Tito 3:3 - Sharanahua: Diospan Tsain

³ Norifi nocon nomuranshon non amaquiri chaca shinanpaoni. Ascashu non yoitimacoin icain chaca futsa futsatapafo non huapaiyai cuscan huafain nocon nomuranshon non shinanchaca cuscan nannoricoinri non huapaoni. Nanfo nocon ifo ipaoni. Ascatarifi non iscara ipaoni. Non futsafohuunoa shinanchacafafainmisi icain futsafo aya cuscan fianpaitiashu non aqui shinanchacamisi icain non futsafo noicasmafain nofirananri non noicasmatananpaoni. Non nanscara chacafo huapaoni.

Tito 3:3 ပူးပေါင်းရင်းမြစ်များ

Génesis 38:9

Ascafia Onán tapini a futan facu oni huaiton ascano iyoa oni huashoin shinantsancoin ani. Ascacun a fu ifiano ocon nanushotama chipacumupaoni. Ascacun ahuunshon ahuun ochi funafo cai huapaonima.

Génesis 39:16

Ascano José ahuun camisa nanno mucuni funun oinyonon.

Mateo 21:29

Furumun cumani, “Ma, upa, un yonoicaimara,” huafiashu chipo shinan futsashu cani. Ascashon furu chipocuri yoini, “Upashtan, nocon mau ano yonotahuun,” huaiton. “Ai, upa. Mun yonoicairan,” huafiashucai canima.

Lucas 21:8

Jesús ato cumani, —Oinfain. Mato parapaicaniqui. Yora ichapafoan, “Un Cristoran,” ishon mato parapaishcani. Ascashon nanfoanri yoishcani, “Un mato yoia cuscan Cristo samamashtacoin oiran,” ishon mato yoiaifoan ato tanayamacahuun.

Juan 8:34

—Iconcoin un mato yoinon. Tsoan chaca huamisifin ahuara chacafoan aton ifo iishquiquin. Nanrifi chacafoan aton yonoshomisi iishquiquin.

Romanos 11:30

Mancai Upa Dios nicapaipaonima. Ascafiacun Upa Diosin uhuun caifo shara huapaiyai cuscan ato shara huatamarocon matohuun ramapaiquin mato shara huai.

Romanos 6:12

Ascacufin afanan chaca maton ifo imayamacahuun mato chaca huamapaiyai cuscan ayamacahuun

Romanos 6:17

Man chaca catonpaoni ahuun oinmatifiashon natian Upa Diosin mato yoimisi cuscan maton nomuran man nicacoian. ¡Aicho! Upa Diosin mato imasharamisi.

Romanos 6:22

Ascafia natiancai chaca afanan maton ifoma Upa Diosin maton ifo. Manfin ahuun oinmatifoquin. Man ahuun oinmatifocun mato shara huafafaini a cuscara shara man inon man afu ipanon.

Romanos 6:6

Jesús mastaifono norifi afu masta cuscaracoin. Non chaca huapaoni cuscan cuyonon. Non Jesús ifoataima chaca nocon ifo ipaoni. Non afu masta cuscaracoin afanan chaca nocon ifo inonma.

2 Corintios 12:20

Ascacun un matoqui nocoshon oinpai man chaca shatushon Jesús tanasharanon. Un matoqui nocoshon oian man chaca shatuyamacun uhuun nomuran un omitsiscatiro. Un matoqui chipo nocoaitian manraca fochishmanantanancai futsa finonmapai aqui sinacai samamashta sinacucahuanmisifo icai asca huaquiraca, —Norus fusti tapishara. Tsoa futsafoancai non tapishara cuscan tapiafomaran, —icain. Nannori yoitiacanashu chaca huatanancain yoiti huatanancain cacapaimisi icain man nannorisi shinanquima. Man nansca huainofin un ratuicain. Man asca huaquin chaca shatuyamashu man ua oinpaiyai cuscacai un ascatiroma. Man uqui unimaquin ua oinpaifiaquin man chaca huaino un matoqui unimatamarocon un fasi mato shinain omitsiscatiro. Man nanscaiton un mato oinmanaquin.

Gálatas 6:3

Ascano futsan yoiquin —Unfin fasi sharaquin. Uncai tsoa futsa yopaima ua Dios cufishonon, —ishon shinain. Nan cuscara yoracai ahuama. Afiri paramui.

Colosenses 1:21

Maton nomuranshon man Dios noicasmafain man fasi chaca huapaoniquin. Ascashucai man Dios fu rafuyamacai marificai man ahuun yorafo ipaonima.

Colosenses 3:7

Ascano marifi man Dios nicacoiantaima man nanscara chacafo huapaoni.

2 Timoteo 3:13

Ascano nan yora chaca huamisifo yafi paramisifori chaca finacoinya ishquicani. Futsafo paraifoan atorifi futsafoanri parashcani.

2 Timoteo 3:6

Ascatari ainfofoan chaca huamisifo cuscacai Dios yoimisifoma ato chaca soashonon. Anoricai itama afananri ahuara chaca futsa futsatapafo huapaicaquin shinanfafaimisifo. Ascaquin ato ointi nocoafo chaca huamisifo shinancaquin. Ascashon nanscara ainfofoan yoimisifo isca huaquin, —Un tapipai ahuuscashumain un isharatiroquin, —ishon yoifiaquicai Jesucristohuunoa Diospan tsain iconcoin nicafiaquicai tapicoianfoma. Ascano nan yora chacafoan nanscara ainfofo ato pushu muranshon iquimisifo ato tsain shara nicatsa yoiquin. Ascafia ato tsain shara yoiamafiaqui. Ascan ato yoiaifo cuscan fasi amaquiricoin. Ascashon ato iquipaicani.

Tito 1:16

—Nonfin Dios tapicoianquin, —ishon yoifiamisifo man acai cuscahuunshon non tapitiro nanfoancai Diosihuunoa tapicoinmisifoma. Ascashon fasi chacacoin fustisi shinancani. Ascaquicai ahua shara huatirofoma.

Tito 2:12

Ascano nan tsain non icoinra huaiton nocorifi tapimai non afanan Diosimaisi inonma. Ascashocai non chaca huapaoni cuscan non afanan atiroma. Ahuaraton noco shinanchacamapaiyai cuscacai non afohuunoa shinantiroma. Ascatama ahuara ahuuscarafiaino non isharatiro. Natian Upa Diosin noco amapaiyai cuscan fusti non atiro.

Santiago 1:26

Ascan tsoan yoiquin isca huai, —Unfi Diosin tsain nicacoinmisiquin, —ishon anori yoifiaqui tsain chaca yoiquin shatuamashu nanscara yorafin afiri paramutiro.

1 Pedro 1:14

Manfin Diospan facufoquin. Ascan Upa Dios nicasharacahuun. Mato amapaiyai cuscacai man tapiyopaonima. Man chaca huapaoni cuscan afanan shinanyamacahuun.

Apocalipsis 12:9

Ascacun Miguel futan Diospan oinmatifoan ato nai muranshon mai ano potani. Nan famanhuan cuscara nan rononhuan shuni ahuun anu futsa Satanás nantifi manifoti ato parafafainmisi.

Apocalipsis 13:14

Satanashuunshon nanscara huariaquin yorafo man paran Diosiran huanonfo. Ascashon ato yonoa, —Nan yoina pofu cuscara nopu cunopaton man rutufiafo afanan nimisi nan ointsa uhuapacoin ramihuacahuun, —ishon ato yonoa.

Apocalipsis 18:2

Oi ashcafinin cunaquin isca huaa, “Babilonia ano icafoan fasi chaca huamisifo. Chaca fustisi shinanmisifo. Nocofunufoan aton ahuinma chotamisifo ainfofoan aton funumari chotamamisifo. Man amisifo cuscan caifo futsanfori atohuun caoafo. Ato chaca huamamisi Upa Dios tanatamarocon chaca fustisi tananonfo. Man chaca huamisifo cuscan caifo futsafori aton niaifofoan nanscarin huaquin chaca huamisifo. Nan Babilonia ano icafoan fasi mafo ichapaya. Ascan ahua yopacaquima mai futsa anoafo aton mafo inan ahuun rafanan pui fiishcaquin. Ascano futsafoanri mafo inanmitsacashon ahuun rafanan pui finonfo. Asca huacanashu Babiloniahuunoashu afori mafo ichapaya icafo. Asca huacaquin Upa Dios shinanmisifoma.” “Ascacufin Upa Diosin nan Babilonia anoafo fasi onaintimai afanan tsoan ano inonma. Ato namaquin cuyoshquin. Afanan ano yora itamarocon yoshin chaca futsan futsantapafo tsain mutsama yoifafainaifo ano icaforan,” ishon Upa Diosin oinmatinin nan afu nai muran icaton ua yoia.