Cadasia 1:23 - El Nuevo Testamento en matsés

²³ Aidon: Nuquipadquid Esus tantiaquido cuessun secamiondaidëmbi Esusën naid Chiaid Bëda chuibenniosh, quequin umbi naid chuishouidi tantiapanëdash.

Cadasia 1:23 ပူးပေါင်းရင်းမြစ်များ

Hechos 19:13

Adnubien podobitsi icsa dapuduenmenuen Pabadon Esus chuiquin nabocpaden tanquin isadaidbo utsibon: Esus Pabadon chuibuedënquio namiac dapuduen, capanëdash.

Hechos 6:7

Adshun Edusaden yacnoshon Esus chuibennequidon Nuquin Papan Chiaid chuibennesho tantiash utsi utsiec Esus tantiaquid dadpen yampanëdash. Adecbidi isadaidbo nëish iua cuessunneshun pichicaquido dadpen bëdambuen tantiash Esus tantiaquido yampanëdash.

Hechos 9:13

Adoaquien: Cun matses dadpenshun Saudon icsambuen nabanaid chuibansho tantiombi, Icbo. Aidëmbi Edusaden yacnoshon mibi tantiaquido mëyanmiac caosh.

Hechos 9:20

Adec Damasco yacno tabadquin Nuquin Papan Chiaid chuibante shubun shubunquiec puduedcuennequin isadaidbo chiec: Esus Nuquin Papan Madombo nec, quequin chuibennequin Saudon tauapanëdash.

Hechos 9:21

Aden chuibansho tantiash tantiadempambo yec tabadec: ¿Edusaden yacnoshon Esus tantiaquido mëyanmebuedpenquioda nedic? ¿Adecbidi nëmbo choshon nuquitsen tanemeshun isadaidbo Edusaden yacnocquidon chuiquid tapabo yacno buanmenuec choashpenquioda nedic? quepanëdash Damasco yacnocquido.

Hechos 9:26

Aden imbudac budanec nidec Edusaden yacno choash Saudo: Esus tantiaquido iccuededsho istannu, quesho tantiash: Saudon: Esus tantiaquid nebi, quec muaquin ubi bednushe, quiash aido dacuëdcuededpanëdash.

Cadasia 6:10

Adotequid icnuc bëdambuec tabadquin Esus tantiaquidobëta utsibo bëdambuen isquin nashunnuna. Adecbidi Esus tantiaquido yec tantiananquiec nashunnanquionona.