yec bëdambuec tabadquid nendac, quequin chiaid tantiameta, Tito.

Ebedeo 8:3

Matses icshobi nëish iua cuessunneshun pichicaquidon chuiquid tapa icta, caid icquin: Cun matsesbëtambi icsambuen naquid nebi, queshun nëish iua cuessunneshun pichicadennepampic. Adembidi Nuquin Papa tantiaquin: Menenu, quequin aton matsesën bëbëaid bedshun Nuquin Papa menedednepampic. Adembidi Esuquidistun nuqui bëdambuen ismequid tapa icquin Nuquin Papa menetequid icpec.

Petedo 1 1:8

Aden mimbi isacmaidi Esuquidistu tantiaquido mibitedi nec. Nëbi aid isambo icquimbi mimbi tantiaquiec. Adash utsibon tantiatiapimbo icnuc mibi cumapenquiec cuishonquendac.

Uan 1 1:7

Nuquin Papan chiacpadombuen nabanquid yec Esus tantiaquid utsibobëd abentsëc yacbimbuec tabadquid nuquitedi nendac. Adquid nuqui icmenuec nuqui icsambuen naidtedi bedshunec abided cuidadec Nuquin Papan Mado Esuquidistu uënëspondash. Adec intac mëyanec uënësondaidënquio nuqui icsambuen naidtedi uqendac. Nuqui icsambuen nabued tantienquio yec bëshunendac.

Uan 1 4:14

Nuquin Papan Madombo ubitedishun ispondambi. Aden isondashun: Matses abitedi abëd tabadtequid icmenuen Nuquin Papan chomiac Esus chopanëdash, quequin dacuëdenquiocquin chuibanec nebi.

Uan 1 5:20

Nadembidi nuqui tantiec. Nuquin Papan Madombo choshon chuibanec: Nuquin Papambo nadquio iquec, quequin tantiamepondash. Adash: Esuquidistu Nuquin Papan mado Nuquin Papapadquidbëd abentsëc yacbimbuec nuquitedi iquec. Aidi Aton Papapadquid icquin abi tantiaquido icsho Nuquin Papa yacno ënëdenquiocnoc tabadmendac, quequimbidi nuqui tantiec.

Esusën Uan ismiaid 1:5

Adembidi Esuquidistun mibi bëdambuen isquin bëdambo icmendac. Nuquin Papan bëdambuen iste tantiamequidquio aidi nec. Abia aton dada uënëstiapimbo icquid icmequin uincuenmiaidquio nec. Adquid yec abitedishun Icbombo nec. Aidënuidtsëqui nidaidën tabadquidën chuiquid tapa abitedimbo namendac. Aidi nuqui tantiaquidquio yec nuqui cuidmenquio icnuec nuqui icsambuen naid bedshunash abided cuidadec intac chididiquec uënëspondash.

Esusën Uan ismiaid 3:20

Tantia. Mibi chuinu. Min shubu shëcuë cuëman nidtuidshun: Shëcuë shëcne, quec ubi cuënsho tantiashun: Pudued, quequin mimbi shëcuë shëcnesho isash min shubun puduedash mibëdi pec tabadendabi.