Cadasia 2:18 - El Nuevo Testamento en matsés

¹⁸ Nuquin Papan: Naden nata, quequin chuiquin Moises dada uamiampicpaden nasho Nuquin Papan bëdambuen isec, quequinuidi chiondaidi Esus tantiabenshun aden chuitiapimbo yanondabi. Adbuedëmbi padpiden cun tsusedpabon chiaiduidi naquin Nuquin Papa bëdambuen ismembi, queshun abi bëdambuen ismequidquio Esus tantienquio yanquimbimbi icsambuen nachitoc, quequin tantiondambi.

Cadasia 2:18 ပူးပေါင်းရင်းမြစ်များ

Doma 14:15

Nëbi aido bëdambuen tantiaquin ambi petemaid pemenda. Ambi petemaid pemequin mimbi aido bëdambuen tantienquio iquec. Mibitedishun ambi petemaid pemiac mibëtan Esus tantiaquid icbuedi tantiesa yanacsho cuidnushe, queshun tantiaquiota. Ambi petemaid pemenda. Nëid petemaid nec, quequidotsen tantiaquin cuidmenquio icnuec abided cuidadec Esus uënësac caondashe. Aido bëdambuen tantiata.

Doma 2:25

Tantia. Abimbo chuinu. Nuquin Papan: Naden nata, quequin Moises dada uamequin chiampicpadombuen isadaidbon shui dëbid dëtemebanec. Adoaid yec Ambi Chiaid niaquenquio yec bëdambuec tabadsho Nuquin Papan bëdambuen istsiash. Padnuen isadaidbo utsibon Ambi Chiaid niac niacsho Nuquin Papan bëdambuen istiapimbo iquec shui dëbid dëtemesabimbuecnuc.

Doma 3:5

Matsesën icsambuen naquid icquimbi: Nuquin Papa tantiamequid nebi. Ubi icsambuec tabadsho issun naden tantiatsiash: Icsambocquidpenquio Nuquin Papa nec. Icsaisambo yec bëdamboshëcquid nec. Aidëmbi matsesën icsambuen nasho issun cuidendac, quequin chiaid icnuc abi tantiamequid icshobi Nuquin Papan ubi cuidac icsambo iquec, quequin tantiacbimbuen tantienquio icnuna.

Cadasia 2:21

Nuquin Papan: Matses bëdambuen isendambi, quequin Chiaid niactiapimbo iquebi. Moisesën dada uaquin chiampid tantiaquin aidën chiacpadombuenuidi naic Nuquin Papabëd tabadtequid icnuc Esuquidistu abembi uënëstsempanëdash.

Cadasia 5:11

Cun utsibo, umbi aidon chiacpaden: Shui dëbid dëtemiaiduidtsëqui Nuquin Papan bëdambuen istsiashe. Dëtemeta, quequin chuiquin Esus chuibanenquio icsho isadaidbon chieshënenquio ictsenoshi. Abi tantiaquid cuidmenquio icnuec cueste napotiaidën diadec Esuquidistu uënëspanëdash, quequin chuibansho mabi chieshëmpaboc.