Cadasia 1:24 - El Nuevo Testamento en matsés

²⁴ Adec ubi icaid tantiash: Nuquin Papa bëdamboshë iquec, quepanëdash Udea yacnocquido.

Cadasia 1:24 ပူးပေါင်းရင်းမြစ်များ

Mateo 9:8

Adosho isash dacuëdtanequien: Adquidshenda icpec. Nuquin Papan namiaid icquimbien nachitec. Abi namequid Nuquin Papa bëdambo iquec, quecuededpanëdash isquido.

Madcos 2:12

Adoac abitedishunquio isnuc badedquio nidtotanquin abi bëbued nandote chiadtotanquin buanec nidsho isash: Nideque. Is. Adombuen nabanquid isen ictennebi, quetsëcquiec onquiash: Nuquin Papa bëdamboshëcquidën naid nec, quecuededpanëdash.

Ducas 15:10

Adecbidi matses abentsëcshun ambi icsambuen naid ënquin Nuquin Papa tantiabensho isash Nuquin Papabëd icquido: Bëdambo iquebi, quec cuishonquecuededquiendac, quepanëdash Esus.

Ducas 15:32

Min utsi uënësacbimbuec icbuedi nëbi choash tabaduaic. Aidi bënnudacbimbuec icbuedi nëbi istuidacbimbuec chosh, quequin aton papan aton mado bëyucquid chuiposh, quepanëdash Esus.

Ducas 2:14

Nuquin Papa abucquio tabadquid yec bëdamboshë iquec. Nuquin Papan bëdambuen isaido matses ma bëdambuec tabadpanuna, quec cuëdëmpanëdash.

Ducas 7:16

Aden uënësaid uincuenmesho isash dacuëdcuededequi chochoquido: Adopenshenda uincuenmec, queshun: Abi namequid Nuquin Papa bëdambo iquec, quequin chuibampanëdash. Aden chuibanec: Nuquin Papan ambi: Cun matses nec, caido bëdambuen nashunnuen ambi oncamiaid chomiaid nuquibëd iquec, quec isquido onquecuededpanëdash.

Hechos 11:18

Aden Petedon nainquin chuibanac bëdambuen tantiash chushquec ënëdash isadaidbo shui dëbid dëtemequido: Isadaidpembon Esus tantiaquin ambi icsambuen naid ënsho issun Nuquin Papan aidotsen ënëdenquio yec abi yacno tabadtequid icmiac, quepanëdash Nuquin Papan naid chiec.

Codinto 2 9:13

Aden nashunaid issun mibitedi tantiec: Chiaid Bëda Esusën naid chiac: Esuquidistu tantiaquid nebi, quequin abimbo chuiquidquio aido nec, quequin mimbi dadpen meniaid bedshun: Nuquin Papa bëdamboshë iquec, quequin aidon chiendac.

Tesadonica 2 1:10

Aden ambi icsambuen naquido cuidte uëshëmbi Esus chosho isash abi tantiaquido: Ubi cuidmenquio icnuec abided cuidadaid Nuquin Icbo bëdamboshë iquec, quequin aton Icbo isec tabadendac. Umbi Esus chuibanac aid tantiabenondaido icquin mimbitsen Esus chosho isendac.

Tesadonica 2 1:12

Aden mimbi Cun Icbo Esuquidistubëtan bëdambo icmiac Esus tantiec bëdambuec tabadtsiash. Adec bëdambuec tabadsho isash utsibo mibi caic: Abi tantiaquid icsho Esusbëtan Nuquin Papan aden bëdambuen tabadmec. Aton Icbo Esuquidistubëd Nuquin Papa bëdamboshë iquec, quendac utsibo, quequin Nuquin Papa chiannembi mibitedi tantiaquin.